ཁུལ་ཨུའི་ཏང་འཛུགས་སྐྱོང་བྱ་བའི་མགོ་ཁྲིད་ཚན་ཆུང་གི་ཚོགས་འདུ་འཚོགས།

རྩོམ་སྒྲིག སངས་རྒྱས་སྐྱིད། ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར། བཤེར་འབེབས། རིན་ཆེན་ཚེ་རིང་།

ཟླ3པའི་ཚེས5ཉིན། ཁུལ་ཨུའི་ཏང་འཛུགས་སྐྱོང་བྱ་བའི་མགོ་ཁྲིད་ཚན་ཆུང་གི་ཚོགས་འདུ་འཚོགས་ལ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་འབྲེལ་ཡོད་སྲིད་འབྲས་ལྟ་བ་ཡང་དག་འཛུགས་པ་དང་ལག་བསྟར་བྱེད་པའི་སྐོར་གྱི་རྒྱས་བཤད་གལ་ཆེན་དང་མཚོ་སྔོན་གྱི་བྱ་བའི་ཐད་བཏོན་པའི་བླང་བྱ་གལ་ཆེན་ལག་བསྟར་ནན་ཏན་དང་། ཀྲུང་དབྱང་དང་ཞིང་ཆེན་ཏང་ཨུའི་ཏང་འཛུགས་སྐྱོང་བྱ་བའི་མགོ་ཁྲིད་ཚན་ཆུང་གི་ཚོགས་འདུའི་དགོངས་དོན་ཁྱོན་ཡོངས་ནས་དོན་འཁྱོལ་བྱས་ཏེ་མཚོ་བྱང་ཁུལ་གྱི་སློབ་སྦྱོང་སློབ་གསོའི་བྱ་བ་སྤེལ་མགོ་བརྩམས་ནས་བཀོད་སྒྲིག་བྱས། ཁུལ་ཨུའི་ཧྲུའུ་ཅིའམ་ཁུལ་ཨུའི་ཏང་འཛུགས་སྐྱོང་བྱ་བའི་མགོ་ཁྲིད་ཚན་ཆུང་གི་ཚན་གཙོ་ཀྲང་ཧྥེང་གིས་གཙོ་སྐྱོང་བྱས་ཏེ་གསུང་བཤད་གནང་། ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀྲང་ཧྲིང་ཡོན་དང་། ཀྲང་ཨའེ་ཧུང་། སི་ཅི་ཧྲིན་བཅས་ཚོགས་འདུར་ཞུགས།

ཚོགས་འདུའི་ཐོག་བསྟན་དོན།  ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་སྤྱི་ཁྱབ་ཧྲུའུ་ཅི་ཞི་ཅིན་ཕིང་ཏང་དང་རྒྱལ་ཁབ་ཀྱི་བྱ་གཞག་འཕེལ་རྒྱས་ཀྱི་ཁྱོན་ཡོངས་ཀྱི་མཐོ་ཚད་ཐོག་ལངས་ནས་སྲིད་འབྲས་ལྟ་བ་ཡང་དག་འཛུགས་པ་དང་ལག་བསྟར་བྱེད་པར་དམིགས་ཏེ་གནང་བའི་གསུང་བཤད་གལ་ཆེན་རབ་དང་རིམ་པ་དང་མཛུབ་སྟོན་གལ་ཆེན་རབ་དང་རིམ་པའི་བརྗོད་དོན་རྒྱ་ཆེ་ལ་གཏིང་ཟབ་ཅིང་།  ནང་དོན་ཕུན་སུམ་ཚོགས་ཤིང་དགོངས་པ་གཏིང་ཟབ་པས། ང་ཚོས་སློབ་སྦྱོང་སློབ་གསོ་སྤེལ་བར་མདུན་སྐྱོད་ཀྱི་ཁ་ཕྱོགས་གསལ་སྟོན་དང་རྩ་བའི་གཞི་འཛིན་ས་མཁོ་འདོན་བྱས་ཡོད། ཁུལ་ཡོངས་ཀྱི་རིམ་པ་སོ་སོའི་ཏང་རྩ་འཛུགས་ཀྱིས་ཐེངས་འདིའི་སློབ་སྦྱོང་སློབ་གསོ་སྤེལ་བའི་གལ་ཆེའི་རང་བཞིན་དང་དངོས་ཡོད་ཀྱི་ཁ་ཚ་དགོས་གཏུག་རང་བཞིན་ལ་ངོས་འཛིན་གཏིང་ཟབ་བྱས་ཏེ། ནང་བྱན་ཡང་དག་ཆུད་པའི་སྒོ་ནས་སྲིད་འབྲས་ལྟ་བ་ཡང་དག་འཛུགས་པ་དང་ལག་བསྟར་བྱེད་པའི་སློབ་སྦྱོང་སློབ་གསོ་སྤེལ་བ་ནི“གཏན་འཁེལ་གཉིས”ལ་བརྩི་སྲུང་དང“སྲུང་སྐྱོང་གཉིས”སྒྲུབ་ཐུབ་པར་བྱེད་པའི་ཞིབ་ཕྲའི་ལག་ལེན་ཞིག་དང་།  ཀྲུང་གོའི་རྣམ་པའི་དེང་རབས་ཅན་ལ་སྐུལ་འདེད་གཏོང་བའི་བྱེད་ཐབས་གལ་ཆེན་ཞིག ཕྱོགས་ཡོངས་ནས་ཏང་ནན་སྐྱོང་ལ་སྐུལ་འདེད་གཏིང་ཟབ་གཏོང་བའི་འགག་རྩའི་དམ་འཛིན་བྱ་གཞི་ཞིག སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་དངོས་ཡོད་ཀྱི་དགོས་མཁོ་ཞིག་བཅས་ཡིན་པས།  བསམ་བློ་དང་བྱ་སྤྱོད་དེ་ཏང་ཀྲུང་དབྱང་གི་ཐབས་ཇུས་བཀོད་སྒྲིག་ཐོག་གཅིག་གྱུར་ཏན་ཏིག་ཡོང་བར་བྱས་ནས་སློབ་སྦྱོང་སློབ་གསོ་བྱེད་པའི་ཆབ་སྲིད་ཀྱི་རང་རྟོགས་དང་བསམ་བློའི་རང་རྟོགས། བྱ་སྤྱོད་ཀྱི་རང་རྟོགས་བཅས་སྔར་ལས་ཆེ་རུ་བཏང་སྟེ་སློབ་སྦྱོང་སློབ་གསོ་གཏིང་ཟབ་དང་ཏན་ཏིག་ངང་སྤེལ་རྒྱུར་སྐུལ་འདེད་ཏན་ཏིག་གཏོང་དགོས་ཟེར།

