གུར་གུམ་བཅུ་གསུམ་སྦྱོར་ཚད་ངེས་གྲངས་དངོས་དང་ཕན་ནུས་སྐོར།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  སྨན་སྦྱོར་རིག་པ་སྐོར་གྱི་རྒྱུན་ཤེས།  བཤེར་འབེབས།  རིན་ཆེན་ཚེ་རིང་།

གུར་གུམ་བཅུ་གསུམ།

གུར་གུམ་སྲང་གང་ཞོ་ལྔ། ལི་ཤི་ཞོ་བཞི། རུ་རྟ་ཞོ་བརྒྱད། ཨ་རུ་སྲུང་གང་ཞོ་ལྔ། བ་རུ་སྲང་གང་། སྐྱུ་རུ་སྲང་གང་ཞོ་དོ། འཇམ་འབྲས་ཞོ་ལྔ། ཅོག་ལ་ཞོ་དོ། ཤ་རུ་ཧར་བསྲེག་ཞོ་དོ། ཙན་དམར་སྲང་གང་། བོང་དཀར་སྲང་གང་། གི་ཝང་སྐར་བརྒྱད། གླ་རྩི་སྐར་བདུན་བཅས་གཙང་བཟོས་ཞིབ་བཏགས་ཕྱེ་རིལ་གང་རུང་བཟོ་རྒྱུ།

ཕན་ནུས།

གུར་གུམ་བཅུ་གསུམ་བཟི་མེད་ཅུང་ཟད་བསིལ། མཆིན་རྒུད་སྦྱར་དུག་ལ་སོགས་མཆིན་ནད་ཀྱིས། ཉམ་ཆུང་ཆུ་དྲོན་སྐྱུགས་ཤིང་གཡལ་མི་ཐོན། ཟོས་རྗེས་ན་ཞིང་གདོང་སྨུག་སྣ་ཁྲག་འཛགས། མཆིན་པ་བསྣད་ཅིང་མཁལ་མ་འགྲམས་པ་དང་། གཅིན་པར་ཁྲག་འབྱུང་ཡང་ན་འབབ་པ་ཉུང་། ཁྱད་པར་ཡ་མ་ནག་པོའི་སྲིན་ནད་སེལ། ཐུན་ཚད་ན་ཚོད་ལུས་སྟོབས་བཟི་སོགས་སྦྱོར།