ཁུལ་ཨུའི་གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱིས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོའི་དཔེ་ཀློག་འཛིན་གྲྭའི་མགོ་བརྩམས་པ།

2025-04-02 16:21:02 | 667

སྒྲིག་སྒྱུར། ཁོན་ཐར་ཚེ་རིང་། ཡོང་ཁུངས། མཚོ་བྱང་མདོ་ལ་ཚགས་པར། བཤེར་འབེབས། རིན་ཆེན་ཚེ་རིང་།

ཟླ4ཚེས1ཉིན། ཁུལ་ཨུའི་གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱིས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོའི་དཔེ་ཀློག་འཛིན་གྲྭ་གྲོས་ཚོགས་ལྟེ་གནས་སུ་མགོ་བརྩམས་པ་དང་། ཁུལ་ཨུའི་ཧྲུའུ་ཅི་ཤ་བོ་སྐྱབས་ཀྱིས་སྐུལ་སློང་གསུང་བཤད་གནང་སྟེ། ཏང་གི་སྤྱོད་ཚུལ་འཛུགས་སྐྱོང་ལ་ཤུགས་སྣོན་རྒྱག་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་དང་། ཀྲུང་དབྱང་གི་གཏན་འབེབས་དོན་ཚན་བརྒྱད་དང་དེའི་ལག་བསྟར་ཞིབ་སྲོལ་ཀྱི་དགོངས་དོན་སློབ་སྦྱོང་གཏིང་ཟབ་བྱས་ཏེ། ཁུལ་ཡོངས་ཀྱི་ཏང་རྩ་འཛུགས་རིམ་པ་ཁག་དང་རྒྱ་ཆེའི་ཏང་ཡོན་ལས་བྱེད་པར་དཔེ་སྟོན་དང་སྐུལ་ཁྲིད་བྱས་ཏེ། ཆབ་སྲིད་ཀྱི་ཚུགས་གནས་ཇེ་མཐོར་དང་། ཆབ་སྲིད་ཀྱི་རང་རྟོགས་ཆེ་རུ་བཏང་སྟེ། བསམ་བློ་དང་བྱ་སྤྱོད་གཉིས་ཀ་ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་གཅིག་གྱུར་ཡོང་བ་མཐའ་འཁྱོངས་བྱས་ཏེ། “གཏན་འཁེལ་གཉིས”ལ་རྒྱུས་ལོན་གཏིང་ཟབ་དང་། “སྲུང་སྐྱོང་གཉིས” མཐའ་གཅིག་ཏུ་སྒྲུབ་ཐུབ་པ་བྱས་ནས། གཏན་འབེབས་དོན་ཚན་བརྒྱད་གོམས་སྲོལ་དུ་འགྱུར་བར་སྐུལ་འདེད་བཏང་སྟེ། “མཚོ་བྱང་ལྔའི”འཛུགས་སྐྲུན་ལ་སྐུལ་འདེད་ཧུར་ཐག་གཏོང་བར་འགན་སྲུང་ནུས་ལྡན་འདོན་སྤྲོད་བྱེད་དགོས་ཞེས་ནན་བཤད་གནང་།

ཚོགས་འདུའི་ཐོག་ཀྲུང་དབྱང་དང་ཞིང་ཨུའི་ཏང་འཛུགས་སྐྱོང་ལས་དོན་གྱི་མགོ་ཁྲིད་ཚན་ཆུང་གི་གྲོས་ཚོགས་ཀྱི་དགོངས་དོན་བརྒྱུད་སྒྲོག་བྱས་པ་མ་ཟད། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་གྱི་མཚོ་བྱང་ཁུལ་གྱིས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་བྱས་པའི་ཕན་འབྲས་དང་ཉམས་མྱོང་བརྡ་ཁྱབ་བཏང་པ་རེད། ཁུལ་དམངས་ཆེན་རྒྱུན་ཨུ་ལྷན་ཚོགས་ཀྱི་ཀྲུའུ་རིན་ཆན་ཀུའོ་ཆིང་དང་། ཁུལ་སྲིད་གྲོས་ཀྱི་ཀྲུའུ་ཞི་ཀྲུང་ཀྲི་ཅུན་ཚོགས་འདུར་ཞུགས་ཤིང་། ཁུལ་ཨུའི་རྒྱུན་ཨུའམ་དྲིལ་སྒྲོག་པུའི་པུ་ཀྲང་ཀྲང་ཐའོ་ཡིས་མགོ་རྩོམ་མཛད་སྒོར་གཙོ་སྐྱོང་གནང་།

