ནད་རྟགས་གང་དག་ཡོད་ན་ཁྲག་ཤེད་ལ་བརྟག་དགོས་སམ།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  འཛམ་གླིང་ཡང་རྩེའི་ཚན་སྤེལ་སྐད་འཕྲིན་སྤྱི་སྟེགས།  བཤེར་འབེབས།  རིན་ཆེན་ཚེ་རིང་།

གཤམ་གསལ་གྱི་ནད་རྟགས་འདི་དག་ཡོད་ན། ལམ་སང་ཁྲག་ཤེད་ལ་བརྟག་དགོས་པ་སྟེ། 

（1）མགོ་ཡུ་འཁོར་བ། གློ་བུར་དུ་ཙོག་པའམ་ཡར་ལངས་ཚེ་མགོ་ཡུ་འཁོར་བ། ཡང་ན་རྒྱུ་རྐྱེན་མི་གསལ་བར་གནས་སྐབས་རང་བཞིན་གྱི་མགོ་ཅུང་ཟད་ན་བའམ་མགོ་ཡུ་འཁོར་བ། 

（2）མགོ་ན་བ། ན་ཟུག་མགོའི་རྒྱབ་དང་གཞོགས་གཉིས་ཀྱི་སྲིན་ཁུང་དུ་གཅིག་བསྡུས་ཆེ་བ། ན་སྐབས་རྒྱུན་མཐུད་རང་བཞིན་གྱི་རྟུལ་གཟེར་རམ་འཕར་འགུལ་རང་བཞིན་གྱི་སྦོས་གཟེར་ལངས་པའི་ཁྱད་ཆོས་ཡོད་ལ། ཞོར་དུ་ཞེ་མེར་བ་དང་སྐྱུག་འདོད་པ། ཞོགས་པར་གཉིད་ལས་སད་སྐབས་ཅུང་མངོན་གསལ་ཡིན་ལ། ནངས་ཇ་འཐུངས་རྗེས་རིམ་བཞིན་ཡལ་འགྲོ་བ། 

（3）གཉིད་མི་ཡོང་བ། གཉིད་དཀའ་བ་དང་རྨི་ལམ་འཁྲུག་པ། སྔངས་ལོག་བྱེད་སླ་བ།

（4）རྣ་འུར་བ། རྣ་ཅོག་གཉིས་ཀ་འུར་བ་དང་། འུར་བའི་དུས་ཡུན་ཅུང་རིང་བ། 

（5）རྐང་ལག་སྦྲིད་པ། རྐང་ལག་གི་མཛུབ་མོ་དག་སྦྲིད་པའམ་སྐྱི་ལྤགས་ཐོག་ཏུ་སྦྲུལ་འགུལ་བ་ལྟ་བུའི་ཚོར་བ་ཡོད་པ། མཛུབ་མོ་འགུལ་མི་ཐུབ་པ། ལུས་པོའི་ཁག་གཞན་དུའང་སྦྲིད་པ་དང་རྒྱུན་ལྡན་མིན་པའི་ཚོར་བ་ཡོད་པ། 

（6）གཅིན་ཇེ་མང་དུ་འགྲོ་བ།