གངས་ཅན་གསོ་རིག་ཀུན་གྱི་ཡང་སྙིང་དཔལ་ལྡན་རྒྱུད་བཞི་ལ་ཆེ་བ་བཅུ་གཅིག་ཡོད་པ་གང་དག་ཡིན།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  བོད་ཀྱི་སྨན་རྩིས་རྒྱུན་ཤེས།  བཤེར་འབེབས།  རིན་ཆེན་ཚེ་རིང་།

བཀའ་བསྟན་གྱི་གསོ་བ་རིག་པའི་གཞུང་ལུགས་ཐམས་ཅད་ཀྱི་དོན་གྱི་སྙིང་པོ་འདིའི་ནང་གསལ་བོར་བསྟན་པས་ན་གསོ་རིག་ཐམས་ཆད་ཀྱི་ཡང་རྩེར་གྱུར་པའི་ཆེ་བ། སྨན་དཔྱད་ཀྱི་རྒྱུད་གཞན་ཐམས་ཅད་ཟིལ་གྱིས་གནོན་པས་ན་རྒྱུད་ཐམས་ཅད་རྒྱལ་པོར་གྱུར་པའི་ཆེ་བ། གསོ་དཔྱད་ཐམས་ཅད་ཀྱི་དོན་རྣམས་མ་རྨོངས་པར་འགྲེལ་བས་ན་གསོ་བ་རིག་པ་དཔྱད་ཐམས་ཅད་ཀྱི་སྤྱི་འགྲེལ་ཡིན་པའི་ཆེ་བ། ནད་རྟགས་གསོ་ཐབས་ཐམས་ཅད་མ་ཚང་བ་མེད་པས་ན་གསོ་རིག་ཐམས་ཅད་ཀྱི་རྩ་བ་ཡིན་པའི་ཆེ་བ། སྨན་དཔྱད་མཐའ་དག་གི་ལུགས་སྡེ་ཚན་ཐམས་ཅད་འདི་ལས་གྱེས་པས་ན་གསོ་རིག་ཐམས་ཅད་ཀྱི་འབྱུང་གནས་ཡིན་པའི་ཆེ་བ། ནད་ཐམས་ཅད་མ་བསྒྲིབས་པར་གསར་བར་མཐོང་བས་ན་གསོ་རིག་གི་མེ་ལོང་ཡིན་པའི་ཆེ་བ། གསོ་དཔྱད་ཐམས་ཅད་ཀྱི་བཅུད་བསྡུས་པས་ན་གསོ་བ་རིག་པའི་དོན་ཐམས་ཅད་ཀྱི་མཇུག་སྡུད་ཡིན་པའི་ཆེ་བ། ནད་ཀྱི་གདུང་བ་སེལ་བ་བདུད་རྩིའི་ཆར་རྒྱུན་ཡིན་པའི་ཆེ་བ། འཆི་བདག་གི་བདུད་ལས་སྐྱོབ་པ་མི་འཇིགས་པ་སྐྱབས་ཀྱི་སྦྱིན་པ་ཡིན་པའི་ཆེ་བ། ནད་པ་ཀུན་གྱི་རེ་བ་ཕྱོགས་མེད་དུ་བསྐོང་བས་ན་འགྲོ་བའི་སྤྱི་ནོར་ཡིན་པའི་ཆེ་བ། ནད་མེད་པ་ལ་ནད་མི་འབྱུང་བ་བྱེད་ཅིང་། ན་བ་འདུ་བ་སྙོམས་ཤིང་ཚེ་བསྲིང་བ་དང་། འདི་ཕྱིའི་དགོས་འདོད་ཐམས་ཅད་འབྱུང་བ་ཡིད་བཞིན་གྱི་ནོར་བུ་ལྟ་བུའི་ཆེ་བ་བཅས་སོ།