གཅིན་སྙི་ཨ་རུ་བཅོ་བརྒྱད་སྦྱོར་ཚད་ངེས་གྲངས་དངོས་དང་ཕན་ནུས་སྐོར།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  སྨན་སྦྱོར་རིག་པ་སྐོར་གྱི་རྒྱུན་ཤེས།  བཤེར་འབེབས།  རིན་ཆེན་ཚེ་རིང་།

གཅིན་སྙི་ཨ་རུ་བཅོ་བརྒྱད།

ཨ་རུ་སྲང་དོ།  གུར་གུམ་སྲང་གང་།  སུག་སྨེལ་ཞོ་བཞི།  བྲག་ཁཎ་ཞོ་དྲུག   ཞུ་མཁན་ཞོ་བདུན།  རྒྱ་ཚོས་ཞོ་བརྒྱད།  བཙོད་ཞོ་བརྒྱད།  སྐྱུ་རུ་སྲང་གང་ཞོ་ལྔ།  སྒ་སེར་སྲང་གང་།  སྐྱེར་ཤུན་སྲང་གང་།  གཟེ་མ་སྲང་གང་།  གསེར་བྱེ་ཞོ་གསུམ།  ཤུག་ཚེར་ཁཎྜ་སྲང་གང་།  ཏིག་ཏ་ཞོ་བརྒྱད།  བ་ཤ་ཀ་ཞོ་བརྒྱད།  མཁལ་ཞོ་དཀར་པོ་ཞོ་དྲུག  དོམ་མཁྲིས་སྐར་གཉིས།  གི་ཝང་སྐར་གཅིག་ཞོ་གསུམ་བཅས་གཙང་བཟོས་ཞིབ་བཏགས་ཕྱེ་རིལ་གང་རུང་བཟོ་རྒྱུ། 

ཕན་ནུས། 

གཅིན་སྙི་ཨ་རུ་བཅོ་བརྒྱད་བཟི་མེད་བསིལ།  མཆིན་ཁྲག་མཁལ་ལྒང་ལྷུང་བས་འགྲམས་པ་དང་།  ཡང་ན་ལན་ཚྭ་མངར་བསིལ་ལྕི་བའི་ཟས།  རླན་སྟེང་ཉལ་སྡོད་སོགས་ཀྱི་སྤྱོད་ལམ་གྱིས།  ཟ་ཁུ་གཅིན་པ་དང་འདྲེས་སྣ་ཚོགས་འཛགས།  གཅིན་པ་རྙོགས་ཤིང་གཅིན་ཤུལ་སྦྲང་བུ་འཁོར།  གཉིད་ཆེ་རྔུལ་མང་སྐྲ་དང་སེན་མོ་རིང་།  རྐང་ལག་མཐིལ་བཞི་ཚ་ལ་གྲེ་རྐན་སྐམ།  ཁྱད་པར་མཆིན་ཁྲག་མཁལ་ལྒང་ལྷུང་བ་དང་།  གྲང་བ་སྨད་དུ་ལྷུང་བའི་ཟ་ཁུ་གཅོད།  ཐུན་ཚད་ན་ཚོད་ལུས་སྟོབས་བཟི་སོགས་སྦྱོར།