ཁུལ་ཨུའི་རྒྱུན་ཨུའམ་མདའ་བཞི་རྫོང་ཨུའི་ཧྲུའུ་ཅི་སངས་འབུམ་འཁོར་དང་བཅས་པས་རྡུལ་ཕྲན་གྲོང་གི་གཞོན་ནུ་ལོ་ཆུང་གི་གསར་བརྗེའི་ཞིབ་འཇུག་སློབ་སྦྱོང་སྒར་གཞི་དང་རྫོང་ཨུའི་ཏང་གི་སློབ་གྲྭར་རྟོག་ཞིབ་གནང་།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མདའ་བཞི་རྫོང་མི་རིགས་སྐད་ཡིག་ལས་དོན་ལྟེ་གནས། བཤེར་འབེབས། རིན་ཆེན་ཚེ་རིང་།

ཁུལ་ཨུ་དང་ཁུལ་སྲིད་གཞུང་གི་མགོ་ཁྲིད་གཙོ་བོས་མདའ་བཞི་རུ་བཞུགས་མོལ་གནང་སྐབས“གསར་བརྗེའི་མཐོ་ས་གཏོད་པའི”སྐོར་གྱི་མཛུབ་སྟོན་བླང་བྱ་ལག་བསྟར་དོན་འཁྱོལ་བྱས་ནས་རྡུལ་ཕྲན་གྲོང་གི་གཞོན་ནུ་ལོ་ཆུང་གི་གསར་བརྗེའི་ཞིབ་འཇུག་དང་སློབ་སྦྱོང་སྒར་གཞི་ལེགས་སྐྲུན་དང་རྫོང་ཨུའི་ཏང་གི་སློབ་གྲྭའི་དུས་ཐེངས་གཉིས་པའི་འཛུགས་སྐྲུན་ལས་དོན་མགྱོགས་མྱུར་ངང་སྐུལ་འདེད་གཏོང་ཆེད། 

ཟླ5བའི་ཚེས9ཉིན་ཁུལ་ཨུའི་རྒྱུན་ཨུ་དང་རྫོང་ཨུའི་ཧྲུའུ་ཅི་སངས་འབུམ་བཅས་པས་སྒར་གཞིའི་འབྲེལ་ཡོད་ས་ཚིགས་དང་རྫོང་ཨུའི་ཏང་གི་སློབ་གྲྭ་བཅས་སུ་བརྟག་ཞིབ་གནང་ཞིང་། ཁོང་གིས་ཁུལ་ཨུ་དང་ཁུལ་སྲིད་གཞུང་གི་ཐབས་ཇུས་བཀོད་སྒྲིག་ལག་བསྟར་དོན་འཁྱོལ་བྱས་ནས་འགན་འཁྲི་ཏན་ཏིག་དང་ཇུས་གཞི་ལེགས་སྒྲིག ལས་ཡུན་མགྱོགས་སུ་གཏོང་བ་བཅས་བྱས་ཏེ་གློག་གཏོང་གོང་གི་གྲ་སྒྲིག་ལས་དོན་ཁག་ནུས་ཤུགས་གང་ཡོད་སྒོས་མཚོ་བྱང་གི་གསར་བརྗེའི་ཞིབ་འཇུག་སློབ་སྦྱོང་གི་ལེའུ་གསར་བ་རྩོམ་པའི་ཐད་ལ་སྟོབས་ཤུགས་ཡོད་རྒུ་བཏོན། 

སངས་འབུམ་འཁོར་དང་བཅས་པ་ལས་གཞི་ཁག་གི་ས་གནས་སོ་སོར་བསྐྱོད་དེ་འཛུགས་སྐྲུན་གྱི་ནང་དོན་དང་འཛུགས་སྐྲུན་འཕེལ་རིམ་གྱི་སྙན་ཞུ་ནན་ཏན་ངང་གསན་པ་དང་སློབ་མའི་ལས་ཤག་དང་སློབ་མའི་ཟ་ཁང་། སྒར་གཞི་བཅས་ཀྱི་ཕྱོགས་བསྡུས་ལག་ལེན་ལྟེ་གནས་སུ་ཁྱོན་ཡོངས་ཀྱི་བཀོད་སྒྲིག་བྱེད་ཚུལ་དང་མཛེས་བཟོ་ཞིབ་ཚགས། ནུས་པ་ཇུས་འགོད་བཅས་ལ་ཞིབ་ཕྲའི་ངང་གཟིགས་པ་དང་བཀོད་སྒྲིག་བྱེད་སྟངས་ལེགས་སུ་གཏོང་བ། ནུས་པ་ཕུན་སུམ་ཇེ་ཚོགས་སུ་གཏོང་བ། མ་དངུལ་གཏོང་བ། འཁོར་སྐྱོད་གྲ་སྒྲིག་སོགས་ཀྱི་འགག་རྩའི་གནད་དོན་ལ་དམིགས་ཏེ་ལས་ཡུལ་དངོས་སུ་སོང་ནས་གཞུང་དོན་བསྒྲུབས།

