ཀྲང་ཧྥེང་གིས་མདའ་བཞི་རྫོང་དུ་རྟོག་ཞིབ་དང་བཞུགས་མོལ་གནང་།

རྩོམ་སྒྲིག སངས་རྒྱས་སྐྱིད། ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར། བཤེར་འབེབས། རིན་ཆེན་ཚེ་རིང་།

ཟླ3པའི་ཚེས4ཉིན། ཁུལ་ཨུའི་ཧྲུའུ་ཅི་ཀྲང་ཧྥེང་མདའ་བཞི་རྫོང་དུ་སོང་སྟེ་རྟོག་ཞིབ་དང་བཞུགས་མོལ་གནང་སྐབས་ནན་གྱིས་བསྟན་དོན། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་ལ་རྟོག་ཞིབ་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་ལག་བསྟར་ནན་ཏན་བྱེད་པ་དང་། ཞིང་ཆེན་ཏང་ཨུ་དང་ཁུལ་ཨུའི་ཐབས་ཇུས་བཀོད་སྒྲིག་སོ་སོ་ཁྱོན་ཡོངས་ནས་དོན་འཁྱོལ་བྱས་ཏེ། གནས་རིམ་དང་པོའི་འདུ་ཤེས་ཆེ་རུ་གཏོང་བ་དང་གྲོང་ཁྱེར་ལྟེ་བའི་འགན་འཁྲི་མངོན་པར་བྱས་ཏེ་ནུས་ཤུགས་ཡོད་རྒུས་མདའ་བཞིའི་དེང་རབས་ཅན་འཛུགས་སྐྲུན་གྱི་ལེའུ་གསར་བ་རྩོམ་དགོས་ཟེར།

དུས་རབས་ཀྱི་མིག་དཔེ་དྲན་གསོ་ཁང་དུ་ཀྲང་ཧྥེང་གིས་འགྲེལ་བཤད་ལ་ནན་ཏན་ངང་ཉན་ནས་ཏང་གཤིས་སློབ་གསོ་དང་བསམ་བློའི་བྱབས་ཁྲུས་དང་ལེན་བྱས་ཏེ། སྔོག་འདོན་གཏིང་ཟབ་དང་མ་ལག་རྒྱས་འགྲེལ་རྒྱུན་མཐུད་ཡག་པོ་བྱས་ནས་རྒྱ་ཆེའི་ཏང་ཡོན་ལས་བྱེད་པར"དུས་རབས་ཀྱི་མིག་དཔེ"སྐལ་བཟང་གི་སྔོན་ཐོན་བྱས་རྗེས་ཁྲོད་ནས་གསར་བརྗེའི་ཁྲག་རྒྱུན་རྒྱུན་མཐུད་དང་དཔའ་ངར་མདུན་སྐྱོད་བྱེད་པའི་སྟོབས་ཤུགས་བསྡུ་ལེན་བྱ་རྒྱུའི་ཁྲིད་སྟོན་བྱེད་དགོས་པ་ནན་གྱིས་བསྟན། མཁར་ཟུར་གསུམ་གྲོང་རྡལ་ཧའེ་ཧུའུ་སྡེ་ཁུལ་དང་། གསེར་ཐང་ཡུལ་ཚོ་སྟོང་མདའ་སྡེ་བར་ཀྲང་ཧྥེང་གིས་གཞི་རིམ་ལས་བྱེད་པ་དང་བཞུགས་མོལ་གཏིང་ཟབ་གནང་ནས་ཐོན་ལས་འཕེལ་རྒྱས་དང་དམངས་འཚོ་འགན་ལེན། གཞི་རིམ་བཅོས་སྐྱོང་སོགས་ཀྱི་གནས་ཚུལ་ལ་རྒྱུས་ལོན་ཞིབ་ཕྲ་གནང་སྟེ་གཞི་རིམ་ཏང་རྩ་འཛུགས་འཛུགས་སྐྱོང་ལ་མུ་མཐུད་ཤུགས་བསྣན་ནས་ཡུལ་བབ་དང་བསྟུན་ནས་སྡེ་བའི་མཉམ་སྡེབ་དཔལ་འབྱོར་དང་སྡེ་ཁུལ་དཔལ་འབྱོར་འཕེལ་རྒྱས་དང་སྟོབས་ཆེར་གཏོང་དགོས་པ་དང་། དཔལ་ཡོན་ལྡན་པའི་གྲོང་སྲོལ་བཙུགས་ཏེ་གཞི་རིམ་བཅོས་སྐྱོང་གི་ཕན་ནུས་རྒྱུན་ཆད་མེད་པར་མཐོ་རུ་གཏོང་དགོས་པ་ནན་གྱིས་བསྟན། མཚོ་བྱང་དབྱི་ཧའེ་སྐྱེ་དངོས་ལག་རྩལ་ཚད་ཡོད་སྤྱི་གཉེར་ཁང་དང་མདའ་བཞི་པོ་ཏ་ལྗང་མདོག་སྐྱེ་ལྡན་ཐོན་ཁུངས་གསར་སྤེལ་ཚད་ཡོད་སྤྱི་གཉེར་ཁང་དུ་ཀྲང་ཧྥེང་གིས་ཡུལ་དངོས་ནས་ཁེ་ལས་ཀྱི་ཐོན་སྐྱེད་གཉེར་སྐྱོང་དང་ཐོན་རྫས་ཞིབ་འཇུག་གསར་སྤེལ་སོགས་ཀྱི་གནས་ཚུལ་ལ་གཟིགས་ཞིབ་གནང་སྟེ་རོགས་སྐྱོར་བྱ་ཐབས་གནད་ལ་འཁེལ་བའི་སྒོ་ནས་དོན་འཁྱོལ་བྱེད་དགོས་པ་དང་། ཁེ་ལས་སྟོབས་ལྡན་དུ་གཏོང་རྒྱུར་རོགས་རམ་བྱེད་པ། ཁེ་ལས་སོ་སོས་འཕེལ་རྒྱས་ཀྱི་ཡིད་ཆེས་བརྟན་དུ་གཏོང་བ་དང་ཐོན་སྐྱེད་གཉེར་སྐྱོང་ལ་དམ་འཛིན་ཡག་པོ་བྱས་ནས་མང་ཚོགས་དེ་བས་མང་བ་ཕྱུག་འགྱུར་འབབ་འཕར་ཡོང་རྒྱུར་སྣེ་ཁྲིད་བྱེད་དགོས་པ་ནན་གྱིས་བསྟན། སོག་པོའི་སྒར་ཆེན་དང་རྫོང་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་རྟེན་གཞི་རུ་ཀྲང་ཧྥེང་གིས་བེད་མེད་དུ་བཞག་པའི་རྒྱུ་ནོར་གསོན་སྒྱུར་བེད་སྤྱོད་དང་བོད་ལུག་གི་རྒྱུད་བཟང་གསོ་སྤེལ་སོགས་ཀྱི་གནས་ཚུལ་ལ་རྒྱུས་ལོན་གཏིང་ཟབ་བྱས་ཏེ་ཡུལ་བབ་དང་བསྟུན་ནས་གཉེར་སྐྱོང་ལས་རྣམ་རྒྱུན་ཆད་མེད་པར་ཕུན་སུམ་ཇེ་ཚོགས་སུ་གཏོང་དགོས་པ་དང་། གསོན་སྒྱུར་བེད་སྤྱོད་ཀྱི་ཆུ་ཚད་རྒྱུན་མཐུད་ངང་མཐོ་རུ་གཏོང་བ་དང་ཐོན་ལས་སྦྲེལ་ཐག་སྣུར་སྲིང་བྱས་ཏེ་གཅིག་སྡུད་ཅན་དང་ཁྱད་ལྡན་ཅན་གྱི་ཐོན་ལས་སྐྱེ་ཁམས་མགྱོགས་མྱུར་སྒོས་བསྐྲུན་ནས་ཕྱིར་ཚོང་ཐབས་ལམ་སྔར་ལས་རྒྱ་ཆེར་གཏོང་བ་དང་ཚོང་གཉེར་ཁེ་ཕན་མཐོར་འདེགས་སུ་བཏང་ནས་ཚོང་རའི་འཕར་ཆག་ལ་ཁ་གཏད་འཇལ་བའི་ཉེན་ཁ་འགོག་ནུས་རྒྱུན་ཆད་མེད་པར་ཆེ་རུ་གཏོང་དགོས་པ་ནན་གྱིས་བསྟན།

