ཁུལ་ཨུའི་རྒྱུན་ལས་ཨུ་ལྷན་གྱི་གྲོས་ཚོགས་འཚོགས། ཤ་བོ་སྐྱབས་ཀྱིས་གཙོ་སྐྱོང་གནང་།

སྒྲིག་སྒྱུར། སངས་རྒྱས་སྐྱིད། ཡོང་ཁུངས། མཚོ་བྱང་ཏང་དོན། བཤེར་འབེབས། རིན་ཆེན་ཚེ་རིང་།

ཟླ7པའི་ཚེས26ཉིན། ཁུལ་ཨུའི་ཧྲུའུ་ཅི་ཤ་བོ་སྐྱབས་ཀྱིས་སྐབས་བཅུ་གསུམ་པའི་ཁུལ་ཨུའི་རྒྱུན་ལས་ཨུ་ལྷན་གྱི་གྲོས་ཚོགས་ཐེངས72པ་གཙོ་སྐྱོང་གནང་སྟེ་འཚོགས་ཤིང་། ཚོགས་ཐོག་ཏུ་ཞི་ཅིན་ཕིང་གི་ཉེ་དུས་ཀྱི་གསུང་བཤད་དང་མཛུབ་སྟོན་གལ་ཆེན་གྱི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ་དང་། གཙོ་གནད་ལས་དོན་གྱི་སྙན་ཞུར་ཉན་ལ། འབྲེལ་ཡོད་ཡིག་ཆར་གྲོས་ཞིབ་གནང་།

ཚོགས་འདུའི་ཐོག་ཞི་ཅིན་ཕིང་གིས་ཧུའུ་ནན་ཡོ་དབྱང་གྲོང་ཁྱེར་ཧྭ་རུང་རྫོང་གི་ཏུང་ཐིང་མཚེའུ་ཡི་རགས་ཁ་ཤོར་བ་དང་ཧྲའན་ཞི་ཧྲང་ལུའོ་གྲོང་ཁྱེར་ཀྲ་ཧྲུའེ་རྫོང་མངའ་ཁོངས་ཀྱི་མྱུར་བགྲོད་གཞུང་ལམ་གྱི་ཟམ་པ་ཞིག་རྡིབ་པའི་ཐད་གནང་བའི་མཛུབ་སྟོན་གལ་ཆེན་གྱི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས། ཚོགས་ཐོག་ཏུ་ནན་གྱིས་བསྟན་དོན། འགན་འཁྲིའི་སྦྲེལ་ཐག་དམ་པོར་སྦྲེལ་བ་དང་། ལས་རེས་ནན་ཏན་བྱེད་དགོས་ཤིང་། འཕྲལ་སྡོམ་དངོས་ཟོག་འདང་ངེས་གྲ་སྒྲིག་བྱས་ཏེ་བདེ་འཇགས་ཀྱི་བྱུར་རྐྱེན་སྣ་ཚོགས་གྲལ་བཤེར་མཐའ་ཆོད་བྱེད་དགོས།  སྔོན་བརྡ་དང་སྔོན་ཟོན་ལ་ཤུགས་སྣོན་བརྒྱབ་ནས་ས་གནས་དེ་གའི་ཆར་ཆུའི་གནས་ཚུལ་དང་། སྟོད་སྨད་ཀྱི་ཆར་ཆུ་རྒྱས་པའི་གནས་ཚུལ་དུས་ཐོག་ཏུ་ཁོང་དུ་ཆུད་པ་དང་ཁྱབ་བསྒྲགས་བྱས་ཏེ། “ཁ་གཏད་གཅོག་པའི”ལམ་སྲོལ་ཁྱོན་ཡོངས་ནས་དོན་འཁྱོལ་བྱས་ཏེ་དུས་ཐོག་ཏུ་ཚན་རིག་དང་མཐུན་པའི་ཐག་གཅོད་བྱེད་དགོས། གནམ་གཤིས་ཐལ་དྲགས་པར་དམིགས་ནས་་སྔ་མོ་ནས་བྱེད་ཐབས་ནན་པོ་སྤྱོད་པ་དང་། དྲིལ་སྒྲོག་དང་ཉེན་བརྡ་ཡག་པོ་བཏང་ནས་དམངས་ཡོངས་ཀྱི་འཕྲལ་སྡོམ་ཉེན་གཡོལ་དང་རང་སྐྱོབ་ཀྱི་འདུ་ཤེས་དང་ནུས་པ་ཆེ་རུ་གཏོང་དགོས།

