མཚོ་སྔོན་ཞིང་ཆེན་གྱི་སློབ་གྲྭ་ཆེ་འབྲིང་ཆུང་གསུམ་གྱི་ཕྱོགས་བསྡུས་ཞིབ་སློབ་ལག་ལེན་སློབ་གསོ་མྱོང་རྟོགས་རྟེན་གཞི་གཅིག་པུ་དེ་མཚོ་བྱང་དུ་བཙུགས་པ།

སྒྲིག་སྒྱུར།  ཀླུ་མོ་མཚོ།   ཡོང་ཁུངས། མཚོ་བྱང་ཏང་དོན།   བཤེར་འབེབས། རིན་ཆེན་ཚེ་རིང་།

ཉེ་ཆར་མཚོ་སྔོན་ཞིང་ཆེན་སློབ་གསོ་ཐིང་གིས2025ལོར་མཚོ་སྔོན་ཞིང་ཆེན་མཐོ་སློབ་ཀྱི་བསམ་བློ་ཆབ་སྲིད་ལས་དོན་གྱི་སྤུས་ཚད་མཐོར་གཏོང་ཕྱོགས་བསྡུས་སྒྱུར་བཅོས་དང་སྤུས་རྟགས་འཛུགས་སྐྲུན་རྣམ་གྲངས་ཀྱི་མིང་ཐོ་ཡོངས་བསྒྲགས་བྱས་པ་དང་།    མཚོ་བྱང་ཁུལ་སློབ་གསོ་ཅུ་དང་མཚོ་བྱང་ཁུལ་རྒྱལ་ཁབ་མ་འཇོག་སྤྱི་གཉེར་གྱིས་ཐུན་མོང་ཐོག་བཏོད་པའི་མཚོ་སྔོན་ཞིང་ཆེན་གྱི་སློབ་གྲྭ་ཆེ་འབྲིང་ཆུང་གསུམ་གྱི་ཕྱོགས་བསྡུས་ཞིབ་སློབ་ལག་ལེན་སློབ་གསོ་མྱོང་རྟོགས་རྟེན་གཞི་བདེ་བླང་ངང་བདམས་ཤིང་། དེ་ཞིང་ཆེན་ཡོངས་ནས་གཅིག་པུ་ཡིན་པ་མ་ཟད།    རྣམ་གྲངས་འཛུགས་སྐྲུན་གྲོན་དངུལ་གྱི་རྒྱབ་སྐྱོར་ཡང་ཐོབ་ཡོད།