བཞུགས་མོལ་ཚོགས་འདུའི་ཐོག ཀྲང་ཧྥེང་གིས་མདའ་བཞི་རྫོང་གི་བྱ་བའི་སྙན་ཞུར་གསན་པ་དང་མདའ་བཞི་རྫོང་གིས་བླངས་པའི་བྱ་བའི་གྲུབ་འབྲས་ལ་ཁས་ལེན་གང་ལེགས་གནང་ནས་ནན་གྱིས་བསྟན་དོན། ད་ལོ་ནི"ལོ་ལྔའི་འཆར་གཞི་བཅོ་ལྔའི"འཆར་འགོད་མགོ་རྩོམ་པའི་ལོ་ཡིན་ལ་མདའ་བཞིའི་སྤུས་ཚད་མཐོ་བའི་འཕེལ་རྒྱས་ཀྱི་སྤུས་འདེགས་ནུས་སྤེལ་བྱེད་པར་སྐུལ་འདེད་གཏོང་བའི་འགག་རྩའི་ལོ་ཞིག་ཀྱང་ཡིན་པས"བྱས་རྗེས་རང་གི་ཡིན་པའི་ངེས་པ་མེད་པའི"འགན་འཁྲི་འཁུར་སེམས་ལ་བརྟེན་ནས་དམ་པ་དོན་གཉེར་དང་འགག་སྒྲོལ་དཀའ་སེལ་བྱས་ཏེ། བྱ་བ་སོ་སོ་སྐས་རིམ་གསར་བ་ཞིག་ཏུ་སླེབས་རྒྱུར་འགན་ལེན་བྱེད་དགོས། གནས་རིམ་དང་པོའི་འདུ་ཤེས་ཟབ་ཏུ་གཏོང་བ་དང་གྲོང་ཁྱེར་ལྟེ་བའི་འགན་འཁྲི་བརྟན་དུ་བཏང་ནས་རྫོང་གི་གནས་ཚུལ་དངོས་ལ་གཞི་ཚུགས་པ་དང་བྱ་བའི་ངེས་གནས་གནད་ལ་འཁེལ་བ་བཙལ་ཏེ། བཟོ་ལས་དཔལ་འབྱོར་འཕེལ་རྒྱས་ཀྱི་རྣམ་པ་བཟང་པོ་སྲ་བརྟན་དུ་བཏང་ནས་མཁར་གྲོང་འཛུགས་སྐྲུན་དང་གྲོང་གསེབ་དར་སྤེལ། དམངས་འཚོ་འགན་ལེན་སོགས་ཀྱི་ཐད་མདུན་དུ་བསྐྱོད་པ་དང་མིག་དཔེ་འཇོག་པར་བརྩོན་ལེན་བྱས་ནས་ཁུལ་ཡོངས་འཕེལ་རྒྱས་ཀྱི་སྤྱི་ཡོངས་ལ་མདའ་བཞིའི་སྟོབས་ཤུགས་སྔར་ལས་མང་བ་ལེགས་སྐྱེས་སུ་དབུལ་དགོས། ཐོག་མཐའ་བར་གསུམ་དུ"རྒྱལ་དོན་གྱི་ཆེ་ཕྱོགས"ཡིད་ལ་བཅངས་དགོས་པ་དང་། རི་སྔོ་ཆུ་དྭངས་སྲུང་སྐྱོབ་བྱེད་རིང་འགན་འཁྲི་ཁག་ཁུར་ལག་བསྟར་བྱེད་པ། "མཐོ་སྒང་སའེ་ཧན་པེའི"གཏམ་རྒྱུད་ཡག་པོར་བཤད་དེ། སྐྱེ་ཁམས་ཐོན་རྫས་ཀྱི་རིན་ཐང་མངོན་འགྱུར་བྱེད་པའི་ཐབས་ལམ་རྒྱུན་མཐུད་ངང་རྒྱ་སྐྱེད་བཏང་ནས་སྐྱེ་ཁམས་ཀྱི་བཟང་ཆ་དེ་འཕེལ་རྒྱས་ཀྱི་བཟང་ཆར་བསྒྱུར་བར་མགྱོགས་མྱུར་སྐུལ་འདེད་གཏོང་དགོས། མཉམ་འདྲེས་འཕེལ་རྒྱས་ཀྱི་འདུ་ཤེས་བརྟན་པོ་བཙུགས་ཏེ་འཁོར་སྐྱོད་འཕེལ་རྒྱས་དང་ལྗང་མདོག་རིགས་སྒྱུར་ལ་དམིགས་ནས། ལེགས་ལྡན་ཐོན་ལས་སྲ་བརྟན་དང་རྒྱ་ཆེར་གཏོང་དགོས་པ་དང་། གསར་བརྗེའི་ཉམས་ཞིབ་དང་སྐྱེ་ཁམས་གནས་སྐོར། སྐྱེ་ཁམས་ཞིང་ཕྱུགས་སོགས་ཁྱད་ལྡན་ཐོན་ལས་འཕེལ་རྒྱས་སྟོབས་ཆེར་བཏང་ནས་ཐོན་ལས་དང་པོ་དང་གཉིས་པ་གསུམ་པ་མཉམ་འདྲེས་འཕེལ་རྒྱས་དང་སྤུས་འདེགས་ནུས་སྤེལ་ལ་མུ་མཐུད་སྐུལ་འདེད་གཏོང་དགོས། མི་དམངས་ལྟེ་བར་འཛིན་པའི་འཕེལ་རྒྱས་ཀྱི་བསམ་བློ་ཐོག་