གི་ཙན་སྦྱོར་ཚད་ངེས་གྲངས་དངོས་དང་ཕན་ནུས་སྐོར།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  སྨན་སྦྱོར་རིག་པ་སྐོར་གྱི་རྒྱུན་ཤེས།  བཤེར་འབེབས།  རིན་ཆེན་ཚེ་རིང་།

གི་ཙན། 

གུར་གུམ་སྲང་གང་ཞོ་ལྔ།  བ་ལེ་ཀ་སྲང་གང་།  སུམ་ཏིག་སྲང་གང་།  རུ་རྟ་སྲང་གང་།  གསེར་མེ་ཞོ་ལྔ།  ཨུཏྤལ་སྔོན་པོ་སྲང་གང་ཞོ་ལྔ།  བ་ཤ་ཀ་སྲང་གང་།  བྲག་ཞུན་ཁཎྜ་སྲང་གང་།  ཙན་དཀར་སྲང་གང་།  ཙན་དམར་སྲང་གང་ཞོ་ལྔ།  ཅུ་གང་སྲང་དོ།  རྒུན་དཀར་ཞོ་བརྒྱད།  ཤིང་མངར་སྲང་གང་།  ག་དུར་རྩ་བ་སྲང་གང་།  སྲོལ་དཀར་སྲང་གང་ཞོ་ལྔ།  ལི་ཤི་ཞོ་བཞི།  གི་ཝང་སྐར་ཕྱེད་གཉིས་བཅས་གཙང་བཟོས་ཞིབ་བཏགས་ཕྱེ་རིལ་གང་རུང་བཟོ་རྒྱུ།

ཕན་ནུས། 

གི་ཙན་མཉམ་བསྲེས་བཟི་མེད་བསིལ་ཆེ་བས།  གློ་མཆིན་གཉིས་ལ་ཚ་བ་རྒྱས་པ་དང་།  རྒྱབ་མདུན་རྩིབ་སོགས་གཟེར་དང་ཁ་ལྕེ་སྐམ།  གློ་མང་ལུད་པ་མཉམ་དུ་རྣག་ཁྲག་དོན།  མཆིན་མཁྲིས་ཚ་བ་གློ་ཚད་གཟེར་ཐུང་སེལ།  ཐུན་ཚད་ན་ཚོད་ལུས་སྟོབས་བཟི་སོགས་སྦྱོར།