ཀྲུང་གོ་ཚན་རིག་གླིང་ཧྲིན་དབྱང་ཡན་ལག་ཁང་གིས་མཚོ་སྔོན་མདེལ་གཉིས་སྐར་གཅིག་ལས་བྱེད་སློབ་གླིང་དུ་ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་ལག་བསྟར་ཀྱི་གསོ་སྦྱོང་འཛིན་གྲྭ་སྤེལ།

རྩོམ་སྒྲིག   སངས་དོན།  ཡོངས་ཁུངས།  གངས་ལྗོངས་འཕྲིན་གསར།   བཤེར་འབེབས།   རིན་ཆེན་ཚེ་རིང་། 

ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ“མདེལ་གཉིས་སྐར་གཅིག”གི་སྙིང་སྟོབས་རྒྱུན་འཛིན་བྱ་ཆེད། ཉེ་ཆར། ཀྲུང་གོ་ཚན་རིག་གླིང་ཧྲིན་དབྱང་ཡན་ལག་ཁང་མཚོ་སྔོན་མདེལ་གཉིས་སྐར་གཅིག་ལས་བྱེད་སློབ་གླིང་དུ་ཡོང་སྟེ་ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་དང་ལག་བསྟར་བྱེད་པའི་གསོ་སྦྱོང་འཛིན་གྲྭ་སྤེལ་བ་དང་། ཧྲིན་དབྱང་ཡན་ལག་ཁང་གི་སུའོ་རིམ་པ་གཞོན་པའི་མགོ་ཁྲིད་ལས་བྱེད་པ་དང་ཏང་ཨུའི་ཨུ་ཡོན་གསོ་སྦྱོང་ནང་ཞུགས་ལ། ཧྲིན་དབྱང་ཡན་ལག་ཁང་ཡན་ལག་ཏང་ཙུའུ་ཡི་ཧྲུའུ་ཅི་གཞོན་པ་མའོ་ཀྲི་ཡོན་གསོ་སྦྱོང་ལ་ཞུགས་ཏེ་འཛིན་གྲྭ་ཚོགས་མགོ་བརྩམས་པའི་མཛད་སྒོ་དང་མཇུག་སྒྲིལ་མཛད་སྒོའི་ཐོག་བླང་བྱ་ཞིབ་ཕྲ་བཏོན། 

ཐེངས་འདིའི་གསོ་སྦྱོང་འཛིན་གྲྭ་ལེགས་པོར་གཉེར་ཆེད།  མཚོ་སྔོན་མདེལ་གཉིས་སྐར་གཅིག་ལས་བྱེད་སློབ་གླིང་གིས་གཙོ་སྒྲུབ་བྱེད་མཁན་དང་ཞིབ་འཇུག་ཐེངས་མང་བྱས་པའི་རྨང་གཞིའི་ཐོག་གྲ་སྒྲིག་ཞིབ་ཚགས་བྱས་ཤིང་། གསོ་སྦྱོང་གི་ནང་དོན་ལ་དམིགས་ནས་སློབ་ཚན་དང་དགེ་རྒན་བཀོད་སྒྲིག་སོགས་ཀྱི་ཐད་ཇུས་འགོད་ཞིབ་ཚགས་བྱས་ལ། མཐོ་སྒང་གི་འཚོ་བར་དམིགས་ནས་བཟའ་བཏུང་བཀོད་སྒྲིག་དང་སྨན་བཅོས་འགན་ལེན་སོགས་ཀྱི་ཐད་བཀོད་སྒྲིག་ཞིབ་ཚགས་བྱས། དུས་ཡུན་གཟའ་འཁོར་གཅིག་རིང་གི་གསོ་སྦྱོང་ཁྲོད། མཚོ་སྔོན་མདེལ་གཉིས་སྐར་གཅིག་ལས་བྱེད་སློབ་གླིང་གིས་སློབ་ཁྲིད་བཀོད་སྒྲིག་ལག་བསྟར་ནན་མོ་བྱས་ནས་ཞབས་ཞུ་འགན་ལེན་ཞིབ་ཚགས་བྱས་པ་དང་།    སློབ་མ་ཁག་ཅིག་ལ་ས་མཐོ་བྱུང་བ་སོགས་ཀྱི་གནད་དོན་དུས་ཐོག་ཏུ་ཐག་གཅོད་ནུས་ལྡན་བྱས་པར་སློབ་མས་ཚད་མཐོའི་གདེང་འཇོག་བྱས་པར་མ་ཟད་སློབ་ཁྲིད་ཀྱི་ཕན་འབྲས་ཀྱང་མི་དམན་པ་ཞིག་ཐོན་ཡོད་པ་རེད།    