ད་ལོ་ནས་བཟུང་། མཚོ་བྱང་ཁུལ་རྒྱལ་ཁབ་མ་འཇོག་སྤྱི་གཉེར་གྱིས“མདེལ་གཉིས་སྐར་གཅིག”གི་སྙིང་སྟོབས་རྒྱུན་འཛིན་དང་དར་སྤེལ་གཏོང་རྒྱུ་དེ་གཙོ་རྐང་དུ་བྱ་རྒྱུ་རྒྱུན་འཁྱོངས་དང་། ཀྲུང་གོའི་ཉིང་རྡུལ་མཚོན་ཆ་དང་པོ་ཞིབ་བཟོ་རྟེན་གཞིའི་གནས་ཡུལ་རྙིང་པའི་གསར་བརྗེའི་ཐོན་ཁུངས་ཕུན་སུམ་ཚོགས་པོར་བརྟེན་པ། ཀྲུང་གོའི་ཉིང་རྡུལ་མཚོན་ཆ་དང་པོ་ཞིབ་བཟོ་རྟེན་གཞིའི་གནས་ཡུལ་རྙིང་པའི་བཟོ་ཁུལ་བཅུ་པ（ཡན་ལག་བཟོ་གྲྭ་གསུམ་པ）ཡི་གཡུལ་ས་གཙོ་བོར་གཞི་ཚུགས་པ།     ཁྲོམ་ར་ཅན་གྱི་བྱེད་སྟངས་ལ་བརྟེན་ནས་སྣེ་ཁྲིད་དེ“གསར་བརྗེ+”ཞིབ་སློབ་ཐོན་ལས་སྐྱེད་སྲིང་བྱེད་པའི་དམིགས་ཚད་ལ་དམ་པོར་དམིགས་ནས། རྒྱལ་གཅེས་རིང་ལུགས་ཀྱི་སློབ་གསོ་དང་རྒྱལ་སྲུང་སློབ་གསོ། ངལ་རྩོལ་སློབ་གསོ། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་བསྐྱེད་པའི་སློབ་གསོ།    སྐྱེ་ཁམས་དཔལ་ཡོན་སློབ་གསོ་སོགས་ལ་ཁྱབ་པའི་ཞིབ་སློབ་ནང་དོན་རྒྱུན་མཐུད་ངང་གསར་སྤེལ་བྱས་ཏེ། མ་དངུལ་བཏང་ནས་མཚོ་སྔོན་མ་རྡུལ་མཁར་རྟེན་གཞིའི་ཞིབ་སློབ་གསོ་སྦྱོང་ཚད་ཡོད་སྤྱི་གཉེར་འཛུགས་པར་ཕྱོགས་བསྡུས་ཕན་འབྲས་བཟང་པོ་བླངས་ཡོད། སྤྱི་གཉེར་དེ་ཟླ་5པར་བཙུགས་པ་ནས་ད་བར་སློབ་མ་ཆེ་འབྲིང་ཆུང་གསུམ་གྱི་གསར་བརྗེའི་ཞིབ་སློབ་དང་དབྱར་སྒར་གྱི་བྱེད་སྒོ་མི་ཐེངས3150ལྷག་ཙམ་དང་།    དར་མའི་རྒྱལ་སྲུང་སློབ་གསོ་དང་རྒྱ་བསྐྱེད་སྦྱོང་བརྡར་སོགས་ཀྱི་གསོ་སྦྱོང1520བྱས་ཡོད།     ན་ནིང་ནས་ད་བར་བཟོ་ཁུལ་བཅུ་པ（ཡན་ལག་བཟོ་གྲྭ་གསུམ་པ）སྔ་རྗེས་སུ་མཚོ་བྱང་ཁུལ་དམངས་ཡོངས་ཀྱི་རྒྱལ་སྲུང་སློབ་གསོའི་རྟེན་གཞི་དང་།    མཚོ་སྔོན་ཞིང་ཆེན་གྱི་དམག་འཁྱུར་དམག་མིའི་རྒྱལ་གཅེས་རིང་ལུགས་ཀྱི་སློབ་གསོའི་རྟེན་གཞི།    མཚོ་བྱང་ཁུལ་གསར་བརྗེའི་ཞིབ་སློབ་རྟེན་གཞི།    མཚོ་སྔོན་ཞིང་ཆེན་མདའ་འཕེན་ལུས་རྩལ་མཉམ་འབྲེལ་ལྷན་ཚོགས་ཀྱི་ཤན་འབྱེད་པ་དང་རྩལ་ཁྲིད་པའི་གསོ་སྦྱོང་རྟེན་གཞི།    མཚོ་སྔོན་དགེ་འོས་སློབ་ཆེན་གྱི་བསམ་བློ་ཆབ་སྲིད་རིགས་པའི་གཞུང་ལུགས་ཀྱི་སློབ་ཚན་ལག་ལེན་རྟེན་གཞི།  མཚོ་སྔོན་དགེ་འོས་སློབ་ཆེན་གྱི“‘མདེལ་གཉིས་སྐར་གཅིག’གི་སྙིང་སྟོབས་དར་སྤེལ་དང་རྒྱུན་འཛིན”ཞེས་པའི་རྒྱལ་ཁབ་ཀྱི་ལག་ལེན་བྱེད་སྒོའི་སློབ་ཚན་རྩེ་གྲའི་ལག་ལེན་རྟེན་གཞི་བཅས་ལ་ཞིབ་དཔྱད་གཏན་འཁེལ་བྱས་ཡོད།