ཆུ་ལོག་བྱུང་སྐབས་ཉེན་ཁར་ཇི་ལྟར་གཡོལ་དགོས།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  ཀྲུང་གོ་བོད་ཀྱི་དྲ་བ།  བཤེར་འབེབས།  རིན་ཆེན་ཚེ་རིང་།

1.གལ་ཏེ་ཆུ་ལོག་མུ་མཐུད་དུ་ཇེ་ཆེར་སོང་ནས། དུས་ཡུན་ཐུང་ངུའི་ནང་འཇགས་ཐབས་མེད་ན། མྱུར་ཏུ་རི་སྟེང་དང་ས་མཐོ། ཐོག་ཁང་སྟེང་སོགས་མཐོ་སར་གནས་སྤོར་བ་དང་། ཡང་ན་ཁང་ཀླད་དང་ཐོག་ཁང་གི་མཐོ་ས། སྡོང་མགོ་སོགས་མཐོ་སར་མགོས་ནས་གཡོལ་དགོས།

2.གལ་ཏེ་ཆུ་ལོག་གློ་བུར་ཏུ་ཇེ་ཆེར་སོང་ནས་ཁང་ཀླད་དང་སྡོང་མགོ་སོགས་སུ་མགོ་དགོས་ཚེ། ཉེན་སྐྱོབ་བརྡ་རྟགས་སྟོན་བྱེད་ཀྱི་དངོས་ཟོག་གང་རུང་བསྡུ་གསོག་བྱེད་དགོས་ཏེ། དཔེར་ན་གློག་ཞུ་དང་པི་པི། དར་ཆ། མལ་གོས་མཚོན་མདོག་ཅན། སྣུམ་རས་སོགས་ལྟ་བུ། དུས་ལྟར་ཉེན་སྐྱོན་བརྡ་རྟགས་བཏང་ནས། མྱུར་སྐྱོབ་ཐུབ་པར་བརྩོན་ལེན་བྱེད་དགོས། ད་རུང་ཐག་པ་དང་ཉལ་གོས་ཀྱིས་རང་ཉིད་དང་དུ་ཁུང་མཉམ་དུ་བསྡམས་ནས་ཁང་ཀླད་ནས་ཤུད་པར་གཟབ་དགོས།

3.ཆུ་ལོག་མུ་མཐུད་དུ་ཇེ་ཆེར་སོང་ནས། གནས་སྐབས་སྡོད་ས་ནས་རང་ཉིད་ཉེན་ཁར་འཕྲད་ཚེ། གྲ་སྒྲིག་བྱས་ཡོད་པའི་མྱུར་སྐྱོབ་སྒྲིག་ཆས་བཀོལ་ནས་ཉེན་གཡོལ་བྱེད་དགོས་པ་དང་། ཡང་ན་མགྱོགས་མྱུར་ངང་སྒོ་ལེབ་དང་སྒྲོག་ཅོག  མལ་ཁྲི། ཝུ་བའི་སྤོས་འགྱིག་སོགས་བཙལ་དགོས་པ་དང་། ཐ་ན་སྤོ་ལོ་སྣ་ཚོགས་སོགས་གཡེང་ཤུགས་ཆེ་བའི་དངོས་རྫས་དག་གཅིག་ཏུ་བསྡམས་ནས་ཉེན་གཡོལ་བྱེད་དགོས།

4.ཡངས་ཤིང་ཆེ་བའི་ཐང་ཆེན་དུ་རླངས་འཁོར་བསྐོར་དུས་ཆུ་ལོག་ལ་འཕྲད་ན། མྱུར་ཏུ་རླངས་འཁོར་གྱི་སྒོ་དང་དྲ་མ་དམ་པོར་གཏན་ནས་ཆུ་ལོག་ལ་ཁ་གཏད་དེ་འགྲོ་དགོས། གལ་ཏེ་གྲོག་རོང་དང་རི་ས་ནས་ཆུ་ལོག་ལ་འཕྲད་ན། མགྱོགས་མྱུར་ངང་མཐོ་སར་བསྐོར་དགོས།

5.ཆུ་ལོག་བྱུང་སྐབས། ཆུ་རྒྱུན་བརྒལ་བ་ནི་ཧ་ཅང་ཉེན་ཁ་ཆེ་བ་ཡིན། གལ་ཏེ་ངེས་པར་དུ་ཆུ་ལ་བརྒལ་དགོས་ན། གང་ནུས་ཀྱིས་ཟམ་པ་བཙལ་ནས་བརྒལ་དགོས། གལ་ཏེ་ཟམ་པ་མེད་པར་ཆུ་ལ་ངེས་པར་བརྒལ་དགོས་ན། གུ་དོག་པའི་ས་ཆ་གདམ་མི་རུང་། ཁོད་ཡངས་པའི་ས་དང་ཆུ་ཞེང་ཆེ་ལ་གཏིང་མི་ཟབ་ས་ནས་བརྒལ་དགོས། རྦབ་ཆུ་དང་བྲག་རྡོ་སྟེང་སེམས་འཚབ་མི་རུང་ལ། ཆུ་ལ་མ་བརྒལ་སྔོན་ལ་རྐང་པ་འཇོག་ས་བདེ་མོ་ཞིག་བཙལ་ནས། དབྱུག་པས་མདུན་གྱི་ལམ་ལ་ཚོད་ལྟ་བྱེད་པ་དང་། གོམ་པ་མ་སྤོས་གོང་དབྱུག་པར་ཁེན་ནས་ཆུ་རྒྱུན་གྱི་ལྡོག་ཕྱོགས་སུ་འགྲོ་དགོས།