བརྒྱད་ལྔའི་སྦྱོར་ཚད་ངེས་གྲངས་དངོས་དང་ཕན་ནུས་སྐོར།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  སྨན་སྦྱོར་རིག་པ་སྐོར་གྱི་རྒྱུན་ཤེས།  བཤེར་འབེབས།  རིན་ཆེན་ཚེ་རིང་།

བརྒྱད་ལྔ། 

ཨར་ནག་སྲང་གང་།  སྙིང་ཞོ་ཞོ་ལྔ།  ཛཱ་ཏི་ཞོ་བཞི།  ཅུ་གང་སྲང་གང་ཞོ་ལྔ།  སྤོས་དཀར་ཞོ་ལྔ།  རུ་རྟ་སྲང་གང་།  ཨ་རུ་སྲང་དོ་ཞོ་ལྔ།  ནཱ་ག་གེ་སར་ཞོ་ལྔ།  སེ་འབྲུ་སྲང་དོ།  སུག་སྨེལ་ཞོ་བཞི།  པི་ལིང་ཞོ་བཞི།  སྒ་སྨུག་ཞོ་བརྒྱད།  ཤིང་ཚྭ་ཞོ་བརྒྱད་བཅས་གཙང་བཟོས་ཞིབ་བཏགས་ཕྱེ་རིལ་གང་རུང་བཟོ་རྒྱུ།

ཕན་ནུས། 

བརྒྱད་ལྔ་མཉམ་བསྲེས་བཟི་མེད་ཅུང་ཟད་དྲོད།  སྙིང་རླུང་སེམས་མི་བདེ་དང་ནུ་མཆིན་གཟེར།  ཕོ་རླུང་སྦོས་འཁྲོག་མང་ལ་སྟོང་སྐྱུགས་བྱེད།  ཁ་ཟས་འཇུ་སྟོབས་ཆུང་ལ་ཨིག་ཀ་རྒྱག  མེ་དྲོག་ཉམས་དང་ཕོ་བར་གཡའ་ལྡང་ན།  གྲང་རླུང་སྒྲ་བཅས་འཁྲོག་ཅིག་བཤལ་བར་ཕན།  ཐུན་ཚད་ན་ཚོད་ལུས་སྟོབས་བཟི་སོགས་སྦྱོར།