ཚོགས་འདུའི་ཐོག་ཞིང་ཨུའི་ཧྲུའུ་ཅི་ཁྲེན་ཀང་གིས་འཇུ་ལག་རྫོང་དུ་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་བརྒྱུད་སྒྲོག་དང་རྟོག་ཞིབ་གནང་སྐབས་ཀྱི་གསུང་བཤད་ཀྱི་དགོངས་དོན་སྒྲོག་འགྲེལ་དང་སློབ་སྦྱོང་བྱས། དེའི་ཐད་དུ་ནན་གྱིས་བསྟན་དོན། “རྒྱལ་ཁབ་ཀྱི་སྤྱི་གླིང་གཉིས”འཛུགས་སྐྲུན་ལ་ནུས་ཤུགས་ཡོད་རྒུས་སྐུལ་འདེད་བཏང་ནས་རྒྱལ་ཁབ་ཀྱི་སྐྱེ་ཁམས་དཔལ་ཡོན་འཛུགས་སྐྲུན་དཔེ་སྟོན་ཁུལ་དང་འཇུ་ལག་རྫོང་གི“རི་བོ་གཉིས”ལག་ལེན་གསར་གཏོད་རྟེན་གཞི་སོགས་གཏོད་པའི་ལས་དོན་གྱི་མྱུར་ཚད་ཇེ་མགྱོགས་སུ་གཏོང་དགོས། ཐོན་ཁུངས་ལེགས་ཆར་བརྟེན་ནས་རྒྱུན་གཏན་ཅན་གྱི“སྤུས་དག་རྣམ་བཞིའི”འགྲན་བསྡུར་སྤེལ་བ་དང་། རྐང་ཐང་རི་འཛེག་དང་རྟ་རྒྱུག་སོགས་ཁྱད་ལྡན་ཐོན་ལས་སྟོབས་ཆེར་བཏང་སྟེ་ས་ཁོངས་ཡོངས་ཀྱི་གངས་འཁྱགས་གནས་སྐོར་གྱི་ལས་རིགས་གསར་པ་ནུས་ཤུགས་ཡོད་རྒུས་གཏོད་པ་དང་། དགུན་དུས་གནས་སྐོར་སྔ་མོ་ནས་ཇུས་འགོད་བཀོད་སྒྲིག་བྱས་ནས་ཞིང་ཆེན་ཡོངས་སུ་དགུན་དུས་གནས་སྐོར་གྱི“མེ་སྒྱོགས་དང་པོ”རྒྱག་རྒྱུའི་བརྩོན་ལེན་བྱེད་དགོས། ཁྱད་ལྡན་ཐོན་ལས་གོང་སྤེལ་ཤུགས་ཆེན་གཏོང་བ་དང་། ཡུལ་བབ་དང་བསྟུན་ནས་ཆུ་འཁྱག་ནང་གི་ཉ་གསོ་སྤེལ་ཐོན་ལས་གོང་སྤེལ་གཏོང་བ། འོ་ཁ་དང་སྦྲང་རྩིའི་ཐོན་རྫས་སོགས་གསར་སྤེལ་བྱས་ཏེ་ཞིང་ཕྱུགས་ཐོན་རྫས་ཀྱི་ཟུར་སྣོན་རིན་ཐང་ཁྱོན་ཡོངས་ནས་མཐོ་རུ་གཏོང་དགོས།

