གུར་གུམ་བདུན་པའི་སྦྱོར་ཚད་ངེས་གྲངས་དངོས་དང་ཕན་ནུས་སྐོར།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  སྨན་སྦྱོར་རིག་པ་སྐོར་གྱི་རྒྱུན་ཤེས།  བཤེར་འབེབས།  རིན་ཆེན་ཚེ་རིང་།

གུར་གུམ་བདུན་པ།

གུར་གུམ་སྲང་དོ། ཅུ་གང་སྲང་གང་ཞོ་ལྔ། སུམ་ཏིག་སྲང་གང་ཞོ་ལྔ། ཨ་རུ་སྲང་དོ། མཚེ་གཞོན་སྲང་གང་ཞོ་ལྔ། བ་ལེ་ཀ་སྲང་གང་ཞོ་ལྔ། ཨུཏྤལ་སྔོན་པོ་སྲང་གང་ཞོ་ལྔ།（ཁ་ཚར་ཁ་གུར་ཞོ་དོ་སྐར་ལྔ）བཅས་གཙང་བཟོས་ཞིབ་བཏགས་ཕྱེ་རིལ་གང་རུང་བཟོ་རྒྱུ།

ཕན་ནུས།

གུར་གུམ་བདུན་པ་བཟི་མེད་བསིལ་འབྲིང་འདིས། བརྡབ་ཆག་རྐྱེན་གྱིས་མཆིན་བཙིར་མཆིན་ཁྲག་རྒྱས། ཟུག་ཆེ་རྩིབ་གཟེར་མིག་དམར་སྣ་ཁྲག་འཛག མཆིན་ནད་གསར་རྙིང་ཁྲག་མཁྲིས་ཚ་བར་ཕན། ཐུན་ཚད་ན་ཚོད་ལུས་སྟོབས་བཟི་སོགས་སྦྱོར།