ཞོགས་པའི་ཇ་ཡུན་གསར་འགྱུར།

སྒྲིག་སྒྱུར། སངས་རྒྱས་སྐྱིད། ཡོང་ཁུངས། མི་དམངས་ཉིན་རེའི་ཚགས་པར་འཕྲིན་སྟེགས། བཤེར་འབེབས། རིན་ཆེན་ཚེ་རིང་། 

གསར་འགྱུར་གལ་ཆེན།

• ཟླ5ཚེས25ཉིན་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས2023ལོའི་ཀྲུང་ཀོན་སྡེ་བའི（中关村）གླེང་སྟེགས་ལ་རྟེན་འབྲེལ་འཕྲིན་ཡིག་སྤྲིངས།

• ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས་ཉེ་ཆར《རྒྱལ་ཁབ་ཀྱི་ཆུ་དྲ་འཛུགས་སྐྲུན་གྱི་འཆར་འགོད་གནད་བསྡུས》དཔར་འགྲེམ་བྱས།

• ཆེས་མཐོའི་མི་དམངས་ཁྲིམས་ཁང་དང་ཆེས་མཐོའི་མི་དམངས་ཞིབ་དཔྱོད་ཁང་གིས་ཚེས25ཉིན་ཁྲིམས་འཛིན་འགྲེལ་བཤད་ཁྱབ་བསྒྲགས་བྱས་པ་སྟེ། བཙན་གཡེམ་དང་འཆལ་སྤྱོད་སོགས་ནར་མ་སོན་པའི་མི་ལ་གནོད་འཚེ་གཏོང་བའི་ཉེས་གསོག་ལ་ཆད་པ་ནན་མོ་གཅོད་རྒྱུ་ཁ་གསལ་བཏོན།

• ནོར་སྲིད་པུ་དང་རྒྱལ་ཁབ་གློག་བརྙན་ཅུ་ཡིས་སྤྱི་བསྒྲགས་སྤེལ་བ་སྟེ། ཟླ5པ་ནས་ཟླ10པའི་བར་གྱི་རྒྱལ་ཁབ་གློག་བརྙན་བྱ་གཞག་འཕེལ་རྒྱས་ཀྱི་ཆེད་དོན་མ་དངུལ་འཇལ་བཅག་གཏོང་རྒྱུ་རེད།

• ཉེ་ཆར། བཟོ་འཕྲིན་པུ་སོགས་སྡེ་ཁག་བཅུ་བཞིས་མཉམ་འབྲེལ་ཐོག་བསམ་འཆར་དཔར་འགྲེམ་བྱས་ནས་རེས་སྐོར་གསར་པའི་གློག་འཕྲིན་གྱི་རྨང་གཞིའི་སྒྲིག་བཀོད་མཉམ་སྐྲུན་མཉམ་སྤྱོད་ལས་དོན་ལ་སྐུལ་འདེད་གཏོང་རྒྱུའི་བཀོད་སྒྲིག་བྱས།

  

• གཞི་གྲངས་ལས་མངོན་པ་ལྟར་ན། ད་ལོའི་ཟླ་དང་པོ་ནས་བཞི་པའི་བར་རང་རྒྱལ་གྱི་རླངས་འཁོར་ཕྱིར་གཏོང་བྱེད་ཚད་ཁྲི149.4ཟིན་པ་དེ་དུས་མཚུངས་ལས76.5%འཕར་ཡོད།

• ཞིང་ལས་གནས་ཚུལ་བཀོད་གཏོང་གསར་ཤོས་ལས་མངོན་པ་ལྟར་ན། རྒྱལ་ཡོངས་སུ་དཔྱིད་འདེབས་འབྲུ་རིགས་མུའུ་དུང་ཕྱུར8.1བཏབ་པ་དང་། དཔྱིད་འདེབས་ཀྱི་མཇུག་སྒྲིལ་ལ་ཉེ། དེ་དང་ཆབས་ཅིག་གྲོ་ཁུལ་གཙོ་བོ་ལྷོ་ནས་བྱང་བར་རིམ་བཞིན་སྟོན་བསྡུའི་མགོ་བརྩམས་ཡོད། 

