བྱའི་མཆུ་ཏོ་ཡོད་ཚད་འདྲ་བ་ཡིན་ནམ།

རྩོམ་སྒྲིག དོན་འགྲུབ་མཚོ།  ཡོང་ཁུངས། འདབ་ཆགས་ཀྱི་ཞིང་ཁམས།  བཤེར་འབེབས། རིན་ཆེན་ཚེ་རིང་།

འཚོ་བའི་ཁོར་ཡུག་གི་དབང་གིས་བྱའི་མཆུ་ཏོ་ལ་འདྲ་མིན་སྣ་ཚོགས་ཡོད། དེ་གཙོ་བོ་གཟན་འཐུ་བའི་དགོས་མཁོ་ཡིན། དཔེར་ན། ཁྲུང་ཁྲུང་སྐེ་ནག་གི་རྣོ་ཞིང་རིང་བའི་མཆུ་ཏོས་ཆུ་ནང་གི་ཉ་ཕྲུག་འཛིན་པ་དང་། ཁང་བྱིའུ་ཡི་ཐུང་ལ་ལྟིག་པའི་མཆུ་ཏོས་འབྲུ་རྡོག་འཐུ་བ། བྱ་གླག་གི་མཁྲེགས་ལ་ལྕགས་ཀྱུ་ལྟར་གུག་འདུག་པའི་མཆུ་ཏོས་བརྔོན་བྱ་བཟའ་བདེ་བར་འཚམ་པ་ལྟ་བུའོ།