གསོ་སྦྱོང་ཁྲོད། མཚོ་སྔོན་མདེལ་གཉིས་སྐར་གཅིག་ལས་བྱེད་སློབ་གླིང་གིས་ཆུ་ཚད་མཐོ་བའི་ཆེད་མཁས་པས་རིགས་པའི་གཞུང་ལུགས་ཁྲིད་པ་དང་།  221རྟེན་གཞིའི་གནའ་ཤུལ་དུ་སྐྱོད་དེ་ཉམས་ལེན་བྱེད་པ། བརྗོད་དོན་མངོན་གསལ་དོད་པོ་བྱས་ནས་བསམ་བློ་གླེང་བ། གནས་ཚུལ་དང་ཟུང་འབྲེལ་གྱིས་བསམ་ཚུལ་སྒྲོག་འགྲེལ་བྱེད་པ་སོགས་ཀྱི་སློབ་ཁྲིད་བྱེད་སྟངས་བརྒྱུད་དེ་ཏང་གི་ཚོགས་ཆེན་ཉི་ཤུ་པའི་དགོངས་དོན་ཀློག་འགྲེལ་གཏིང་ཟབ་བྱས་ཏེ“མདེལ་གཉིས”ཞིབ་བཟོ་ལོ་རྒྱུས་དང“མདེལ་གཉིས་སྐར་གཅིག”གི་སྙིང་སྟོབས་ཕྱོགས་ཡོངས་ནས་ངོ་སྤྲོད་བྱས་ཏེ་སློབ་ཁྲིད་ལ་བརྟེན་ནས་གསོ་སྦྱོང་ལ་གྲུབ་འབྲས་མི་དམན་པ་ཐོབ་པར་བྱས།

གསོ་སྦྱོང་མཇུག་སྒྲིལ་རྗེས། སློབ་མ་ཚོས་ཐེངས་འདིའི་གསོ་སྦྱོང་ཁྲོད་གྲུབ་འབྲས་མི་དམན་པ་ཐོབ་ཡོད་ལ་རྒྱལ་ཁབ་ཀྱི་འཐབ་ཇུས་ཚན་རྩལ་སྟོབས་ཤུགས་ཀྱི་གཙོ་ཤུགས་དམག་གི་འགན་འཁྲི་ཁུར་སེམས་དང་ལས་འགན་སྒྲུབ་སེམས་སྔར་ལས་ཆེ་རུ་ཕྱིན་ཡོད་ཅེས་གཅིག་རྗེས་གཉིས་མཐུད་དུ་བཤད་པ་དང་།  ཁོ་ཚོས་ཏང་གི་ཚོགས་ཆེན་ཉི་ཤུ་པའི་དགོངས་དོན་མཛུབ་ཁྲིད་དང་བརྩི་སྲུང་བྱས་ནས་རྒྱལ་ཁབ་ཀྱི་དགོས་མཁོར་དམིགས་པ་དང་། རྨང་གཞིའི་ཞིབ་འཇུག་ལ་ཤུགས་སྣོན་པ། འཐབ་རྩོད་ཀྱི་བློ་སྟོབས་བརྟན་དུ་གཏོང་བ། གཙོ་གནད་ཚོད་ལྟ་ཁང་གི་མ་ལག་བསྐྱར་སྒྲིག་ལ་སྐུལ་འདེད་གཏོང་བ། འགག་རྩའི་ལྟེ་བའི་ལག་རྩལ་འགག་སྒྲོལ་ལ་ཤུགས་སྣོན་པ་བཅས་བྱས་ནས“མདེལ་གཉིས་སྐར་གཅིག”གི་སྙིང་སྟོབས་རྒྱུན་འཛིན་དང་ཚན་རིག་པའི་སྙིང་སྟོབས་དར་སྤེལ་རྒྱུན་འཛིན་བྱེད་པ་དང་། སློབ་སྦྱོང་གི་གྲུབ་འབྲས་དེ་བཅོས་སྒྱུར་གོང་སྤེལ་དང་ཚན་རྩལ་གསར་གཏོད་ཀྱི་བྱ་བའི་བྱེད་ཐབས་སུ་བསྒྱུར་ཏེ། ཆུ་ཚད་མཐོ་བའི་ཚན་རྩལ་གྱི་རང་སྟོབས་རང་སྤེལ་ཡོང་བར་སྔར་ལས་ཆེ་བའི་བྱས་རྗེས་གསར་བ་འཇོག་རྒྱུ་ཡིན་པར་བཤད།

ཐེངས་འདིའི་གསོ་སྦྱོང་འཛིན་གྲྭ་ནི་མཚོ་སྔོན་མདེལ་གཉིས་སྐར་གཅིག་ལས་བྱེད་སློབ་གླིང་གིས2023ལོར་འགན་སྒྲུབ་གནང་བའི་ཞིང་ཆེན་ཕྱིའི་མཐོ་རིམ་ཤེས་ལྡན་མི་སྣའི་གསོ་སྦྱོང་འཛིན་གྲྭ་ཐོག་མ་དེ་ཡིན་ཞིང་། ཐེངས་འདིའི་གསོ་སྦྱོང་བརྒྱུད་དཔུང་ཁག་ལ་སྔར་ལས་སྦྱོང་བརྡར་ཐེབས་པ་དང་ཞན་ཆ་འཚོལ་ཞིབ་ཐུབ་ནས་ད་ལོར་མཐོ་རིམ་ཤེས་ལྡན་མི་སྣའི་གསོ་སྦྱོང་འཛིན་གྲྭ་དེ་བས་མང་བ་གཉེར་བར་ཉམས་མྱོང་གསོག་འཇོག་དང་ཐབས་ལམ་འཚོལ་ཞིབ་ཐུབ་ཡོད།