ཀྲུང་གུང་མདོ་ལ་རྫོང་ཨུས་ཐུན་མོང་འབོད་གླེང་གྲོས་ཚོགས་བསྡུས།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མདོ་ལ་རྫོང་མི་རིགས་སྐད་ཡིག་ལས་དོན་ལྟེ་གནས། བཤེར་འབེབས། རིན་ཆེན་ཚེ་རིང་། 

ཏང་གི་ཚོགས་ཆེན་ཉི་ཤུ་པ་དང་ཞིང་ཆེན་དང་ཁུལ། རྫོང་ཨུའི་ཚང་འཛོམས་གྲོས་ཚོགས་དང་དེ་བཞིན་ཀྲུང་དབྱང་དང་ཞིང་ཆེན། ཁུལ། རྫོང་བཅས་ཀྱི་སྒྲིག་ཨུའི་ཚང་འཛོམས་གྲོས་ཚོགས་ཀྱི་དགོངས་དོན་སློབ་སྦྱོང་ལག་བསྟར་གཏིང་ཟབ་བྱས་ནས། “སྤྱོད་ཚུལ་སྒྱུར་བཅོས་ཆེན་པོ་དང་ནུས་ཤུགས་མཐོར་འདེགས་ཆེན་པོའི”བྱེད་སྒོའི་གྲུབ་འབྲས་རྒྱུན་མཐུད་སྲ་བརྟན་དུ་བཏང་སྟེ། གྱོད་གཞིར་བརྟེན་ནས་སྒྱུར་བཅོས་ལ་སྐུལ་འདེད་གཏོང་བའི་ཆེད་དོན་སློབ་གསོ་བཅོས་སྒྲིག་ལས་དོན་གཏིང་ཟབ་ཏུ་སྤེལ་བར་སྐུལ་འདེད་གཏོང་ཆེད། ཟླ5ཚེས23ཉིན། མདོ་ལ་རྫོང་ཨུའི་ཧྲུའུ་ཅི་ཧོ་པིན་གྱིས་ཀྲུང་གུང་མདོ་ལ་རྫོང་ཨུའི་ཐུན་མོང་འབོད་གླེང་གྲོས་ཚོགས་ལ་གཙོ་སྐྱོང་གནང་།

ཚོགས་འདུའི་ཐོག ཏང་ཡོན་མགོ་ཁྲིད་ལས་བྱེད་པས་ཆབ་སྲིད་བརྟན་བརླིང་ཡོང་བར་བྱ་རྒྱུ་དེ་མངོན་གསལ་དོད་པའི་གནས་བབ་ཏུ་བཞག་ནས། རིགས་པའི་གཞུང་ལུགས་ཀྱི་དྲག་ཆས་སྤྲས་རྒྱུ་དམ་འཛིན་ལྷོད་མེད་བྱེད་པ་དང་། ཏང་གི་ཚོགས་ཆེན་ཉི་ཤུ་པའི་དགོངས་དོན་དང་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་གཏིང་ཟབ་བྱེད་དགོས། “གཏན་འཁེལ་གཉིས”དེ་ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་བྱེད་པའི་ཆབ་སྲིད་ཀྱི་གོ་རྟོགས་དང་ཆབ་སྲིད་ཀྱི་དད་སེམས་ཟབ་ཤོས་སུ་བརྩིས་ནས། “སྲུང་སྐྱོང་གཉིས”དེ་ཏང་གི་དགོངས་དོན་ལག་བསྟར་བྱེད་པའི་ཆེས་བརྟན་བརླིང་གི་ཆབ་སྲིད་ལངས་ཕྱོགས་དང་ཆབ་སྲིད་ལྷག་བསམ་དུ་བརྩིས་ཐོག “རྒྱལ་ཁབ་ཀྱི་ཇུས་ཆེན”བློ་ལ་བརྟན་པོར་ངེས་ཤིང་། ཆབ་སྲིད་ཀྱི་བརྡར་ཤ་གཅོད་པའི་ནུས་པ་དང་། ཆབ་སྲིད་ཀྱི་གོ་རྟོགས་ནུས་པ། ཆབ་སྲིད་ལག་བསྟར་ནུས་པ་བཅས་རྒྱུན་ཆད་མེད་པར་མཐོར་འདེགས་སུ་གཏོང་དགོས་ལ། རང་རྟོགས་ངང་བསམ་བློ་དང་ཆབ་སྲིད། བྱ་སྤྱོད་བཅས་ཀྱི་ཐད་ནས་བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་དང་ཚད་མཐོའི་གཅིག་གྱུར་ཡོང་བར་བྱེད་པ་དང་། ཆེས་བློ་དཀར་གཞུང་དྲང་དང་ཆེས་བློ་གཏད་རུང་བར་བྱེད་དགོས་ཞེས་བསྟན།

    ཚོགས་འདུའི་ཐོག གྱོད་གཞི་དཔྱད་གཞིར་འཛིན་པ་དང་བསླབ་བྱ་བསྡུ་ལེན་གཏིང་ཟབ་བྱས་ཏེ། གཅིག་ཤེས་ཀུན་གྲོལ་གྱིས་གྱོད་གཞིར་བརྟེན་ནས་སྒྱུར་བཅོས་ལ་སྐུལ་འདེད་གཏོང་བ་དང་། གྱོད་གཞིར་བརྟེན་ནས་འགན་འཁྲི་ཁ་གསལ་བཟོ་བ། གྱོད་གཞིར་བརྟེན་ནས་བཅོས་སྐྱོང་ལ་སྐུལ་འདེད་གཏོང་བ་བཅས་བྱས་ཏེ། སྤྱོད་ཚུལ་འཛུགས་སྐྱོང་གི་བྱེད་པོའི་འགན་འཁྲི་ཏན་ཏིག་ཏུ་བསྒྲུབས་ཤིང་སྤྱོད་ཚུལ་བཟང་བོ་དང་སྒྲིག་ཁྲིམས་ནན་པོར་བརྟེན་ནས། རུལ་སུངས་ལ་ངོ་རྒོལ་བྱ་རྒྱུར་གཞི་གཅིག་ཏུ་སྐུལ་འདེད་གཏོང་དགོས། ཏང་སྒྲིག་རྒྱལ་ཁྲིམས་ཚད་གཞིར་བཟུང་ནས་རང་ཉིད་ལ་བླང་བྱ་ནན་མོ་འདོན་པ་དང་། ཏང་གི་སྒྲིག་ཁྲིམས་དང་རྒྱལ་ཁབ་ཀྱི་བཅའ་ཁྲིམས་ཁྲིམས་སྲོལ་ལ་སེམས་གཏིང་ནས་གུས་ཞུམ་སྐྱེ་དགོས་པར་མ་ཟད། གུས་ཞུམ་དེ་རིགས་ལ་བརྟེན་ནས་རང་ཉིད་ལ་གཅུན་འདོམས་བྱས་ཏེ། ཏང་སྒྲིག་སྲིད་ཁྲིམས་དང་འགལ་སྲིད་པའི་སྐབས་སུ་ཁབ་རྩེར་གོམ་པ་སྤོ་བ་དང་གཡང་གཟར་ལ་འཕྲད་པ་ལྟ་བུའི་དོགས་ཟོན་བྱེད་དགོས་པའི་བླང་བྱ་བཏོན།

          ཚོགས་འདུའི་ཐོག ཏང་ཡོན་མགོ་ཁྲིད་ལས་བྱེད་པས་སྣེ་ཁྲིད་དེ་སྤྱོད་གཙང་རང་གཅུན་དང་། རྩ་དོན་གྱི་མཐའ་ཚད་སྲུང་བ། བསམ་བློའི་སྤྱོད་ཚུལ་གྱི་འགོག་སྲུང་འཛིང་རགས་བརྟན་དུ་གཏོང་བ་བཅས་བྱས་ཏེ། ལྷག་བསམ་རྣམ་དག་དང་སྤྱོད་གཙང་། འགན་འཁྲི་འཁུར་བ་བཅས་ཀྱི་སྣང་བརྙན་ལེགས་པོ་གཏོད་དགོས། དབང་ཆར་གུས་ཞུམ་སྐྱེས་པའི་འདུ་ཤེས་འཛིན་ཤུགས་ཆེ་རུ་གཏོང་བ་ལ། ངེས་པར་དུ་སྟེས་དབང་ལ་རེ་བའི་བསམ་བློ་ཁྱད་གསོད་བྱ་དགོས། ཡང་དག་པའི་དབང་ཆའི་ལྟ་བ་བརྟན་པོར་འཆང་བ་དང་། བླ་ན་མེད་པའི་བསམ་བློའི་རེ་སྙེག་རྒྱུན་འཁྱོངས། མི་དམངས་ལ་གུས་ཞུམ་དང་། རྩ་འཛུགས་ལ་གུས་ཞུམ། སྒྲིག་ཁྲིམས་ལ་གུས་ཞུམ་བཅས་བྱས་ཏེ། དབང་ཆ་དྲང་གཞག་དང་། ཁྲིམས་ལྟར་དབང་ཆ་སྤྱོད་པ། དམངས་ཀྱི་ཆེད་དུ་དབང་ཆ་སྤྱོད་པ། སྤྱོད་གཙང་གིས་དབང་ཆ་སྤྱོད་པ་བཅས་བྱེད་དགོས་པར་ནན་གྱིས་བསྟན། ཚོགས་འདུའི་ཐོག ལྷག་བསམ་རྣམ་དག་དང་སྤྱོད་གཙང་། འགན་འཁྲི་འཁུར་ཕོད་པ་བཅས་ཀྱི་ཆབ་སྲིད་ཀྱི་རང་བཞིན་ཐོག་མཐའ་བར་གསུམ་དུ་རྒྱུན་འཁྱོངས་བྱས་ཏེ། མི་གཙང་མ་ཞིག་བྱེད་པ་དང་། དྭངས་གཙང་གི་ལས་དོན་སྒྲུབ་པ། རང་ཉིད་ཀྱི་མིག་དཔེའི་ནུས་པ་འདོན་སྤེལ་ཏན་ཏིག་བྱེད་པ། “འགག་རྩའི་ཉུང་ཤས”ཀྱི་སྤྱོད་ཚུལ་འགྱུར་ལྡོག་བཏང་བར་བརྟེན་ནས་རྫོང་ཡོངས་ཀྱི་རིམ་ཁག་ཏང་ཡོན་ལས་བྱེད་པའི་ཏང་སྲོལ་སྲིད་སྲོལ་ལ་འགྱུར་ལྡོག་ཆེན་པོ་ཡོང་བར་སྐུལ་འདེད་གཏོང་དགོས། རྫོང་རིམ་པའི་མགོ་ཁྲིད་ལས་བྱེད་པས་གོང་རིམ་གྱིས་འོག་རིམ་ལ་སྣེ་ཁྲིད་དང་རང་དཔེ་གཞན་སྟོན་བྱ་དགོས། གཙོ་སྐྱོང་དང་ལས་བགོས་འགན་གཉེར་སྡེ་ཁག་གི་མགོ་ཁྲིད་ཚན་པའི་ཁོངས་མིས“ལས་གནས་གཅིག་ལ་འགན་འཁྲི་གཉིས”ལག་བསྟར་ནན་ཏན་བྱེད་པར་སྐུལ་འདེད་བཏང་སྟེ། ལས་དོན་དོ་དམ་དང་མི་དོན་དོ་དམ་བྱེད་པ་དང་། ལས་སྒོའི་ལས་དོན་དམ་འཛིན་བྱེད་པ་དེ་ཏང་སྲོལ་ཡོ་བསྲང་དང་སྲིད་དོན་གཙང་སྐྱོང་དམ་འཛིན་བྱེད་པ་དང་ཟུང་འབྲེལ་དམ་ཚགས་བྱས་ཏེ། ལས་དོན་དམ་འཛིན་དང་གྲུབ་འབྲས་ཐོན་ཐུབ་ལ། དཔུང་ཁག་དམ་འཛིན་བྱེད་ཕོད་པ་དང་ལས་འཛོལ་མི་ཡོང་བར་བྱ་དགོས། རྫོང་ཨུའི་རྒྱུན་ཨུ་ཁག་དང་རྫོང་དམངས་ཆེན་རྒྱུན་ལས་ཨུ་ལྷན། རྫོང་སྲིད་གཞུང་། རྫོང་སྲིད་གྲོས་བཅས་ཚན་ཁག་གི་ཁོངས་མི། རྫོང་ཁྲིམས་ཁང་གི་ཡོན་ཀྲང་དང་རྫོང་ཞིབ་དཔྱོད་ཁང་གི་ཞིབ་དཔྱོད་དཔོན། ཡུལ་གྲོང་ཁག་གི་ཏང་ཨུའི་ཧྲུའུ་ཅི་དང་ཡུལ་དཔོན། རྫོང་ཨུའི་སྡེ་ཚན་ཁག་གི་འགན་འཁུར་བློ་མཐུན། རྫོང་ཐད་གཏོགས་ལས་ཁུངས་ཁག་གི་ཏང་ཙུའུ（ཏང་ཨུ）ཧྲུའུ་ཅི། མང་ཚོགས་ཚོགས་པ་ཁག་གི་འགན་འཁུར་བློ་མཐུན་གཙོ་བོ་བཅས་ཚོགས་འདུར་ཞུགས།