མཐའ་བར་གསུམ་དུ་རྒྱུན་འཁྱོངས་བྱས་ཏེ་མང་ཚོགས་ཀྱི་ཡོང་སྒོ་འཕར་བར་བརྟན་པོའི་ངང་སྐུལ་འདེད་གཏོང་དགོས་པ་དང་། ལས་ཞུགས་ཡོང་སྒོ་དང་སློབ་གསོ་སྨན་བཅོས། སྤྱི་ཚོགས་འགན་སྲུང་། སྡོད་ཁང་ལེགས་སྒྱུར་སོགས་མང་ཚོགས་ཀྱི་བྲེལ་དཀའ་སྡུག་སྨོན་གྱི་གནད་དོན་ལ་དམིགས་ནས་དམངས་འཚོའི་དོན་དངོས་ཏན་ཏིག་ངང་ཡག་པོར་སྒྲུབ་སྟེ་དམངས་འཚོའི་བདེ་སྐྱིད་རྒྱུན་མཐུད་ངང་ཆེ་རུ་གཏོང་དགོས། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པ་གཙོ་རྐང་དུ་འཛིན་རྒྱུ་རྒྱུན་འཁྱོངས་བྱས་ཏེ། མི་རིགས་ཆོས་ལུགས་བྱ་བ་བཅོས་སྐྱོང་གི་ཆུ་ཚད་རྒྱུན་ཆད་མེད་པར་མཐོ་རུ་གཏོང་དགོས་པ་དང་། ཆུ་ཚད་སྔར་ལས་མཐོ་བའི་བདེ་འཇགས་མདའ་བཞི་དང་ཁྲིམས་སྐྱོང་མདའ་བཞི་འཛུགས་སྐྱོང་ལ་མུ་མཐུད་སྐུལ་འདེད་གཏོང་དགོས། ཏང་འཛུགས་སྐྱོང་ལ་རྒྱུན་མཐུད་ངང་ཤུགས་སྣོན་དགོས་པ་དང་ཏང་གི་གསར་གཏོད་རིགས་པའི་གཞུང་ལུགས་ལ་བརྟེན་ནས་བློ་སེམས་གཅིག་སྒྲིལ་བྱ་རྒྱུ་རྒྱུན་འཁྱོངས་བྱས་ཏེ"ནུས་པ་རིགས་དྲུག"རྒྱུན་མཐུད་ངང་ཆེ་རུ་གཏོང་བ་དང་སྤྱོད་ཚུལ་འཛུགས་སྐྱོང་སྔར་ལས་གཏིང་ཟབ་ཏུ་བཏང་ནས་ཐོག་མཐའ་བར་གསུམ་དུ་བདེ་བརྟན་མདའ་བཞིའི་མངོན་གསལ་དོད་པའི་ཆབ་སྲིད་ཀྱི་གཏིང་ཤུགས་རྒྱུན་འཁྱོངས་བྱེད་དགོས་ཟེར།

ཀྲང་ཧྥེང་གིས་བླང་བྱ་བཏོན་དོན། དཔལ་འབྱོར་འཁོར་བསྐྱོད་བཀོད་གཏོང་དང་། ཡང་དག་པའི་སྲིད་འབྲས་ལྟ་བ་འཛུགས་པ་དང་ལག་བསྟར་བྱེད་པའི་སློབ་སྦྱོང་སློབ་གསོ། འགལ་བ་དང་རྩོད་གཞི་གྲལ་བཤེར་བྱས་ནས་སེལ་བ་དང་བདེ་འཇགས་ཐོན་སྐྱེད་སོགས་མིག་སྔའི་གཙོ་གནད་བྱ་བ་དམ་འཛིན་ཏན་ཏིག་དང་ལེགས་པོ་བྱས་ཏེ། སྔར་ལས་ལྷག་པའི་སྒོ་ནས་རྫོང་ཡོངས་ཀྱི་སྤྱི་ཚོགས་ཁྱོན་ཡོངས་འཆམ་མཐུན་བརྟན་ལྷིང་གི་རྣམ་པ་བཟང་པོ་དང་། དཔལ་འབྱོར་བསྐྱར་འཕར་ཇེ་ལེགས་སུ་ཕྱིན་པའི་རྣམ་པ་སྲ་བརྟན་དུ་བཏང་སྟེ། དུས་ཚིགས་དང་པོའི“མགོ་ཡག་པོར་རྩོམ་རྒྱུ”འགན་ལེན་བྱེད་དགོས་ཟེར། 

ཁུལ་གྱི་མགོ་ཁྲིད་ཚོ་ཅི་ཆང་དང་སྟག་ལྷས་ཕེབས་རོགས་བྱས།