ཤ་བོ་སྐྱབས་ཀྱིས་བསྟན་དོན། སློབ་སྦྱོང་སློབ་གསོ་བྱ་རྒྱུ་ནི་ད་ལོའི་ཏང་འཛུགས་སྐྱོང་ལས་དོན་གྱི་ཆབ་སྲིད་ཀྱི་ལས་འགན་གལ་ཆེན་ཞིག་ཡིན་པས། ཁུལ་ཡོངས་ཀྱི་གོང་འོག་ཚང་མས་ད་ཐེངས་ཀྱི་སློབ་སྦྱོང་སློབ་གསོ་དེ་ཆབ་སྲིད་ཀྱི་ཉམས་ལེན་དང་། བསམ་པའི་བྱབས་ཁྲུས། སྤྱོད་ཚུལ་སྦྱོང་བརྡར་ཞིག་ཏུ་བརྩིས་ནས། བསམ་བློ་ཐད་དང་། ཆབ་སྲིད་ཐད། བྱ་སྤྱོད་ཐད་བཅས་ནས་ཐོག་མཐའ་བར་གསུམ་དུ་ཏང་ཀྲུང་དབྱང་དང་ཚད་མཐོའི་གཅིག་མཐུན་ཡོང་བ་དང་། དོན་དངོས་ཀྱི་བྱ་སྤྱོད་ལ་བརྟེན་ནས་ཏང་ལ་བློ་དཀར་བ་ལག་ལེན་བྱེད་པ། ཐེངས་འདིའི་སློབ་སྦྱོང་སློབ་གསོའི་གོ་སྐབས་ལ་བརྟེན་ནས། ཏང་ཡོན་ལས་བྱེད་པའི་བསམ་བློའི་གོ་རྟོགས་ཇེ་མཐོར་འགྲོ་བར་སློབ་གསོ་དང་ཁྲིད་སྟོན་བྱས་ཏེ། ཡང་དག་པའི་ཆབ་སྲིད་གྲུབ་འབྲས་ཀྱི་ལྟ་བ་དམ་སྲུང་དང་། ཐོག་མཐའ་བར་གསུམ་དུ་སྙིང་སྟོབས་ཡོད་པ་དང་། སྤྱོད་ཚུལ་བཟང་པོ་ལ་བརྟེན་ནས་མཐུན་སྒྲིལ་འབད་འཐབ་དང་། དངོས་སྒྲུབ་སྔོན་ཐོན་བརྩོན་ལེན་བྱས་ཏེ། མང་ཚོགས་ལ་སློབ་སྦྱོང་སློབ་གསོ་ལས་བྱུང་བའི་རྣམ་པ་གསར་པ་དང་འགྱུར་ལྡོག་གསར་པ་ཚོར་དུ་འཇུག་དགོས།

