མཚོ་བྱང་ཁུལ་གྱིས་ཁུལ་ཡོངས་ཀྱི་དབུལ་ཐར་འགག་སྒྲོལ་དང་གྲོང་གསེབ་དར་སྤེལ་ཐད་ཀྱི་གནད་དོན་སྒྲིག་བཅོས་ཀྱི་སྐུལ་སློང་བཀོད་སྒྲིག་གྲོས་ཚོགས་འཚོགས་ཤིང་། ཤ་བོ་སྐྱབས་དང་ཀྲང་ཧྲིང་ཡོན་ཚོགས་འདུར་ཞུགས།

རྩོམ་སྒྲིག དམ་ཆོས་བསམ་འགྲུབ།  ཡོང་ཁུངས། གངས་ལྗོངས་འཕྲིན་གསར། བཤེར་འབེབས། རིན་ཆེན་ཚེ་རིང་། 

ཟླ5པའི་ཚེས22ཉིན། མཚོ་བྱང་ཁུལ་གྱིས་ཁུལ་ཨུའི་རོང་འབྲོག་ས་ཁུལ་གྱི་ལས་དོན་མགོ་ཁྲིད་ཚན་ཆུང་གི（ཁུལ་གྲོང་གསེབ་དར་སྤེལ་མགོ་ཁྲིད་ཚན་ཆུང）2023ལོའི་ལོ་འཁོར་མོའི་ཚོགས་འདུ་ཐེངས་དང་པོ་དང་ཁུལ་ཡོངས་ཀྱི་དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་སྐྱེད་བཏང་ནས་གྲོང་གསེབ་དར་སྤེལ་དང་ལེགས་པོར་་སྦྲེལ་བའི་ཐད་ཀྱི་གནད་དོན་སྒྲིག་བཅོས་བྱེད་པའི་སྐུལ་སློང་བཀོད་སྒྲིག་གྲོས་ཚོགས་འཚོགས་ལ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི“ཞིང་གསུམ”ལས་དོན་དང་འབྲེལ་བའི་སྐོར་གྱི་རྣམ་བཤད་གལ་ཆེན་དང་དེ་བཞིན་ཀྲུང་དབྱང་དང་ཞིང་ཆེན་གྱི་འབྲེལ་ཡོད་ཚོགས་འདུའི་དགོངས་དོན་བརྒྱུད་སྒྲོག་སློབ་སྦྱོང་བྱས་ཤིང་། རང་ཁུལ་གྱི་གནད་དོན་སྒྲིག་བཅོས་ཀྱི་ཇུས་གཞིར་ཞིབ་འཇུག་དང་ཁུལ་ཡོངས་ཀྱིས་ནུས་ལྡན་ངང་སྦྲེལ་བའི་གནས་ཚུལ་ཁྱབ་བརྡ་བཏང་བ་དང་གནས་པའི་གནད་དོན་ལ་དབྱེ་ཞིབ་བྱས་ནས་གོམ་སྟབས་རྗེས་མའི་ལས་དོན་ལ་བཀོད་སྒྲིག་བྱས། ཤ་བོ་སྐྱབས་དང་ཀྲང་ཧྲིང་ཡོན་རྣམ་གཉིས་ཚོགས་འདུར་ཞུགས་ཤིང་གསུང་བཤད་གནང་ལ། པད་རྒྱལ་བཀྲ་ཤིས་ཚོགས་འདུར་ཞུགས་པ་དང་ཨ་ཁྱུང་གིས་གཙོ་སྐྱོང་གནང་།

ཤ་བོ་སྐྱབས་ཀྱིས་ནན་གྱིས་བསྟན་དོན། ཆབ་སྲིད་ཀྱི་ཚིགས་གནས་མཐོ་རུ་བཏང་སྟེ་གནད་དོན་སྒྲིག་བཅོས་ལ་དམ་འཛིན་བྱེད་པའི་འགན་འཁྲི་འཁུར་སེམས་དང་ལས་འགན་སྒྲུབ་སེམས་ཆེ་རུ་ཏན་ཏིག་བཏང་ནས་གཙོ་གནད་ལ་དམིགས་པ་དང་མདོ་གནད་ལ་དམིགས་པ། གལ་གནད་ལ་ཐད་རྡེག་བཅས་བྱས་ཏེ་ཆོད་སེམས་དེ་བས་བརྟན་པ་དང་ཚད་གཞི་དེ་བས་མཐོ་བ། ནུས་ཤུགས་དེ་བས་ཆེ་བ། བྱ་ཐབས་དེ་བས་ཏན་ཏིག་བཅས་ཀྱི་ཐོག་ནས་ནུས་ལྡན་ངང་སྦྲེལ་བའི་དཔྱད་དཔོག་དང་ཚོད་སྐོར། ལྡོག་ལན་བཅས་ཀྱི་གནད་དོན་ཁྱོན་ཡོངས་ནས་སྒྲིག་བཅོས་དང་མཐའ་གཙང་དུ་འགྱུར་རྒྱུར་སྐུལ་འདེད་གཏོང་དགོས་ཤིང་། མཇུག་འབྲས་ཀྱི་ཁྲིད་ཕྱོགས་རྒྱུན་འཁྱོངས་ཀྱིས་ཐུན་མོང་རང་བཞིན་དང་བྱེ་བྲག་རང་བཞིན་གྱི་གནད་དོན་མཉམ་དུ་སྒྲིག་བཅོས་བྱས་ཏེ་ཁྱད་ལྡན་ཐོན་ལས་སྐྱེད་སྲིང་མི་འདང་བ་དང་ཕྱུག་འགྱུར་རྩལ་ནུས་མི་འདང་བ། དབུལ་ཐར་མང་ཚོགས་ཁག་ཅིག་གི་ཡོང་འབབ་མར་ཆག་པ་དང་སྤྱི་ཚོགས་ཀྱི་འགལ་ཟླ་དང་རྩོད་གཞི་ཐོན་སླ་བ། ནུ་རིན་མཐོན་པོ་ལེན་པ་སོགས་ཀྱི་གནད་དོན་མངོན་གསལ་དོད་པོས་ཐག་གཅོད་བྱས་ནས“དཔེ་དེབ་གཅིག་དང་རེའུ་མིག་གཅིག དམ་བཅའ་གཅིག་གི”བླང་བྱར་དམིགས་ཏེ་གནད་དོན་གྱི་ངོ་བོ་དང་དུས་ཚོད་ཀྱི་ངེས་གཏན་གནད་ལ་འཁེལ་བར་བྱེད་པ་དང་། གཙོ་གནད་དང་དཀའ་གནད་ལ་རྒྱུས་ཡོད་པ་བཅས་བྱས་ནས་སྒྲིག་བཅོས་ཀྱི་དུས་བཀག་ཁ་གསལ་དང་འགན་འཁྲི་ཏན་ཏིག་ངང་འགན་ལེན་བྱས་ཏེ། གནད་དོན་དག་སྒྲིག་བཅོས་དེ་ཟླ་བརྒྱད་པའི་ཟླ་སྟོད་ཀྱི་སྔོན་དུ་ཁྱོན་ཡོངས་ནས་གནད་དོན་ཐག་གཅོད་བྱ་དགོས། ལས་ཀའི་སྤྱོད་ཚུལ་ལ་འགྱུར་ལྡོག་བཏང་སྟེ་རིམ་པ་སོ་སོའི་ཏང་ཨུ་དང་སྲིད་གཞུང་། ལས་རིགས་སོ་སོའི་སྡེ་ཁག་བཅས་ཀྱིས་གནད་དོན་སྒྲིག་བཅོས་ཀྱི་བྱེད་པོའི་འགན་འཁྲི་ཏན་ཏིག་འཁུར་དགོས་པ་དང་། སྒྲིག་བཅོས་ཀྱི་བླང་བྱ་ནན་ཏན་གྱིས་གཞིར་བཟུང་ནས་སྒྲིག་བཅོས་ཀྱི་ལས་འགན་ཏན་ཏིག་སྒྲུབ་པ་བཅས་བྱས་ཏེ་སྒྲིག་བཅོས་ཁྱོན་ཡོངས་ལ་ཁྱབ་པ་དང་། རྨོངས་ཁུལ་དང་ཁུག་ཀྱོག་མེད་པ་བཅས་འགན་ལེན་བྱས་ཏེ་རིམ་པ་བཞིན་བརྒྱུད་སྒྲོག་བྱས་རྗེས་ཀྱི་ལས་དོན་སྤེལ་ཤུགས་ཆུང་དུ་འགྲོ་བའི་སྣང་ཚུལ་གཏན་ནས་མི་ཐོན་པ་བྱེད་དགོས། “1+10”གཞི་རིམ་ལ་འབྲེལ་གཏུག་བྱས་ནས་མང་ཚོགས་ལ་ཞབས་འདེགས་ཞུ་བའི་ལས་དོན་རྐྱེན་སྲོལ་དང་ཁུལ་རིམ་པའི་མགོ་ཁྲིད་ལས་བྱེད་པས་ཡུལ་ཚོ་དང་གྲོང་རྡལ་ལ་འབྲེལ་འགན་འཁུར་བ་དང་། རྫོང་རིམ་པའི་མགོ་ཁྲིད་ཀྱིས་སྡེ་བར་འབྲེལ་འགན་འཁུར་པའི་ལས་དོན་རྐྱེན་སྲོལ་དོན་འཁྱོལ་ཡག་པོ་བྱས་ནས་ལྟ་སྐུལ་ཞིབ་བཤེར་དང་བཀོད་གཏོང་གཅིག་གྱུར་བྱས་ཏེ་ལས་འགན་དང་ལག་བསྟར། ཕན་འབྲས་བཅས་ལ་གཙོ་གནད་ཐོག་ལྟ་སྐུལ་བྱས་ནས་སྒྲིག་བཅོས་ཀྱི་གྲུབ་འབྲས་ལ་ལོ་རྒྱུས་དང་ལག་ལེན། མི་དམངས་བཅས་ཀྱི་ཞིབ་བཤེར་ཐེག་ཐུབ་པ་བྱེད་དགོས་ཚུལ་བཤད།

