སེ་འབྲུ་བཞི་པའི་སྦྱོར་ཚད་ངེས་གྲངས་དངོས་དང་ཕན་ནུས་སྐོར།

རྩོམ་སྒྲིག དོན་འགྲུབ་མཚོ།  ཡོང་ཁུངས། སྨན་སྦྱོར་རིག་པ་སྐོར་གྱི་རྒྱུན་ཤེས།  བཤེར་འབེབས། རིན་ཆེན་ཚེ་རིང་།

སེ་འབྲུ་བཞི་པ། 

སེ་འབྲུ་སྲང་དོ་ཞོ་ལྔ། ཤིང་ཚྭ་སྲང་གང་། སུག་སྨེལ་ཞོ་བཞི་སྐར་ལྔ། པི་ལིང་ཞོ་ལྔ་བཅས་གཙང་བཟོས་ཞིབ་བཏགས་ཕྱེ་རིལ་གང་རུང་བཟོ་རྒྱུ།

ཕན་ནུས།

སེ་འབྲུ་བཞི་པ་བཟི་མེད་དྲོད་ཆེ་བས། ཕོ་བའི་གཞི་འཛིན་མེ་དྲོད་གསོ་བ་དང་། དང་ག་འབྱེད་ཅིང་ཁ་ཟས་འཇུ་སྟོབས་ཆེ། ཕོ་བའི་བེ་སྣབས་སེལ་ཞིང་མ་ཞུར་ཕན། ཐུན་ཚད་ན་ཚོད་ལུས་སྟོབས་བཟི་སོགས་སྦྱོར།