ཤ་བོ་སྐྱབས་ཀྱིས་ནན་གྱིས་བསྟན་དོན། སློབ་སྦྱོང་སློབ་གསོའི་དོན་སྙིང་གལ་ཆེན་ལ་ངོས་འཛིན་གང་ལེགས་བྱེད་དགོས་པ་དང་། སློབ་སྦྱོང་སློབ་གསོའི་སྲོག་ཤིང་དོན་སྙིང་དང་། དམིགས་ཚད་བླང་བྱ། འགག་རྩའི་ལྷུ་ཚིགས་བཅས་ཁོང་དུ་ཆུད་པ་ཡང་དག་བྱས་ཏེ། ཡུན་རིང་དུས་གཏན་དུ་ནམ་ཡང་ལས་ཐོག་ཏུ་གནས་པའི་རིག་པ་དང་ཆོད་སེམས་ཀྱིས་རྒྱུན་མཐུད་ངང་སྤྱོད་ཚུལ་འཛུགས་སྐྱོང་གཏིང་ཟབ་གཏོང་དགོས་ལ། ཚད་གཞི་མཐོན་པོ་དང་སྤུས་ཚད་མཐོ་བའི་སློབ་སྦྱོང་སློབ་གསོ་སྤེལ་བ་དང་། སློབ་སྦྱོང་དང་ཞིབ་བཤེར། བསྒྱུར་བཅོས་བཅས་གཞི་གཅིག་ཏུ་སྐུལ་འདེད་བཏང་སྟེ། སློབ་སྦྱོང་ལ་སྤུས་ཚད་ཡོད་པ་དང་། ཞིབ་བཤེར་ལ་ནུས་ཤུགས་ཡོད་པ། བསྒྱུར་བཅོས་ལ་ཕན་འབྲས་བཅས་ཡོང་བར་འགན་ལེན་ཏན་ཏིག་བྱས་ཏེ། ཏང་སྲོལ་སྲིད་སྲོལ་སྔར་བས་གསལ་པོ་དང་། ཏང་དང་མང་ཚོགས་ཀྱི་འབྲེལ་བ་སྔར་བས་དམ་ཟབ། ལས་བྱེད་པའི་སྤྱོད་ཚུལ་སྔར་བས་ནན་མོ། ལམ་ལུགས་དང་ལམ་སྲོལ་སྔར་བས་འཐུས་ཚང་བཅས་ཡོང་བར་སྐུལ་འདེད་གཏོང་དགོས། རྩ་འཛུགས་མགོ་ཁྲིད་ལ་ཤུགས་སྣོན་ཏན་ཏིག་བྱེད་དགོས་པ་དང་། ཏང་ཨུའི（ཏང་ཙུའུ）རིམ་པ་ཁག་གི་ཆབ་སྲིད་འགན་འཁྲི་དམ་འཛིན་དང་། རིམ་པ་དང་རིགས་དབྱེ་ནས་གནད་ཁེལ་མཛུབ་ཁྲིད་བྱ་རྒྱུར་གཙིགས་སུ་འཛིན་པ། དྲིལ་སྒྲོག་དང་ཁྲིད་སྟོན་ལ་ཤུགས་སྣོན་པ། ཕྱི་ཚུལ་རིང་ལུགས་བཀག་སྡོམ་བཅས་བྱས་ཏེ། སློབ་སྦྱོང་སློབ་གསོའི་ཆབ་སྲིད་རང་བཞིན་དང་གཟབ་ནན་ལ་ཁག་ཐེག་བྱས་ནས། སློབ་སྦྱོང་སློབ་གསོ་གཏིང་ཟབ་དང་དོན་དངོས་ཐོག་སྤེལ་བ་དང་། བྱ་སྤྱོད་དང་ཕན་འབྲས་ཐོན་པར་མུ་མཐུད་དུ་སྐུལ་འདེད་གཏོང་དགོས། སྤྱོད་ཚུལ་བཟང་པོའི་ཐོག་ནས་སྤུས་ཚད་མཐོ་བའི་འཕེལ་རྒྱས་ལ་སྲུང་སྐྱོབ་བྱེད་དགོས་པ་དང་། སློབ་སྦྱོང་སློབ་གསོ་སྤེལ་བ་དེ་ཏང་ཀྲུང་དབྱང་གི་ཐབས་ཇུས་བཀོད་སྒྲིག་གལ་ཆེན་དང་། ཞིང་ཨུའི་ལས་དོན་གྱི་བླང་བྱ་ལག་བསྟར་དོན་འཁྱོལ་བྱེད་པ་དང་ཟུང་འབྲེལ་དང་། ཏང་སྲོལ་སྲིད་གཙང་འཛུགས་སྐྲུན་དང་རུལ་སུངས་ལ་ངོ་རྒོལ་བྱེད་པའི་འཐབ་རྩོད་སྐུལ་འདེད་གཏིང་ཟབ་གཏོང་བ་དང་ཟུང་འབྲེལ་བྱས་ཏེ། མི་དམངས་ལ་ཞབས་འདེགས་ཞུ་བའི་བརྩེ་སེམས་ཟབ་ཏུ་གཏོང་བ་དང་། འགན་འཁུར་དངོས་སྒྲུབ་བྱེད་ཤུགས་ཆེ་རུ་བཏང་ནས། ནུས་ཤུགས་ཡོད་རྒུས“མཚོ་བྱང་ལྔའི”འཛུགས་སྐྲུན་ལ་རྒྱུན་ཆད་མེད་པར་གྲུབ་འབྲས་གསར་པ་ཐོབ་པར་སྐུལ་འདེད་གཏོང་དགོས།

ཁུལ་རིམ་པའི་མགོ་ཁྲིད་ལས་བྱེད་པ་དང་། ཁུལ་ཨུའི་སྡེ་ཁག་སོ་སོ་དང་ཁུལ་ཐད་གཏོགས་ལས་ཁུངས་སྡེ་ཚན་ཁག་གི་རྫོང་རིམ་པ་གཞོན་པ་ཡན་གྱི་ལས་བྱེད་པ་དང་། དེ་བཞིན་རྫོང་སོ་སོ་དང་ཞིང་རའི་ཏང་ཨུའི་ཧྲུའུ་ཅི་བཅས་ཚོགས་འདུར་ཞུགས་ཡོད།

སྐབས་སྔོན་མ། བོད་ཀྱི་རིག་གནས་ཁེ་དབང་འགན་སྲུང་ལ་མུ་མཐུད་ཤུགས་སྣོན་ཐེབས་པ།

སྐབས་རྗེས་མ། ཁུལ་ཨུའི་གཞུང་ལུགས་སློབ་སྦྱོང་གི་དཔེ་ཀློག་འཛིན་གྲྭ་མཇུག་སྒྲིལ་བ།