《དམག་དཔུང་གི་སྐྱེ་ཁམས་ཁོར་ཡུག་སྲུང་སྐྱོང་སྲོལ་ཡིག》ཁྱབ་བསྒྲགས་བྱས་པ།

སྒྲིག་སྒྱུར།  སངས་དོན།     ཡོང་ཁུངས།  ཞིན་ཧྭ་དྲ་བ།    བཤེར་འབེབས།    རིན་ཆེན་ཚེ་རིང་།

ཤིན་ཧྭ་གསར་འགྱུར་ཁང་པེ་ཅིང་ནས་ཟླ9པའི་ཚེས8ཉིན་འབྱོར་བའི་གློག་འཕྲིན་ལྟར་ན། ཉིན་ཤས་གོང་། ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་གིས་བཀའ་རྒྱར་མིང་རྟགས་བཀོད་ནས《དམག་དཔུང་གི་སྐྱེ་ཁམས་ཁོར་ཡུག་སྲུང་སྐྱོང་སྲོལ་ཡིག》ཁྱབ་བསྒྲགས་བྱས་པ་དང་། 2024ལོའི་ཟླ10པའི་ཚེས1ཉིན་ནས་བཟུང་ལག་བསྟར་བྱ་རྒྱུ་རེད།

《སྲོལ་ཡིག》གིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱ་རྒྱུ་མཐའ་འཁྱོངས་བྱེད་པ་དང་།　ཞི་ཅིན་ཕིང་གི་དམག་དཔུང་སྟོབས་ཆེར་གཏོང་བའི་བསམ་བློ་ལག་བསྟར་གཏིང་ཟབ་བྱེད་པ།　ཞི་ཅིན་ཕིང་གི་སྐྱེ་ཁམས་ཤེས་དཔལ་གྱི་བསམ་བློ་ལག་བསྟར་གཏིང་ཟབ་བྱེད་པ། འགོག་སྲུང་གཙོ་བོར་བྱེད་པ་དང་། བཅོས་སྐྱོང་དང་དོ་དམ་མཉམ་དུ་འཛིན་པ། མི་སྣ་ཡོངས་ཞུགས་པ། དམག་དཔུང་དང་ས་གནས་དབར་རོགས་ལས་བྱེད་པ་བཅས་ཀྱི་རྩ་དོན་མཐའ་འཁྱོངས་བྱེད་པ། དོ་དམ་ལམ་སྲོལ་བསྐྱར་དུ་འཛུགས་པ་དང་། ལས་ཀའི་ལམ་ལུགས་འཐུས་ཚང་དུ་གཏོང་བ། འཁོར་སྐྱོད་ལམ་སྲོལ་ཚད་ལྡན་དུ་གཏོང་བ་བཅས་བྱས་ཏེ་ཤུགས་ཆེན་པོས་ལྗང་མདོག་དམག་སྒར་གསར་འཛུགས་བྱེད་རྒྱུ་རེད། 

《སྲོལ་ཡིག》དེར་ཁྱོན་སྡོམ་ལེའུ6དང་དོན་ཚན50ཡོད་ཅིང་། བསམ་བློའི་ཁྲིད་སྟོན་མངོན་གསལ་དོད་པོ་ཡོང་བ་དང་སྒྱུར་བཅོས་གསར་གཏོད་མཐའ་འཁྱོངས་བྱེད་པ། མ་ལག་ཇུས་འགོད་ལ་སྣང་ཆེན་བྱས་ཏེ། དམག་དཔུང་གི་སྐྱེ་ཁམས་ཁོར་ཡུག་སྲུང་སྐྱོང་གི་དམིགས་ཚད་དང་ལས་འགན་ཁ་གསལ་བཟོ་བ། རྒྱལ་ཁབ་ཀྱི་སྲིད་ཇུས་དང་ཁྲིམས་སྲོལ་སྦྲེལ་མཐུད་བྱེད་པ། ཁོར་ཡུག་ཤུགས་རྐྱེན་གྱི་གདེང་འཇོག་ཞིབ་མཆན་འགོད་པའི་དུས་ཚད་དང་ཞིབ་མཆན་འགོད་པའི་དབང་ཚད། ཁོར་ཡུག་གདེང་འཇོག་སྟོབས་ཤུགས་སོགས་ཀྱི་དོན་ཚན་ལེགས་སྒྲིག་བྱེད་པ། དམག་དོན་བྱེད་སྒོ་དང་དམག་དོན་སྒྲིག་བཀོད། དམག་དོན་སྒྲིག་ཆས་སོགས་ཐད་ཀྱི་སྐྱེ་ཁམས་ཁོར་ཡུག་སྲུང་སྐྱོང་གི་བླང་བྱ་ཞིབ་ཏུ་གཏོང་བ། དཔུང་སྡེའི་འཐབ་ནུས་ཆེ་རུ་གཏོང་བ་དང་རིམ་སྤོར་ལ་རམ་འདེགས་བྱེད་པ་བཅས་བྱས་ཏེ། སྐྱེ་ཁམས་ཁོར་ཡུག་གི་ཕན་འབྲས་དང་དམག་དོན་ཕན་འབྲས་མཐུན་སྦྱོར་གཅིག་གྱུར་ཡོང་ཆེད་ལམ་ལུགས་ཀྱི་འགན་ལེན་མཁོ་འདོན་བྱ་རྒྱུ་རེད།