གློ་ཚད་ཀུན་སེལ་སྦྱོར་ཚད་ངེས་གྲངས་དངོས་དང་ཕན་ནུས་སྐོར།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  སྨན་སྦྱོར་རིག་པ་སྐོར་གྱི་རྒྱུན་ཤེས།  བཤེར་འབེབས།  རིན་ཆེན་ཚེ་རིང་།

གློ་ཚད་ཀུན་སེལ། 

ཅུ་གང་སྲང་གང་ཞོ་ལྔ།  གུར་གུམ་ཞོ་བདུན་སྐར་ལྔ།  ཙན་དཀར་ཞོ་ལྔ།  ཨ་རུ་སྲང་གང་ཞོ་ལྔ།  ཅོག་ལ་ཞོ་དོ།  རུ་རྟ་ཞོ་བཞི།  ཤིང་མངར་ཞོ་ལྔ།  གུལ་ནག་ཞོ་གསུམ།  སྲོལ་ལོ་དཀར་པོ་སྲང་གང་ཞོ་དོ།  ག་དུར་རྩ་བ་སྲང་གང་།  ཙན་དམར་ཞོ་བརྒྱད་སྐར་ལྔ།  སྨན་ཆེན་རྩ་ལོ་འདྲེས་མ་ཞོ་བཞི།  གི་ཝང་སྐར་གཅིག  ཁ་གུར་ཞོ་གང་།  གླ་རྩི་སྐར་གཅིག་བཅས་གཙང་བཟོས་ཞིབ་བཏགས་ཕྱེ་རིལ་གང་རུང་བཟོ་རྒྱུ།

ཕན་ནུས། 

གློ་ཚད་ཀུན་སེལ་བཟི་འབྲིང་བསིལ་ཆེ་བས།  ཚད་རིམས་གཉན་སོགས་གློ་བར་བབས་པ་ཡིས།  གྲང་ཤུམ་བྱེད་ཅིང་གློ་བུར་རྩིབ་གཟེར་དྲག  གློ་མང་དབུགས་བཀག་ཡང་ན་དབུགས་སྣ་ཐུང་།  ལུད་པ་ཚྭ་བྲོ་དམར་སེར་འགྱུར་ལྡོག་མང་།  ཁྱད་པར་གློ་ཚད་བཅས་ལ་ཕན་པ་ཡིན།  ཐུན་ཚད་ན་ཚོད་ལུས་སྟོབས་བཟི་སོགས་སྦྱོར།