ཀྲང་ཧྲིང་ཡོན་གྱིས་གསུང་བཤད་གནང་སྐབས་སྒྲིག་བཅོས་ཀྱི་ལས་འགན་སོ་སོར་དམ་པོར་དམིགས་ཏེ་ལག་ལེན་དངོས་ཀྱི་ཐོག་ནས་དབུལ་ལོག་གི་གནས་ཚུལ་ལ་རྟོག་འཇལ་དང་རོགས་སྐྱོར་བྱེད་པ། དབུལ་ཐར་མང་ཚོགས་ཀྱི་ཡོང་འབབ་བརྟན་པོ་ཡོང་རྒྱུར་སྐུལ་འདེད་གཏོང་བ། དབུལ་ཐར་ངལ་རྩོལ་ནུས་ཤུགས་ལས་ཞུགས་ལ་སྐུལ་འདེད་གཏོང་བ། ནོར་སྲིད་ཀྱི་འབྲེལ་མཐུད་མ་དངུལ་ལས་གཞི་འཛུགས་སྐྲུན། རོང་འབྲོག་ཁུལ་གྱི་གསང་སྤྱོད་གསར་བརྗེ་འཛུགས་སྐྲུན། ཤེས་རྟོགས་བྱུང་བའི་དབུལ་སྐྱོར་གྱི་གནད་དོན་སྣ་ཚོགས་སྒྲིག་བཅོས། གཞི་གྲངས་ཕབ་འཇུག་དང་ཡིག་ཚགས་དཔྱད་ཡིག་ལེགས་སྒྲིག་སོགས་ཕྱོགས་བདུན་གྱི་ཐད་ཤུགས་རྒྱག་དགོས་པ་དང་། བྱ་ཐབས་ལ་རྒྱུན་མཐུད་ངང་ཤུགས་བསྣན་ཏེ“སེམས་ཁྲལ་མེད་པ་གཉིས་དང་འགན་ལེན་གསུམ”། འཐུང་ཆུའི་བདེ་འཇགས་འགན་ལེན་ཆུ་ཚད་ཕྱོགས་ཡོངས་ནས་མཐོ་རུ་བཏང་ནས་དབུལ་ཐར་འགག་སྒྲོལ་གྱི་གྲུབ་འབྲས་དང་གྲོང་གསེབ་དར་སྤེལ་གྱི་ལས་དོན་སོ་སོ་འབྲེལ་མཐུད་དམ་ཟབ་བྱ་དགོས་པའི་བླང་བྱ་བཏོན།

ཚོགས་འདུ་བརྙན་ལམ་རྣམ་པའི་ཐོག་ནས་འཚོགས་པ་དང་། ནུབ་མཚོ་གྲོང་རྡལ་གྱི་ཁུལ་རིམ་པའི་མགོ་ཁྲིད་སོ་སོ་དང་། ཁུལ་ཨུའི་རོང་འབྲོག་ཁུལ་ལས་དོན་མགོ་ཁྲིད་ཚན་ཆུང་གི་ཁོངས་མིའི་སྡེ་ཁག་སོ་སོའི་འགན་འཁུར་བློ་མཐུན་ཚོགས་འདུར་ཞུགས་ཡོད།