ཚོགས་འདུའི་ཐོག་ལོ་སྟོད་ཀྱི་དམིགས་ཚད་འགན་འཁྲིའི་དཔྱད་ཞིབ་དང་། གཞི་རིམ་ཏང་འཛུགས་སྐྲུན། ཏང་སྲོལ་གཙང་སྐྱོང་། འདུ་ཤེས་འཛིན་སྟངས་བཅས་ཀྱི་ལས་དོན་སྤེལ་བའི་སྙན་ཞུར་ཉན། ནན་གྱིས་བསྟན་དོན། ཞིང་ཆེན་དང་ཁུལ་གྱིས་གཏན་འཁེལ་བྱས་པའི་དམིགས་ཚད་དང་གཙོ་གནད་ལས་འགན་ཚན་རིག་དང་མཐུན་པའི་གཅིག་གྱུར་འཆར་འགོད་བྱས་ཏེ། སྤུས་ཚད་མཐོ་བའི་སྒོ་ནས་ལོ་ཧྲིལ་པོའི་ལས་འགན་ལེགས་སྒྲུབ་ཡོང་བར་འགན་ལེན་བྱེད་དགོས། གཞི་རིམ་ཏང་འཛུགས་སྐྱོང་གི་“གཅིག་ཅན་དྲུག་”དང་ཞིང་ཆེན་དང་ཁུལ་ཏང་ཨུའི་རྒྱུན་ལས་ཨུ་ཡོན་ལྷན་ཁང་གི་དཔྱད་བརྗོད་བསམ་འཆར་དཔེ་གཞིར་བཟུང་ནས་དག་ཐེར་བྱས་ཏེ། གཞི་རིམ་ཏང་རྩ་འཛུགས་ཁྱོན་ཡོངས་ནས་ཡར་ཐོན་དང་ཁྱོན་ཡོངས་ནས་ཡག་པོ་ཡོང་བར་སྐུལ་འདེད་གཏོང་དགོས། ཏང་གི་སྒྲིག་ཁྲིམས་སློབ་སྦྱོང་དང་སློབ་གསོའི“མཇུག་གི་ལེའུ”དམ་འཛིན་ཡག་པོ་བྱས་ཏེ། མང་ཚོགས་ཀྱི་ཉེ་འགྲམ་གྱི་ཚུལ་མིན་སྤྱོད་ཚུལ་དང་རུལ་སུངས་ཀྱི་གནད་དོན་གཅིག་སྡུད་བཅོས་སྒྲིག་བྱེད་པར་ནུས་ཤུགས་ཡོད་རྒུས་སྐུལ་འདེད་གཏོང་བ་དང་། གྱོད་གཞི་ལ་བརྟེན་ནས་བསྒྱུར་བཅོས་ལ་སྐུལ་འདེད་གཏོང་བ་དང་སྤྱོད་ཚུལ་མངོན་གསལ་དོད་པའི་གནད་དོན་ཆེད་དོན་བཅོས་སྒྲིག་བྱེད་རྒྱུར་མུ་མཐུད་གཏིང་ཟབ་ཏུ་གཏོང་དགོས། འདུ་ཤེས་འཛིན་སྟངས་ལས་དོན་གྱི་མགོ་ཁྲིད་དབང་ཆ་དམ་པོར་ཁོང་དུ་ཆུད་པར་བྱས་ཏེ། རིམ་པ་ཁག་གི་སྨྱན་སྦྱོར་མཉམ་འདྲེས་འཛུགས་སྐྱོང་ཚད་ལྡན་དུ་གཏོང་བ་དང་། འདུ་ཤེས་འཛིན་སྟངས་ཀྱི་གཡུལ་ས་སྟོབས་ལྡན་དང་སྲུང་བ། བེད་སྤྱོད་ཡག་པོ་བཅས་བྱ་དགོས།

