གུར་རྩིའི་སྦྱོར་ཚད་ངེས་གྲངས་དངོས་དང་ཕན་ནུས་སྐོར།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  སྨན་སྦྱོར་རིག་པ་སྐོར་གྱི་རྒྱུན་ཤེས།  བཤེར་འབེབས།  རིན་ཆེན་ཚེ་རིང་།

གུར་རྩི།

གུར་གུམ་སྲང་གང་ཞོ་ལྔ། ཨ་རུ་སྲང་དོ་ཞོ་ལྔ། བ་རུ་སྲང་གང་ཞོ་ལྔ། སྐྱུ་རུ་སྲང་དོ། ཙན་དམར་སྲང་གང་ཞོ་ལྔ། འཇམ་འབྲས་སྲང་གང་། སྤོས་དཀར་སྲང་གང་། སོ་ར་སྲང་གང་། ཐལ་རྡོར་སྲང་གང་། གུལ་ནག་སྲང་གང་། ཅོག་ལ་ཞོ་བཞི། ཤ་རུ་ཞོ་ལྔ། ཤུ་དག་སྲང་གང་ཞོ་དོ། བོང་དཀར་སྲང་གང་ཞོ་གསུམ། སྔོ་སྟག་ཤ་སྲང་གང་། སེང་ལྡེང་ཁཎྜ་སྲང་གང་། ལི་ཤི་ཞོ་ལྔ། དངུལ་ཆུ་ཚ་འདུལ་ཞོ་ལྔ། སྨན་ཆེན་ཞོ་བཞི། གི་ཝང་སྐར་གཉིས། གླ་རྩི་སྐར་ཕྱེད་གསུམ་བཅས་གཙང་བཟོས་ཞིབ་བཏགས་ཕྱེ་རིལ་གང་རུང་བཟོ་རྒྱུ།

ཕན་ནུས།  

གུར་རྩི་ཉེར་གཉིས་བཟི་ཆེ་བསིལ་དྲོད་འབྲིང་། ཡ་མ་དཀར་ནག་དྲེག་གྲུམ་གཉན་དང་བསྡོངས། མཁལ་ནད་གསར་རྙིང་རྙོགས་པའི་ཚ་བ་དང་། ཆུ་སེར་དཀར་ནག་དྲེག་གྲུམ་རྩ་དཀར་ནད། ཁ་མིག་སྐྱོག་དང་ཡན་ལག་ཚ་འཁྱུག་འཇོམས། ཐུན་ཚད་ན་ཚོད་ལུས་སྟོབས་བཟི་སོགས་སྦྱོར།