བྲག་ཞུན་དགུ་པའི་སྦྱོར་ཚད་ངེས་གྲངས་དངོས་དང་ཕན་ནུས་སྐོར།

རྩོམ་སྒྲིག དོན་འགྲུབ་མཚོ།  ཡོང་ཁུངས། སྨན་སྦྱོར་རིག་པ་སྐོར་གྱི་རྒྱུན་ཤེས།  བཤེར་འབེབས། རིན་ཆེན་ཚེ་རིང་།

བྲག་ཞུན་དགུ་པ།

བྲག་ཁཎ་སྲང་གང་། གུར་གུམ་སྲང་གང་ཞོ་ལྔ། སུག་སྨེལ་ཞོ་བཞི་སྐར་ལྔ། ཨ་རུ་སྲང་དོ་ཞོ་ལྔ། བོང་དཀར་སྲང་གང་ཞོ་གསུམ། པྲི་ཡང་ཀུ་སྲང་གང་ཞོ་ལྔ། ག་དུར་རྩ་བ་སྲང་གང་ཞོ་ལྔ། དོམ་མཁྲིས་སྐར་གཉིས། གླ་རྩི་སྐར་གཅིག་བཅས་གཙང་བཟོས་ཞིབ་བཏགས་ཕྱེ་རིལ་གང་རུང་བཟོ་རྒྱུ།

ཕན་ནུས།

བྲག་ཞུན་དགུ་པ་བཟི་མེད་ཅུང་ཟད་བསིལ། ཁྲག་མཁྲིས་ཕོ་བར་ལྷུངས་ནས་གཟེར་ལངས་པ། ཕོ་ཚད་རྒྱུ་ལོང་ཚ་འཁྲུ་གཅོད་པ་དང་། ཟླ་མཚན་འགག་འཁྱིལ་རྒྱུ་ཞབས་གཟེར་ལ་ཕན། ཐུན་ཚད་ན་ཚོད་ལུས་སྟོབས་བཟི་སོགས་སྦྱོར།