གྲང་མཁྲིས་བཅུ་པའི་སྦྱོར་ཚད་ངེས་གྲངས་དངོས་དང་ཕན་ནུས་སྐོར།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  སྨན་སྦྱོར་རིག་པ་སྐོར་གྱི་རྒྱུན་ཤེས།  བཤེར་འབེབས།  རིན་ཆེན་ཚེ་རིང་།

གྲང་མཁྲིས་བཅུ་པ།（གར་ནག་བཅུ་པ།）

སེ་འབྲུ་སྲང་གང་ཞོ་ལྔ།  ཤིང་ཚྭ་ཞོ་བདུན་སྐར་ལྔ།  སུག་སྨེལ་ཞོ་བཞི།  པི་ལིང་ཞོ་ལྔ།  ཨ་རུ་སྲང་དོ།  རྒྱམ་ཚྭ་ཞོ་བཞི། གསེར་མེ་ཞོ་ལྔ།  དུག་ཉུང་ཞོ་བཞི།  ཕག་ཐལ་སྲང་གང་།  དོམ་མཁྲིས་སྐར་གསུམ་བཅས་གཙང་བཟོས་ཞིབ་བཏགས་ཕྱེ་རིལ་གང་རུང་བཟོ་རྒྱུ།

ཕན་ནུས།

གར་ནག་བཅུ་པ་བཟི་མེད་དྲོད་ཚད་འབྲིང་།  ཕོ་བ་དྲོད་ཉམས་མཁྲིས་པ་སྨིན་མི་ཐུབ།  མིག་སྤྲིན་ལྕེ་སོགས་སེར་ལ་བཙོག་པ་དཀར།  མཁྲིས་རླུང་མ་ཞུ་བད་སྐྲན་ལ་སོགས་པ།  མ་ཞུ་མཁྲིས་སྐྲན་གྲང་མཁྲིས་ནད་ལ་ཕན།  ཐུན་ཚད་ན་ཚོད་ལུས་སྟོབས་བཟི་སོགས་སྦྱོར།