སངས་འབུམ་གྱིས་རྡུལ་ཕྲན་གྲོང་གི་གཞོན་ནུ་ལོ་ཆུང་གི་གསར་བརྗེའི་ཞིབ་འཇུག་དང་སློབ་སྦྱོང་སྒར་ས་དང་། རྫོང་ཨུ་ཏང་གི་སློབ་གྲྭའི་དུས་ཐེངས་གཉིས་པའི་འཛུགས་སྐྲུན་ནི་རྒྱལ་ཁབ་ཀྱི་གོ་སྐབས་དམ་འཛིན་དང་། ཞིང་ཆེན་དང་ཁུལ་གྱི་འཐབ་ཇུས་དང་འདྲེས་པ། རང་རེའི་རྫོང་གི“གྲོང་ཁྱེར་གཅིག་གི་ལས་རིགས་ལྔ། ས་ཁོངས་ཧྲིལ་པོའི་སྐྱེ་ཁམས”བཅས་ཀྱི་སྤྱིའི་རྣམ་པ་གཏོད་པའི་འདེགས་སྐྱོར་གལ་ཆེན་ཞིག་ཡིན། ཟླ5ཚེས6ཉིན་ཤ་བོ་སྐྱབས་དང་ཁུལ་དཔོན་ཀྲང་ཧྲིང་ཡོན་གྱིས་མདའ་བཞི་བཞུགས་མོལ་གནང་སྐབས་རང་རེའི་རྫོང་གི་འབྲེལ་ཡོད་ལས་དོན་སྔར་བས་བཀོད་སྒྲིག་བྱས་པ་དང་། མིག་སྔར་ཞིབ་འཇུག་སློབ་སྦྱོང་བྱ་ཡུལ་གྱི་ཕྱོགས་བསྡུས་ལག་ལེན་ལྟེ་གནས་ཀྱི་འཆར་འགོད་འཛུགས་སྐྲུན་གྱི་འགག་རྩའི་དུས་སུ་སླེབས་ཡོད། རྫོང་ཡོངས་ཀྱི་གོང་འོག་ཚང་མས་ཁུལ་ཨུ་དང་ཁུལ་སྲིད་གཞུང་གི་མཛུབ་སྟོན་ལག་བསྟར་བྱས་ཏེ་རྫོང་ཨུ་དང་རྫོང་སྲིད་གཞུང་གི་ཐབས་ཇུས་བཀོད་སྒྲིག་དོན་འཁྱོལ་བྱས་ནས་ལས་གཞི་དོན་འཁྱོལ་ལ་སྐུལ་འདེད་བཏང་།

