2023ལོར་མཚོ་སྔོན་ཞིང་ཆེན་གྱིས་གཞུང་ཞབས་པ་མི1231བསྡུ་རྒྱུ་རེད།

རྩོམ་སྒྲིག   སངས་དོན། 

《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་གཞུང་ཞབས་པའི་བཅའ་ཁྲིམས》དང《གཞུང་ཞབས་པ་བསྡུ་བའི་གཏན་འབེབས》དེ་བཞིན་རང་ཞིང་གི་གཞུང་ཞབས་པ་རྒྱུགས་སྤྲོད་བསྡུ་ལེན་གྱི་འབྲེལ་ཡོད་སྲིད་ཇུས་གཞིར་བཟུང་། ད་ལྟ་མཚོ་སྔོན་ཞིང་ཆེན་གྱིས2023ལོའི་རིམ་པ་དང་པོའི་ཀྲུའུ་རིན་ཁའོ་ཡོན་དང་དེའི་མན་ཆད་དང་རིམ་པ་དེ་མཚུངས་ཀྱི་གཞུང་ཞབས་པ་བསྡུ་བའི་འབྲེལ་ཡོད་ལས་དོན་སྤྱི་བསྒྲགས་བྱས་པ་གཤམ་གསལ་ལྟར།

1.ལས་བསྡུའི་མི་གྲངས།

2023ལོར་ཞིང་ཆེན་ཡོངས་སུ་རིམ་པ་དང་པོའི་ཀྲུའུ་རིན་ཁའོ་ཡོན་དང་དེའི་མན་ཆད་དང་རིམ་པ་དེ་མཚུངས་ཀྱི་གཞུང་ཞབས་པ་ཁྱོན་སྡོམ་མི1231ཡོངས་བསྒྲགས་ངང་བསྡུ་རྒྱུ་ཡིན་ལ། ཞིབ་ཕྲའི་ལས་བསྡུའི་ལས་གནས་འཆར་གཞི་མཚོ་སྔོན་ཞིང་ཆེན་མི་དོན་རྒྱུགས་ལེན་ཆ་འཕྲིན་དྲ་བ་བརྒྱུད་དེ(www.qhpta.com) འཚོལ་ཞིབ་བྱ་རོགས།

2.ལས་བསྡུའི་གོ་རིམ། 

ལས་བསྡུའི་བྱ་བ་དེ་མིང་ཐོ་འགོད་པ་དང་ཐོབ་ཐང་ཞིབ་བཤེར། ཡིག་རྒྱུགས། ཐོབ་ཐང་བསྐྱར་ཞིབ། ཁ་རྒྱུགས། ལུས་པོར་བརྟག་དཔྱད། རྟོག་ཞིབ། ཞིབ་མཆན་བསྡུ་ལེན་སོགས་ཀྱི་གོ་རིམ་ལྟར་སྤེལ་རྒྱུ།

3.མིང་ཐོ་འགོད་པའི་དུས་ཚོད།

2023ལོའི་ཟླ2པའི་ཚེས2ཉིན་གྱི་དུས་ཚོད9:00ནས་ཟླ2པའི་ཚེས6ཉིན་གྱི་དུས་ཚོད18:00བར་ཡིན། 

4.དངུལ་སྤྲོད་པའི་དུས་ཚོད།

2023ལོའི་ཟླ2པའི་ཚེས2ཉིན་གྱི་དུས་ཚོད9:00ནས་ཟླ2པའི་ཚེས9ཉིན་གྱི་དུས་ཚོད23:30བར་ཡིན། 

5.མིང་ཐོ་འགོད་པའི་སྙོམས་སྒྲིག་དུས་ཚོད།

2023ལོའི་ཟླ2པའི་ཚེས10ཉིན་གྱི་དུས་ཚོད9:00ནས16:00བར་ཡིན།

6.ཡིག་རྒྱུགས་ལེན་པའི་དུས་ཚོད་དང་ས་གནས།

ཡིག་རྒྱུགས་ལེན་པའི་དུས་ཚོད་ནི2023ལོའི་ཟླ2པའི་ཚེས25ཉིན་ཡིན་ལ། ཞིབ་ཕྲའི་རྒྱུགས་ལེན་ས་གནས་ནི་རྒྱུགས་སྤྲོད་འཛིན་ཡིག་གི་ས་གནས་ཚད་གཞིར་འཛིན་དགོས།