བོད་ཀྱི་རྩིས་གཞུང་ལས་ཅི་ཞིག་ལ་དཔྱད་ཐག་ཆད་མིན་ཟེར།

རྩོམ་སྒྲིག དོན་འགྲུབ་མཚོ།  ཡོང་ཁུངས། བོད་ཀྱི་སྨན་རྩིས་རྒྱུན་ཤེས།  བཤེར་འབེབས། རིན་ཆེན་ཚེ་རིང་།

གཞུང་ལས། བཅུ་གཅིག་དཔྱང་ཐག་ཆད་མ་ཆད། གནམ་ལོའི་མར་གྱི་བཅུ་གསུམ་ནས། དུ་ལོན་གྱེན་དུ་བཀོན་ལ་བརྩི། ཞེས་པ་སྟེ། བཅུ་གཅིག་དཔྱང་ཐག་གྲོལ་དང་མ་གྲོལ་གནམ་ལོ་ནས་མར་བཅུ་གསུམ་བརྩིས་པ་ནས་དུ་ལོན་གྱེན་དུ་བགྲང་བ་དེ་ལ་བརྩི་བྱས་འཐབ། ཡས་ཀྱི་འཇུ་ཐག་སྲོག་ལ་བལྟ་ཞིང་གཞན་ཡང་ས་བདག་འགྲས་མ་འགྲས་དང་མི་ནད་ཕྱུགས་ནད་འོང་དང་མི་འོང་། ནད་པ་བྱུང་མིན་སོགས་ལ་ལྟ་ཆེད་དེ་གྲོལ་ན་དེ་ལྟར་ཉེན་པས། རིམ་གྲོར་སྣང་བརྒྱད་དང་། གཟའ་ཀླུའི་གྲལ་འགྱེད། མཁའ་འགྲོ་གྲིབ་སེལ། གྲིབ་མདོས་ཕན་པར་འགྱུར་བ་ཡིན་ནོ།