• ཚོང་དོན་པུས་ངོ་སྤྲོད་བྱས་པར་གཞིགས་ན། ཚོང་དོན་པུའི་པུ་ཀྲང་ཝང་ཝུན་ཐོ་ཡིས་ཨ་རིའི་ཚོང་དོན་པུ་ཀྲང་ལེ་མིང་ཏོ་དང་གྲོས་མོལ་བྱ་རྒྱུ་རེད།

སྤྱི་ཚོགས།

• ཀྲུང་དབྱང་གནམ་གཤིས་ལས་ཁུངས་ཀྱིས་སྔོན་བརྡ་བཏང་བ་ལྟར་ན། དེ་རིང་པོ་ཧེ་བྱང་རྒྱུད་མཚོ་ཁོངས་དང་རྒྱ་མཚོ་སེར་པོའི་མཚོ་ཁོངས་མང་ཆེ་བ། ཤར་རྒྱ་མཚོའི་ནུབ་བྱང་རྒྱུད་ཀྱི་མཚོ་ཁོངས་བཅས་སུ་མཐོང་ཚད་སྤྱི་ལེ་གཅིག་མན་གྱི་སྨུག་པ་ཆེན་པོ་འདུག

• ཉེ་དུས་ས་ཆ་མང་པོར་སློབ་མ་ཆུར་ལྷུང་བའི་དོན་རྐྱེན་བྱུང་། སློབ་གསོ་པུས་སྔོན་ཟོན་བཏང་ནས་ས་གནས་ཁག་གི་སློབ་གསོ་སྲིད་འཛིན་སྡེ་ཁག་དང་སློབ་གྲྭ་ཡིས་ཚད་མཐོའི་མཐོང་ཆེན་བྱས་ཏེ། སློབ་མ་ཆུར་ལྷུང་བ་སྔོན་འགོག་བྱེད་པའི་ལས་དོན་ལ་སྔར་བས་ཤུགས་སྣོན་དགོས་པའི་དྲན་སྐུལ་བྱས།

• རྒྱལ་ཁབ་རང་བྱུང་ཚན་རིག་ཐེབས་རྩ་ཨུ་ལྷན་གྱིས“བཀག་སྡོམ་གསལ་ཐོ”ཁྱབ་སྒྲོག་བྱས་ཏེ་ཚན་ཞིབ་མི་སྣ་དང་རྒྱབ་རྟེན་སྡེ་ཚན། ཞིབ་དཔྱད་ཆེད་མཁས་པ་དང་རང་བྱུང་ཚན་རིག་ཐེབས་རྩ་ཨུ་ལྷན་གྱི་ལས་དོན་མི་སྣ་བཅས་ཀྱི་བྱ་སྤྱོད་རིགས་24བཀག་སྡོམ་གཏན་འབེབས་བྱས།

• ཉེ་ཆར་ཆུ་བེད་པུས་ཆུའི་ཐོན་ཁུངས་བེད་སྤྱོད་ཀྱི་གནད་དོན་ཐད་ནང་སོག་དང་ཧྲའན་ཞིས་སོགས་ཞིང་ཆེན་རིམ་པའི་ཆུའི་སྲིད་འཛིན་གཙོ་གཉེར་སྡེ་ཁག4ལ་འབོད་གླེང་བྱས།

  

• ས་གནས་དེ་གའི་ཚེས25ཉིན། ཀྲུང་གོའི་རུ་ཁག་གི་ཁྲེན་མོང་དང་ཝང་དབྱི་ཏི་ཚན་སྡེབ་ཀྱིས་སྐར་གྲངས3:0ཡིས་འཇར་པན་རུ་ཁག་གི་དབྱི་ཐེང་མེ་ཁྲེང་དང་ཙོ་ཐེན་ཞིས་ཚན་སྡེབ་ལས་རྣམ་པར་རྒྱལ་བ་དང་། 2023ལོའི་འཛམ་གླིང་ཕིང་ཕང་སྤོ་ལོའི་འགྲན་སྡུར་གྱི་བུད་མེད་སྟོབས་ཆེན་བཞིའི་ནང་དུ་ཚུད། 

• ཚེས25ཉིན་ཝུའུ་ཧན་ཧན་དབྱང་སློབ་གསོ་ཅུས་སློབ་ཆུང་སློབ་མ་ཞིག་སློབ་གྲྭའི་ནང་དུ་རླངས་འཁོར་གྱིས་རྡུང་ནས་རྐྱེན་ལམ་དུ་ཤོར་བའི་དོན་རྐྱེན་བརྡ་ཁྱབ་བཏང་བ་དང་། དོན་རྐྱེན་དང་འབྲེལ་བའི་དགེ་རྒན་ཉེས་དོན་བཀག་ཉར་བྱས་ལ་སློབ་གཙོ་འགན་འཐེན་བྱས།

