སྐབས་བཅུ་གཅིག་པའི“སྦྲང་ཆར་རྩོམ་རིག་བྱ་དགའ”ཡི་དཔྱད་འདེམ་མཇུག་འབྲས་གསལ་བསྒྲགས།

རྩོམ་སྒྲིག སངས་རྒྱས་སྐྱིད། ཡོང་ཁུངས། མཚོ་སྔོན་མི་རིགས་དཔེ་སྐྲུན་ཁང་། བཤེར་འབེབས། རིན་ཆེན་ཚེ་རིང་།

“སྦྲང་ཆར་རྩོམ་རིག་བྱ་དགའ”ནི་མཚོ་སྔོན་མི་རིགས་དཔེ་སྐྲུན་ཁང«སྦྲང་ཆར»རྩོམ་སྒྲིག་ཁང་གིས་སྤེལ་བའི་བོད་ཀྱི་རྩོམ་རིག་གི་བྱ་དགའི་གཟིགས་བཟོས་ཆེས་མཐོ་གྲས་ཤིག་ཡིན། བྱ་དགའ་འདི་ལོ་གསུམ་རེའི་ནང་ཐེངས་རེ་སྤེལ་བཞིན་ཡོད་ཅིང་།མིག་སྔའི་བར་སྐབས་བཅུ་ཐམ་པ་བདེ་བླག་ངང་སྤེལ། རྩོམ་རིག་བྱ་དགའ་འདི་སྤེལ་བ་ནས་བཟུང་། སྤྱི་ཚོགས་ལས་རིགས་སོ་སོ་དང་ལྷག་པར་བོད་ཀྱི་རྩོམ་པ་པོའི་སྡེ་ཡིས་དོ་སྣང་ཆེན་པོ་བྱེད་བཞིན་མཆིས། སྐབས་བཅུ་གཅིག་པའི“སྦྲང་ཆར་རྩོམ་རིག་བྱ་དགའ”ཡང«སྦྲང་ཆར་རྩོམ་རིག་བྱ་དགའི་དཔྱད་འདེམ་རྩ་དོན»ལྟར། དཔྱད་འདེམ་ཚོགས་པས་ཐོག་མའི་དཔྱད་འདེམ་དང་བར་གྱི་གཤིབ་སྡུར། མཐའ་མའི་ཐག་གཅོད་བཅས་བརྒྱུད་དེ། 2021─2023ལོའི«སྦྲང་ཆར»དུ་བཀོད་པའི་བརྩམས་ཆོས་ལས“སྦྲང་ཆར་རྩོམ་རིག་བྱ་དགའ”གསུམ་དང་། “སྦྲང་ཆར་གཞུང་ལུགས་དཔྱད་བརྗོད་བྱ་དགའ”གཅིག “སྦྲང་ཆར་སྨྱུག་གསར་བྱ་དགའ”གཉིས་བཅས་བདམས་ཐོན་བྱུང་། 

“སྦྲང་ཆར་རྩོམ་རིག་བྱ་དགའ”ཐོབ་མཁན་གྱི་བརྩམས་ཆོས་དང་རྩོམ་པ་པོའི་མིང་།

«ཟླ་འོད་འོག་གི་ལོང་བ» (སྒྲུང་འབྲིང) ཚེ་ལོ་ཐར།

«གོ་ཁ» (སྙན་ངག) མཚོ་སྐྱེས།

«ས་ཡི་རྟེན་ཕུར་ནམ་ར»(ལྷུག་རྩོམ) སོག་རུ་ཀརྨ་ཀུན་ཁྱབ།

“སྦྲང་ཆར་གཞུང་ལུགས་དཔྱད་བརྗོད་བྱ་དགའ་ཐོབ་མཁན”གྱི་བརྩམས་ཆོས་དང་རྩོམ་པ་པོའི་མིང་།

«ལོ་རྒྱུས་ཀྱི་བསྡུས་གཟུགས» བདུད་ལྷ་རྒྱལ།

“སྦྲང་ཆར་སྨྱུག་གསར་བྱ་དགའ་ཐོབ་མཁན”གྱི་བརྩམས་ཆོས་དང་རྩོམ་པ་པོའི་མིང་།

«ལས་འཕྲོའི་མདུད་པ» (སྒྲུང་ཐུང) སྒར་བ་ཚེ་བཀྲ།

«གསེར་གྱི་རྣ་ལོང་ཡ་གཅིག»(སྒྲུང་ཐུང) གཡུ་སྒྲོན་འཚོ།