གི་ཝང་དགུ་པའི་སྦྱོར་ཚད་ངེས་གྲངས་དངོས་དང་ཕན་ནུས་སྐོར།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  སྨན་སྦྱོར་རིག་པ་སྐོར་གྱི་རྒྱུན་ཤེས།  བཤེར་འབེབས།  རིན་ཆེན་ཚེ་རིང་།

གི་ཝང་དགུ་པ། 

གུར་གུམ་སྲང་གང་ཞོ་ལྔ།  བ་ལེ་ཀ་སྲང་གང་ཞོ་དོ།  སུམ་ཏིག་སྲང་གང་ཞོ་ལྔ།  རུ་རྟ་སྲང་གང་།  གསེར་མེ་ཞོ་བཞི།  ཨུཏྤལ་སྔོན་པོ་སྲང་གང་ཞོ་ལྔ།  བ་ཤ་ཀ་སྲང་གང་།  བྲག་ཞུན་ཞོ་ལྔ།  གི་ཝང་སྐར་གཅིག་བཅས་གཙང་བཟོས་ཞིབ་བཏགས་ཕྱེ་རིལ་གང་རུང་བཟོ་རྒྱུ།

ཕན་ནུས།

གི་ཝང་དགུ་པ་བཟི་མེད་བསིལ་བ་འདིས།  མཆིན་པར་བསྣད་འགྲམས་མཆིན་ཁྲག་རྒྱས་པ་དང་།  མཆིན་ཚད་བད་ཀན་སྨུག་པོ་རྒྱས་པར་ཕན།  ཐུན་ཚད་ན་ཚོད་ལུས་སྟོབས་བཟི་སོགས་སྦྱོར།