ཚོགས་འདུའི་ཐོག་ཁུལ་ཡོངས་ཀྱི་ལོ་སྟོད་ཀྱི་དཔལ་འབྱོར་འཁོར་སྐྱོད་གནས་ཚུལ་དང་། ཞིང་འབྲོག་དང་གྲོང་གསེབ་དར་སྤེལ་ལས་དོན་སྤེལ་ཚུལ་གྱི་སྙན་ཞུར་ཉན། ནན་གྱིས་བསྟན་དོན། དཔལ་འབྱོར་འཁོར་སྐྱོད་དབྱེ་ཞིབ་ལ་ཤུགས་སྣོན་རྒྱག་པ་དང་། ལོ་སྟོད་ཀྱི་དཔལ་འབྱོར་ལས་དོན་ལ་ཕྱོགས་ཡོངས་ནས་ཕྱིར་དྲན་དང་ཕྱོགས་སྡོམ་བྱས་ཏེ། དུས་ཚིགས་གསུམ་པའི་དཔལ་འབྱོར་ལས་དོན་ཚན་རིག་དང་མཐུན་པའི་སྒོ་ནས་འཆར་འགོད་ཡག་པོ་བྱེད་དགོས། གཙོ་གནད་ཁྱབ་ཁོངས་དང་། གཙོ་གནད་རྣམ་གྲངས། གཙོ་གནད་ཁེ་ལས་བཅས་ཀྱི་འཁོར་སྐྱོད་གནས་ཚུལ་ལ་དོ་ཁུར་ཟབ་མོ་བྱས་ཏེ། ཕན་ནུས་ལྡན་པའི་དགོས་མཁོ་རྒྱུན་ཆད་མེད་པར་ཆེ་རུ་གཏོང་དགོས། ཐབས་བརྒྱ་ཇུས་སྟོང་གིས་ཁེ་ལས་ཀྱི་དཀའ་ངལ་སེལ་བ་དང་། མ་རྩ་ཇེ་ཉུང་དང་ཕན་འབྲས་ཆེ་རུ་བཏང་སྟེ། ཁེ་ལས་ཀྱི་ཐོན་སྐྱེད་བརྟན་པོ་དང་སྐྱོན་བྲལ་ངང་འཕེལ་རྒྱས་འགྲོ་བར་སྐུལ་འདེད་གཏོང་བ་བཅས་བྱེད་དགོས། རྟིང་མཐའི་བསམ་ཕྱོགས་ལ་ཤུགས་སྣོན་བྱས་ཏེ། ཉེན་ཁ་སྣ་ཚོགས་སྔོན་འགོག་དང་དག་ཐེར་ནུས་ལྡན་བྱས་ཏེ“འགན་སྲུང་གསུམ”གྱི་མ་མཐའི་མཚམས་ཐིག་བརྟན་པོར་སྲུང་དགོས། 

ཚོགས་འདུའི་ཐོག་མཚོ་སྔོན་པོའི་བྱང་ངོགས་ཀྱི་སྐྱེ་ཁམས་ཉམས་ལེན་ས་ཚིགས་དྲུག་གི་ཁོར་ཡུག་འཕྲོད་བསྟེན་དག་ཐེར་དང་། མཚོ་བྱང་ཁུལ་ཞིང་ཆེན་ཡོངས་ཀྱི“ལྟེ་སྙིང་གཅིག་དང་རྒྱུད་གཅིག་ཁུལ་མང་པོའི”གནས་སྐོར་འཕེལ་རྒྱས་ཀྱི་བཀོད་པའི་ནང་ཞུགས་ཚུལ་དང་། ཀྲུང་དབྱང་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་ཀྱི་ཚུར་སྣང་གནད་དོན་དང་དཔེ་མཚོན་གྱོད་དཔེ་དག་ཐེར་དོན་འཁྱོལ་བྱས་ཚུལ་བཅས་ཀྱི་སྙན་ཞུར་ཉན། ནན་གྱིས་བསྟན་དོན། ལྟ་ཞིབ་དང་ཚུར་སྣང་གནད་དོན་དང་དཔེ་མཚོན་གྱོད་དཔེ་དག་ཐེར་བྱེད་ཤུགས་རྒྱུན་མཐུད་ཆེ་རུ་གཏོང་བ་དང་། མཛེས་ལྗོངས་ཁུལ། སྒེར་གྱི་འཛུགས་སྐྲུན། རྩྭ་ཐང་ལ་གཏོར་བརླག་གཏོང་བ་སོགས་ཟང་ཟིང་གི་གནས་ཚུལ་ལ་རྒྱུན་རྣམ་གྲལ་བཤེར་བཅོས་སྒྲིག་བྱེད་པ་དང་། མཚོ་བྱང་གི་མཚོ་ངོགས་ཀྱི་སྐྱེ་ཁམས་བཅོས་སྐྱོང་གི་ཕན་ནུས་རྒྱུན་མཐུད་ངང་ཆེ་རུ་གཏོང་དགོས། གནས་སྐོར་སྤུས་རྟགས་མཐོ་རུ་གཏོང་བ་དང་དམིགས་བསལ་གྱི་ལེགས་ཆར་བརྟེན་ནས་གནས་སྐོར་གྱི་གནས་ཚུལ་ཁྱོན་ཡོངས་ནས་ཤེས་རྟོགས་བྱེད་པ་དང་། རྟ་རྒྱུག་དང་། རྐང་བགྲོད། ལྕགས་རྟ། མདའ་འཕེན་སོགས་སྤུས་རྟགས་འགྲན་བསྡུར་གྱི་ཤུགས་རྐྱེན་མུ་མཐུད་ཆེ་རུ་གཏོང་དགོས། ཁྱད་ལྡན་གཉེན་སྟོན་གནས་སྐོར་ལམ་ཐིག་འཚོལ་ཞིབ་ཧུར་ཐག་བྱས་ཏེ་མཚོ་བྱང་ཆུ་ཚན་གྱི་སྤུས་རྟགས་ཆེ་རུ་གཏོང་དགོས། མཐའ་འཁོར་ས་ཁུལ་དང་མཉམ་ལས་གཏིང་ཟབ་བྱེད་པ་དང་། ཚོང་འགུགས་མ་འདྲེན་ཤུགས་ཚད་ཆེ་རུ་བཏང་ནས་ལས་ཞུགས་ལས་གཏོད་ལ་སྐུལ་ཁྲིད་བྱེད་དགོས། 