བསམ་འབུམ་གྱིས་སློབ་མའི་ལས་ཤག་དང་སློབ་མའི་ཟ་ཁང་སྒྱུར་བཀོད། རྫོང་ཨུ་ཏང་གི་སློབ་གྲྭའི་དུས་ཐེངས་གཉིས་པའི་རྣམ་གྲངས་འཛུགས་སྐྲུན་བཅས་ཀྱི་ཐད་ལས་ཡུན་སྔར་བས་ནན་མོ་བྱས་ནས་ཆ་ཤས་ཀྱི་ཨར་ལས་དང་ཁྱོན་ཡོངས་ཀྱི་སྐུལ་འདེད་དབར་གྱི་འབྲེལ་བ་ཡག་པོ་བྱས་ཏེ། ཨར་ལས་བདེ་འཇགས་འགན་ལེན་བྱེད་པའི་རྨང་གཞིའི་ཐོག་ཕྱོགས་ཁག་གི་ཐོན་ཁུངས་སྤྱི་འདོམས་དང་མི་སྣའི་སྟོབས་ཤུགས་ལ་ཤུགས་སྣོན་བརྒྱབ་སྟེ་གཏན་འཁེལ་བྱས་པའི་དུས་ཚིགས་ལྟར་འཛུགས་སྐྲུན་ལས་འགན་ལེགས་སྒྲུབ་བྱེད་དགོས་པ་ནན་བཤད་བྱས། འཁོར་སྐྱོད་མ་བྱས་གོང་གི་གྲ་སྒྲིག་ཡག་པོ་བྱས་ནས་མིག་སྔའི་དགོས་མཁོ་དང་ཞབས་ཞུའི་འབྲེལ་བ་ལེགས་འཛིན་བྱས་ཏེ།  སློབ་ཚན་ཇུས་འགོད་དང་ཟས་རིགས་བཀོད་སྒྲིག་ལ་དམིགས་ནས་ཞན་ཆ་ཁག་གཅིག་ཁ་གསབ་བྱས་ནས་རྫོང་དུ་ཞིབ་འཇུག་སློབ་སྦྱོང་བྱེད་རིང་སློབ་མ་ཚོའི་ལུས་སེམས་སྤྲོ་སྣང་དང་སྦྱངས་འབྲས་ཐོན་པའི་འགན་ལེན་བྱེད་དགོས་པའི་བླང་བྱ་བཏོན། སྒར་གཞི་ཕྱོགས་བསྡུས་ལག་ལེན་ལྟེ་གནས་འཛུགས་སྐྲུན་ཐད་ཇུས་འགོད་སྔར་བས་ཇེ་ལེགས་སུ་གཏོང་བ་དང་། གཙོ་གཟུགས་ཨར་སྐྲུན་དང་སྤྱི་ཡོངས་བཀོད་སྒྲིག་དབར་གྱི་འབྲེལ་བ་སྟངས་འཛིན་ཡག་པོ་བྱས་ཏེ་ལག་ལེན་ལྟེ་གནས་ཀྱི་གནས་ཡུལ་དངོས་དང་ཚོགས་ར་ཁྱབ་ཚུལ། སྤྱི་ཡོངས་ཀྱི་རྣམ་པ་བཅས་མགྱོགས་མྱུར་ངང་ལེགས་སྒྲིག་དང་འཐུས་ཚང་དུ་གཏོང་བའི་ཇུས་གཞིར་དམིགས་ཏེ་སྔ་མོ་ནས་ལས་མགོ་འཛུགས་རྒྱུར་བརྩོན་ལེན་བྱེད་དགོས། 

བརྟག་ཞིབ་བྱེད་རིང་སངས་འབུམ་དང་བཅས་པས་ཁུལ་སྲིད་གཞུང་གི་མགོ་ཁྲིད་གཙོ་བོ་མདའ་བཞི་རུ་བཞུགས་མོལ་གནང་སྐབས“གྲོང་ཁྱེར་དང་གྲོང་རྡལ་གྱི་སྤུས་ཚད་ལེགས་སུ་བཏང་ནས་མཚོ་བྱང་ཁུལ་གྱི་སྲིད་དབང་བཙུགས་ནས་ལོ70འཁོར་བར་རྟེན་འབྲེལ་ཞུ་བའི་བྱེད་སྒོར་ཁོར་ཡུག་བཟང་པོ་གཏོད་དགོས”ཞེས་པའི་མཛུབ་སྟོན་གྱི་བླང་བྱ་ལྟར་མཁར་ཟུར་གསུམ་གྲོང་ཁྱེར་གྱི་ཁྲོམ་གཞུང་དུ་བསྐྱོད་ནས་འབྲེལ་ཡོད་གནས་ཚུལ་ལ་ལྟ་ཞིབ་བྱས་ཏེ་ཁྲོམ་གཞུང་གཙོ་བོའི་གྱང་གི་རྣམ་པ་སྒྱུར་བཀོད་དང་གྲོང་ཁུལ་གྱི་མཛེས་སྤྲོས་ལྗང་འགྱུར་སོགས་གཙོ་གནད་ལས་དོན་བཀོད་སྒྲིག་ཞིབ་ཕྲ་བྱས་ཡོད།