གློ་བུར་དུ་ཡར་ལངས་ཚེ་མགོ་ཡོམ་འཁོར་བའི་རྒྱུ་མཚན་ཅི།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། ཤེས་བྱ་དྲིས་བརྒྱ་བ། བཤེར་འབེབས། རིན་ཆེན་ཚེ་རིང་། 

མི་རྣམས་ཙོག་ནས་སྡོད་སྐབས་མགོ་ཁྲག་འཁོར་རྒྱུག་བྱེད་ཚད་ཅུང་མང་ཞིང་། གློ་བུར་དུ་ཡར་ལངས་ཚེ་མགོ་ཁྲག་འབོར་ཆེན་ཞིག་ལུས་སྨད་དུ་བཞུར་བ་ཡིན། སྐབས་དེར་མགོ་ན་རྒྱུ་བའི་ཁྲག་ཇེ་ཉུང་དུ་སོང་བའི་སྣང་ཚུལ་འབྱུང་སྲིད། 

ཀླད་པའི་ནང་གི་ཁྲག་ཇེ་ཉུང་དུ་གྱུར་ན་ཀླད་པའི་འགུལ་སྐྱོད་ལ་ཤུགས་རྐྱེན་ཐེབས་ཏེ་མི་རྣམས་ལ་མགོ་ཡོམ་འཁོར་དུ་བཅུག་པ་རེད། ཡིན་ནའང་། ཅང་མི་འགོར་བར་རང་ལུས་རང་གིས་སྙོམ་སྒྲིག་བྱས་ནས་མགོ་ཁྲག་ཁ་གསབ་བྱེད་པ་ཡིན་ནོ། །