ཚོགས་འདུའི་ཐོག་ནན་གྱིས་བསྟན་དོན། "སྤྱི་དོན་དུ་ཏང་འཛུགས་པ་དང་དམངས་ལ་བདེ་སྐྱིད་སྐྲུན་པ། ཚན་རིག་དང་མཐུན་པའི་ཇུས་ཐག་གཅོད་པ། དམ་པ་དོན་གཉེར"བཅས་ཀྱི་སྤྱིའི་བླང་བྱར་དམ་པོར་དམིགས་ནས་དེ་ཉིད་སློབ་སྦྱོང་སློབ་གསོའི་བརྒྱུད་རིམ་ཧྲིལ་པོའི་ཕྱོགས་གང་ཅིར་ཁྱབ་པར་བྱས་ཏེ། སློབ་བཤེར་བཅོས་གསུམ་གྱི་བྱ་བ་སོ་སོར་གཞི་གཅིག་ཏུ་སྐུལ་འདེད་གཏོང་དགོས། སྲིད་འབྲས་ཀྱི་ཁྲིད་ཕྱོགས་ཚད་ལྡན་དུ་གཏོང་བ་དང་། "དམངས་ལ་བདེ་སྐྱིད་སྐྲུན་པ"དེ་སྲིད་འབྲས་ལྟེ་བའི་ནང་དོན་དུ་བརྩིས་ནས་བརྟན་པོ་དང་ཡར་རྒྱས། འཛུགས་པ་དང་གཏོར་བ། རྫུན་མ་དང་དོན་དངོས། འཕྲལ་བཅོས་དང་རྩ་བཅོས་བཅས་བར་གྱི་འབྲེལ་བ་ཐག་གཅོད་ཡང་དག་པ་བྱས་ཏེ"ནུས་པ་དྲུག"ཟམ་མི་ཆད་པར་ཆེ་རུ་བཏང་ནས་འཕེལ་རྒྱས་ཀྱི་སྤུས་ཚད་དང་ཕན་འབྲས་སྤྱི་ཡོངས་ནས་མཐོ་རུ་འགྲོ་བར་སྐུལ་འདེད་གཏོང་དགོས། སློབ་སྦྱོང་དང་གྲོས་ཞིབ་གཏིང་ཟབ་བྱས་ཏེ། དཔེ་ཀློག་འཛིན་གྲྭ་དང་ཆེད་དོན་གྲོས་ཞིབ་སོགས་ཀྱི་བྱ་ཐབས་ཡག་པོ་སྤྱད་དེ་དཔེ་སྟོན་སྣེ་ཁྲིད་དང་ཉེན་ཟོན་སློབ་གསོར་ཤུགས་བསྣན་ནས་སྲིད་འབྲས་ལྟ་བ་ཡང་དག་འཛུགས་པ་དང་ལག་བསྟར་ཡག་པོ་བྱས་ཏེ་ན་གཞོན་ལས་བྱེད་པར་རང་རྟོགས་ངང་སྲིད་འབྲས་ལྟ་བ་ཡང་དག་པའི"སྒྲོག་གུ་དང་པོ"ཡག་པོ་སྒྲོག་ཏུ་འཇུག་དགོས། དངོས་སྒྲུབ་འགན་འཁུར་བྱེད་ཤུགས་ཆེ་རུ་གཏོང་བ་དང་། ཁུལ་ཨུའི་ལྟེ་བའི་བྱ་བ་དང་མིག་སྔའི་གཙོ་གནད་ལས་འགན་ལ་དམིགས་ཏེ། དངོས་དོན་གཉེར་བའི་བྱས་རྗེས་འཇོག་པ་དང་། བྱེད་ཐབས་དངོས་འདོན་པ། ཕན་འབྲས་དངོས་བརྩོན་ལེན་བཅས་བྱས་ཏེ། འཕེལ་རྒྱས་ལ་སྔར་ལས་སྤུས་ཚད་ལྡན་པ་དང་། སྔར་ལས་རྒྱུན་མཐུད་ཐུབ་པ། སྔར་ལས་གསོན་ཤུགས་ལྡན་པ་བཅས་བྱེད་དགོས། གནད་དོན་བཅོས་སྒྲིག་བྱེད་ཤུགས་ཆེ་རུ་གཏོང་བ་དང་ཕྱོགས་ཡོངས་ནས་གནད་དོན་རྩད་ཞིབ་བྱེད་པ། "དཔོན་གསར་བས་རྩིས་རྙིང་པར་ཁ་ཡ་མི་བྱེད་པ"དང"སྣང་བརྙན་བཟོ་སྐྲུན"གཉེར་བ། སྲིད་ཇུས"བག་ལེབ་སློག"སོགས་ཀྱི་གནད་དོན་མངོན་གསལ་ཅན་བཅོས་སྒྲིག་གཏིང་ཟབ་བྱེད་དགོས། སྒོ་འབྱེད་སློབ་གསོ་སྤེལ་བ་དང"གཞི་རིམ་དུ་སྐྱོད་པ་བཞི"ཡི་བྱ་བའི་ལམ་སྲོལ་ལག་བསྟར་གཏིང་ཟབ་བྱེད་པ། མང་ཚོགས་ཀྱི་ཤན་འབྱེད་ལམ་སྲོལ་འཐུས་ཚང་དུ་གཏོང་བ་བཅས་བྱས་ཏེ། མང་ཚོགས་ལ་སློབ་སྦྱོང་སློབ་གསོ་ལས་བྱུང་བའི་འགྱུར་ལྡོག་གསར་བ་དང་ཕན་འབྲས་གསར་བ་དངོས་སུ་ཚོར་དུ་འཇུག་དགོས། སྒྲིག་སྲོལ་དང་ལམ་ལུགས་འཛུགས་པར་དོ་སྣང་དང“སྐབས་ཐོག་བཅོས་སྒྲིག”དང“ཕུགས་ཕན་སྲོལ་འཛུགས”ཟུང་འབྲེལ་རྒྱུན་འཁྱོངས་བྱས་ཏེ། སྲིད་འབྲས་ལྟ་བའི་ནོར་འཛོལ་སྔོན་འགོག་ཡོ་བསྲང་དང་། རྒྱུན་རྣམ་ཅན་གྱི་སློབ་གསོ། ཁྱད་པར་ཅན་གྱི་དཔྱད་ཞིབ་སོགས་ཀྱི་ལམ་ལུགས་དང་ལམ་སྲོལ་འཐུས་ཚང་དུ་གཏོང་བ་དང་། སློབ་སྦྱོང་སློབ་གསོའི་གྲུབ་འབྲས་དེ་ཡུན་ཕན་ལམ་ལུགས་སུ་འགྱུར་བར་སྐུལ་འདེད་གཏོང་དགོས། སྤྱི་འདོམས་མཐུན་སྦྱོར་ངང་སྐུལ་འདེད་གཏོང་བ་དང་རིགས་དབྱེའི་མཛུབ་ཁྲིད་ལ་ཤུགས་བསྣན་ནས་བྱ་བའི་འགན་འཁྲི་ནན་དུ་གཏོང་བ་དང་ཇུས་འགོད་བཀོད་སྒྲིག་ཞིབ་ཚགས་བྱེད་པ། སྒྲིག་འཛུགས་ལག་བསྟར་ནན་ཏན་བྱས་ཏེ་དངོས་ཡོད་གནད་དོན་མངོན་གསལ་དོད་པོས་ཐག་གཅོད་བྱེད་པ་དང་སློབ་སྦྱོང་དྲིལ་སྒྲོག་ཁྲིད་སྟོན་ལ་དམ་འཛིན་ཏན་ཏིག་བྱས་ནས། གླེང་ཕྱོགས་ཀྱི་རྣམ་པ་བཟང་པོ་ཞིག་བཏོད་དེ་ཏན་ཏན་ཏིག་ཏིག་གི་སློབ་སྦྱོང་སློབ་གསོའི་གྲུབ་འབྲས་ལ་བརྟེན་ནས"མཚོ་བྱང་ལྔ"འཛུགས་སྐྲུན་ལ་རྨང་གཞི་བརྟན་པོ་འདིང་དགོས་ཟེར།

ཀྲའོ་ཧའེ་ཕིང་དང་། སངས་རྒྱས། ཀྲང་ཐའོ། ལའེ་མིན། ཚོ་ཅི་ཆང་། ཝང་ཞིང་ཧོས། ཅིན་ཀྲན་ཞུས་བཅས་ཚོགས་འདུར་ཞུགས།