ཚོགས་འདུའི་ཐོག་ལོ་སྟོད་ཀྱི་ཁུལ་ཡོངས་ཀྱི་བདེ་འཇགས་ཐོན་སྐྱེད་ལས་དོན་སྤེལ་ཚུལ་གྱི་སྙན་ཞུར་ཉན། ནན་གྱིས་བསྟན་དོན། བྱུར་རྐྱེན་ལ་གྲལ་བཤེར་བྱེད་ཤུགས་ཆེ་རུ་བཏང་ནས་བདེ་འཇགས་ཐོན་སྐྱེད་ཀྱི་རྩ་བཅོས་འགག་སྒྲོལ་ལོ་གསུམ་གྱི་བྱ་སྤྱོད་དང“5685”ཡི་ལས་ཀའི་ལམ་སྲོལ་ལ་དམིགས་ཏེ་གཙོ་གནད་ལས་རིགས་དང་། ཁྱབ་ཁོངས་གལ་ཆེན། དུས་མཚམས་གལ་ཆེན་བཅས་ཀྱི་བདེ་འཇགས་ཀྱི་བྱུར་རྐྱེན་གྲལ་བཤེར་བྱེད་ཤུགས་མུ་མཐུད་ཆེ་རུ་བཏང་ནས་ཐོན་སྐྱེད་བདེ་འཇགས་ཀྱི་ལས་འཛོལ་སྣ་ཚོགས་ལ་དོགས་ཟོན་མཐའ་གཅིག་ཏུ་བྱེད་དགོས། ཆུ་ཚོད24ཡི་ལས་རེས་ལ་ཤུགས་སྣོན་བརྒྱབ་སྟེ་གནོད་འཚེ་སྣ་ཚོགས་འཕྲལ་དུ་སྙན་སེང་ཞུ་རྒྱུ་དང་འཕྲལ་དུ་ཐག་གཅོད་བྱ་རྒྱུར་འགན་ལེན་བྱེད་དགོས། འཕྲལ་སྡོམ་དངོས་ཟོག་གསོག་འཇོག་དང་འཕྲལ་སྡོམ་དཔུང་ཁག་སྦྱོང་བརྡར་བྱེད་པའི་ལས་དོན་ལ་ཤུགས་སྣོན་བརྒྱབ་ནས་མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་བདེ་འཇགས་ཀྱི“མཐའ་མའི”འགོག་སྲུང་འཛིང་རགས་ནུས་ཤུགས་ཡོད་རྒུས་སྲུང་དགོས། 

ཚོགས་འདུའི་ཐོག་ད་དུང་འབྲེལ་ཡོད་ཡིག་ཆར་གྲོས་ཞིབ་གནང་།