རྒྱ་རུ་བཅུ་བཞི་སྦྱོར་ཚད་ངེས་གྲངས་དངོས་དང་ཕན་ནུས་སྐོར།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  སྨན་སྦྱོར་རིག་པ་སྐོར་གྱི་རྒྱུན་ཤེས།  བཤེར་འབེབས།  རིན་ཆེན་ཚེ་རིང་།

རྒྱ་རུ་བཅུ་བཞི།

བསེ་རུ་ཞོ་ལྔ། རྒྱ་རུ་རྩི་ཧྲོག་སྲང་གང་། ཤ་རུ་ཧར་བསྲེག་སྲང་གང་། གུར་གུམ་སྲང་གང་ཞོ་ལྔ། ཅོག་ལ་ཞོ་གསུམ། ཙན་དམར་སྲང་གང་། ཛཱ་ཏི་ཞོ་བཞི། སུག་སྨེལ་ཞོ་བཞི། རྒྱ་ཚོས་སྲང་གང་། བཙོད་སྲང་གང་། སེ་འབྲུ་སྲང་གང་ཞོ་ལྔ། ཤུག་ཚེར་ཁཎྜ་ཞོ་ལྔ། བ་སྤྲུ་སྲང་གང་ཞོ་གསུམ། དོམ་མཁྲིས་སྐར་གཉིས་བཅས་གཙང་བཟོས་ཞིབ་བཏགས་ཕྱེ་རིལ་གང་རུང་བཟོ་རྒྱུ།

ཕན་ནུས། 

རྒྱ་རུ་བཅུ་བཞི་བཟི་མེད་དྲོ་འཇམ་འདིས། བུད་མེད་ཁྲག་ཚབས་རྐེད་རུས་རྒྱུ་ཞབས་གཟེར། མངལ་སྐྱོན་སྟོད་གཟེར་དབུགས་སྣ་ཐུང་སོགས་སེལ། ཐུན་ཚད་ན་ཚོད་ལུས་སྟོབས་བཟི་སོགས་སྦྱོར།