ཀརྨ་ཚེ་རིང་མདོ་ལ་དང་འཇུ་ལག་ཏུ་ཕྱིན་ཏེ་བྲུབ་ཚུལ་ལ་རྟོག་འདོམས་བཀོད་སྒྲིག་གནང་།

སྒྲིག་སྒྱུར། དམ་ཆོས་བསམ་འགྲུབ། ཡོང་ཁུངས། མཚོ་བྱང་སྲིད་དོན།  བཤེར་འབེབས། རིན་ཆེན་ཚེ་རིང་།

ཁུལ་འབྲུབ་འགོག་བཀོད་འདོམས་པུའི་བཀོད་སྒྲིག་གཞིར་བཟུང་། ཟླ9པའི་ཚེས3ནས4ཉིན་བར་ཁུལ་སྲིད་གཞུང་གི་ཁུལ་དཔོན་གཞོན་པ་ཀརྨ་ཚེ་རིང་མདོ་ལ་རྫོང་གི་འཕྲལ་སྡོམ་བཀོད་འདོམས་ལྟེ་གནས་དང་།  མུ་རི་གྲོང་རྡལ།  ཨ་རིག་ཡུལ་ཚོ།  མཁར་དམར་གྲོང་རྡལ།  འཇུ་ལག་རྫོང་རྒྱལ་མཁར་ཡུལ་ཚོ་དང་གསེར་ཆུ་ཐང་ཡུལ་ཚོ་སོགས་སུ་ཕྱིན་ཏེ་བྲུབ་ཚུལ་ལ་རྟོག་འདོམས་བཀོད་སྒྲིག་གནང་།

མདོ་ལ་རྫོང་མུ་རི་གྲོང་རྡལ་དུ་ཀརྨ་ཚེ་རིང་གིས་མངོན་མེད་བྱུར་རྐྱེན་ཡོད་ས་རྟ་ཐང་ཟམ་ཆེན་དུ་བསྐྱོད་དེ་ཟམ་པའི་བདེ་འཇགས་ཀྱི་ཉེན་ཁར་ཡུལ་དངོས་ནས་དཔྱད་དཔོག་དང་ཞིབ་འཇུག་བྱས་པ་དང་། འབྲེལ་ཡོད་ཕྱོགས་ཁག་དང་མཐུན་སྦྱོར་བྱས་ཏེ་ཉེན་ཁ་ཆེ་བའི་ལམ་དུམ་ལ་འགྲིམ་འགྲུལ་བཀག་སྡོམ་དང་། གཞུང་ལམ་གྱི་རྨང་གཞིའི་སྒྲིག་བཀོད་བདེ་འཇགས་འགན་ལེན། གཙང་ཆུའི་ཆུ་གནས་རྟོག་འཇལ་ཉེན་བརྡ་གཏོང་བ་དང་། དྲ་རྒྱའི་གླེང་ཕྱོགས་སྔོན་འགོག་སོགས་ཀྱི་ལས་དོན་མཐུན་སྦྱོར་ཐག་གཅོད་བྱས།    

མདོ་ལ་རྫོང་འཕྲལ་སྡོམ་བཀོད་འདོམས་ལྟེ་གནས་སུ་ཀརྨ་ཚེ་རིང་གིས་འབྲུབ་འགོག་ལས་དོན་སྤེལ་ཚུལ་བཀོད་གཏོང་བྱས་ཏེ། གནམ་གཤིས་འགྱུར་ལྡོག་ལ་དོ་སྣང་ཆེན་པོ་བྱས་ཏེ“གཉིད་དཀྲོག་པ་དང་བོས་ནས་གཉིད་ལས་སད་དུ་འཇུག་པའི”ལམ་སྲོལ་མྱུར་བར་ལག་བསྟར་བྱེད་པ་དང་། ཉེན་ཁ་ཆེ་བའི་ཆར་ཆུ་འབབ་ཁུལ་གྱི་གནས་ཚུལ་ལ་དུས་ཐོག་ཏུ་བརྡར་གཅོད་དང་། མི་སྣ་གཞན་སྤོ་བྱས་ཏེ་སྔོན་ནས་གཞན་སྤོ་དང་སྤོ་དགོས་པ་ཚང་མ་སྤོ་ཐུབ་པ་བྱེད་དགོས།

