ཅོང་ཞི་ཉེར་གཅིག་སྦྱོར་ཚད་ངེས་གྲངས་དངོས་དང་ཕན་ནུས་སྐོར།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  སྨན་སྦྱོར་རིག་པ་སྐོར་གྱི་རྒྱུན་ཤེས།  བཤེར་འབེབས།  རིན་ཆེན་ཚེ་རིང་།

ཅོང་ཞི་ཉེར་གཅིག

ཅོང་ཞི་མཛོ་འོ་སྲང་དོ་ཞོ་ལྔ།  སེ་འབྲུ་སྲང་གང་ཞོ་ལྔ།  སུག་སྨེལ་ཞོ་བཞི།  པི་ལིང་ཞོ་བཞི།  མ་ནུ་སྲང་གང་།  འུ་སུ་སྲང་གང་།  ཨུཏྤལ་སྔོན་པོ་སྲང་གང་།  པྲི་ཡང་ཀུ་སྲང་གང་།  བསེ་ཡབ་སྲང་གང་།  སྟར་ཁཎ་ཞོ་བརྒྱད།  སྐྱུ་རུ་སྲང་གང་ཞོ་གསུམ།  བ་ཤ་ཀ་ཞོ་བརྒྱད།  ཨ་རུ་སྲང་གང་ཞོ་ལྔ།  གསེར་མེ་ཞོ་བཞི།  དུག་ཉུང་ཞོ་བཞི།  བོང་དཀར་ཞོ་བརྒྱད།  སུམ་ཏིག་ཞོ་བརྒྱད།  སྐྱུ་རུ་སྲང་གང་།  ཙན་དམར་སྲང་གང་ཞོ་ལྔ།  བྲག་ཁཎ་ཞོ་བརྒྱད།  གི་ཝང་སྐར་ཕྱེད་གཉིས་བཅས་གཙང་བཟོས་ཞིབ་བཏགས་ཕྱེ་རིལ་གང་རུང་བཟོ་རྒྱུ།

ཕན་ནུས། 

ཅོང་ཞི་ཉེར་གཅིག་བཟི་མེད་ཅུང་ཟད་བསིལ།  བྲང་ཚ་ཆུ་སྐྱུར་མཁྲིས་པ་རྒྱ་བཤལ་སྐྱུགས།  ཕོ་མཆིན་རོ་རྒྱབ་སྦྲགས་ཤིང་ཚིགས་པ་ན།  ཁྲག་མཁྲིས་ཕོ་བར་ལྷུང་ངམ་སྟོང་དུ་གཟེར།  སྨུག་པོ་རྒྱས་དང་གབ་ཅིང་འཁྲུགས་པ་དང་།  རང་གཞན་གནས་སུ་ཞེན་ཅིང་རྙིང་པ་སོགས།  འདུས་ནད་སྨུག་པོ་རིགས་ཀྱི་སྤྱི་སྨན་ཡིན།  ཐུན་ཚད་ན་ཚོད་ལུས་སྟོབས་བཟི་སོགས་སྦྱོར།