  

• རང་རྒྱལ་གྱི་ཚན་ཞིབ་མི་སྣས་མཉེན་འགུག་དང་ལྟེབ་བརྩེགས་བྱས་ཆོག་པའི་མཉེན་གཤིས་ཅན་གྱི་བདར་རྐྱང་ཀུའེ་ཡི་ཉི་ནུས་གློག་རྫས་ཞིབ་འཇུག་གསར་སྤེལ་བྱས་པ་དང་། འབྲེལ་ཡོད་ཞིབ་འཇུག་གྲུབ་འབྲས་དེ《རང་བྱུང》དུས་དེབ་ཐོག་སྤེལ་ཡོད།

  

• ཉེ་ཆར་ཧྲའན་ཞི་ཞི་ཨན་གྱི་སློབ་ཆེན་སློབ་མ་ཧོ་ཀྲོ་ཡིས་ཁྲག་སྐྱེས་ཕྲ་ཕུང་གཙོ་བོ་ཞལ་འདེབས་སུ་ཕུལ་ནས་ཁྲག་རིགས་དཀར་པོའི་ནད་ཕོག་མཁན་ཞིག་ལ་ཚེ་སྲོག་གི་རེ་བ་བསྩལ།

སྲིད་ཇུས།

• ཅང་སུའུ་ཡིས་བསམ་འཆར་ཁྱབ་སྒྲོག་བྱས་པ་སྟེ། རྒན་གསོའི་ནད་གཡོག་པའི་ལག་རྩལ་པ་དང་མཐོ་རིམ་ལག་རྩལ་པའི་རྩལ་ནུས་རིམ་པ་གཏན་འཁེལ་བྱེད་པའི་ལས་དོན་སྤེལ་རྒྱུ་ཡིན་པ་དང་། “བཅུ་བཞི་ལྔ”ཡི་རིང་དུ་ལས་རིགས་རིམ་པ་གཏན་འཁེལ་བྱས་པའི་རྒན་གསོ་ནད་གཡོག་པ་ཁྲི10ལས་མི་ཉུང་བ་བྱ་རྒྱུ་རེད།

• ཀོང་ཏུང་གིས་བྱ་ཐབས་བཏོན་པ་སྟེ། ཡིད་ཆེས་ཤོར་བའི་མཉམ་འབྲེལ་ཆད་གཅོད་བསླབ་འདོམས་བྱ་ཡུལ་གྱི་མི་བྱ་གཞག་སྡེ་ཚན་གྱི་རྒྱུགས་ཀྱི་ནང་ཞུགས་མི་ཆོག

• ནང་སོག་གིས་བརྡ་ཐོ་བཏང་བ་སྟེ། ནང་སོག་རང་སྐྱོང་ལྗོངས་ཀྱི་ཆེད་ཁེའི་གསེར་གྱི་བྱ་དགའ་ཐོབ་མཁན་གྱི་བདག་འཛིན་པ་ལ་མ་དངུལ་སྒོར་ཁྲི30སྤྲོད་རྒྱུ་རེད།

འཚོ་བའི་དྲན་སྐུལ།

• དེ་རིང་གི་གནམ་གཤིས། ཧེ་ལུང་ཅང་གི་ནུབ་བྱང་རྒྱུད་དང་ཅང་ཧེ་ཡི་ནུབ་རྒྱུད། ཅང་ཧན་གྱི་ལྷོ་རྒྱུད། འབྲི་ཆུའི་ལྷོ་རྒྱུད་ཀྱི་བྱང་རྒྱུད། སི་ཁྲོན་གཤོང་སའི་བྱང་ཤར་རྒྱུད། ལྷོ་ནུབ་ས་ཁུལ་གྱི་ཤར་རྒྱུད། ཀོང་ཞིའི་བྱང་རྒྱུད་དང་ཤར་ལྷོའི་རྒྱུད་ཀྱི་མཚོ་རྒྱུད་སོགས་ས་ཁུལ་ཁ་ཤས་སུ་ཆར་པ་འབྲིང་བ་ནས་ཆེ་བ་འབབ་རྒྱུ་རེད།