མདོ་ལ་རྫོང་ཨ་རིག་ཡུལ་ཚོ་དང་མཁར་དམར་གྲོང་རྡལ། འཇུ་ལག་རྫོང་རྒྱལ་མཁར་ཡུལ་ཚོ་སོགས་སུ་ཀརྨ་ཚེ་རིང་གིས་མངོན་མེད་བྱུར་རྐྱེན་ཡོད་ས་ལ་གྲལ་བཤེར་བཅོས་སྒྲིག་དང་མི་སྣ་གནས་སྤོ་བཀོད་སྒྲིག་སོགས་ཀྱི་གནས་ཚུལ་ལ་ཞིབ་ཕྲའི་ཤེས་རྟོགས་བྱས་ནས་ཆར་ཆུའི་འགྱུར་ལྡོག་ལ་གཞིགས་ཏེ་གཙོ་གནད་ལམ་དུམ་གྱི་འགྲིམ་འགྲུལ་དོ་དམ་ལ་ཤུགས་སྣོན་རྒྱག་པ་དང་ཟམ་པ་དང་། ཕུག་ལམ། ལམ་དུམ་བཅས་ལ་མུ་མཐུད་སྐོར་ཞིབ་བྱེད་ཤུགས་ཆེ་རུ་བཏང་ནས་འགྲིམ་འགྲུལ་བདེ་འཇགས་འགན་ལེན་བྱེད་དགོས་ཞེས་ནན་བཤད་གནང་།  གནས་སྐོར་མཛེས་ལྗོངས་ཁུལ་དང་།    ཁོངས་གཏོགས་ཁུལ་གྱི་ཞག་སྡོད་ལམ་ལུགས་ཀྱི་སློབ་གྲྭ།  སྨན་ཁང་།    དགོན་སྡེ།    ཆུ་མཛོད།    ཕྱུགས་ར།   དབྱར་ས་སོགས་གཙོ་གནད་ས་ཁོངས་ཀྱི་བྱུར་རྐྱེན་ལ་གྲལ་བཤེར་དང་ཉེན་ཁའི་དོ་དམ་ལ་མུ་མཐུད་དུ་ཤུགས་སྣོན་རྒྱག་དགོས་ཞེས་བསྟན། 

འཇུ་ལག་རྫོང་གསེར་ཆུ་ཐང་ཡུལ་ཚོ་རུ་ཀརྨ་ཚེ་རིང་གནོད་འཚེའི་བྱུར་རྐྱེན་ཡོད་སར་བསྐྱོད་དེ་འཕྲུལ་ཆས་བཟོ་སྐྲུན་སྟོབས་ཤུགས་ལ་ཤུགས་བརྒྱབ་ནས་ནུས་ཤུགས་ཡོད་རྒུས་འདམ་རྡོའི་ཆུ་རུད་གཙང་སེལ་གྱི་ལས་དོན་སྤེལ་དགོས་ཞེས་བཤད། འཛུགས་སྐྲུན་ལས་ཡུལ་དང་། བཟོ་ཁང་རྙིང་ཧྲུལ་གཏེར་ཁུལ་དང་། ལུང་ཤུར་སོགས་ས་ཁོངས་ཀྱི་བྱུར་རྐྱེན་གྲལ་བཤེར་བྱེད་ཤུགས་ཆེ་རུ་གཏོང་བ་དང་གྲོང་ཚོ་དང་ཁྱིམ་ཚང་དུ་སྐྱོད་པ་དང་། གྲོང་ཚོའི་རླུང་འཕྲིན།  སྐད་འཕྲིན་ཚོགས་པ་སོགས་ཀྱི་བྱེད་ཐབས་བརྒྱུད་འབྲེལ་ཡོད་ཆ་འཕྲིན་ཕྱོགས་ཡོངས་དང་ཐབས་ལམ་མང་པོའི་ཐོག་ནས་ཁྱབ་བསྒྲགས་བྱས་ཏེ་མང་ཚོགས་ཀྱིས་ཚན་རིག་དང་མཐུན་ལ་ནུས་ལྡན་ངང་ཉེན་སེལ་ཉེན་གཡོལ་བྱ་རྒྱུར་ཁྲིད་སྟོན་བྱེད་དགོས།