མའོ་ཙེ་ཏུང་གི་སྙན་ཚིག་བོད་འགྱུར་མ་མུ་འགོད།

སྒྱུར་མཁན། རིན་ཆེན་ཚེ་རིང་། ཡོང་ཁུངས། མཚོ་བྱང་ཁུལ་མི་རིགས་སྐད་ཡིག་ལས་དོན་ལྟེ་གནས།

ཆིན་ཡོན་ཁྲུན།
ཁྲང་ཧྲ།
གཅིག་དགུ་ཉེར་ལྔ་ལོར།

སྟོན་གྱི་གྲང་ངར་ཁྲོད་ནས་ཁེར་རྐྱང་འགྲེང་། །
ཤང་ཅང་གཙང་བོ་བྱང་ལ་དལ་གྱིས་བཞུར། །
ཅུ་ཙི་ཀྲིག་ཅེས་གླིང་ཕྲན་མིག་ལ་ལྷུང་། །
རི་བོ་ཁྲི་ཕྲག་དམར་པོ་ཚལ་གྱིས་བྱུགས། །
ལྗོན་པའི་ནགས་ཀྱི་ཕྲེང་སུལ་དེ་བཞིན་བརྒྱན། །
གཙང་བོ་ཡོངས་ནི་དྭངས་ཤིང་ལྗང་མདོག་ལྡན། །
གྲུ་གཟིངས་བརྒྱ་ཕྲག་གཅིག་ལས་གཅིག་མགྱོགས་བཞུད། །
མཁའ་རུ་ལྡིང་བའི་གླག་གིས་ནམ་མཁའ་གཤགས། །
དྭངས་གསལ་གཏིང་མཐའ་མཐོང་བའི་ཆུ་ནང་ན། །
ཉ་བརྒྱས་རྩལ་ངོམ་སེམས་ཅན་གཞན་པ་ནི། །
སྟོན་གྱི་དུས་ལ་རང་དབང་འཚོ་བ་རྩོད། །
བར་སྣང་སྟོང་བའི་ཁམས་ལ་ཁ་གཏད་དེ། །
ས་ཆེན་འདི་ཡི་དར་རྒུད་ལས་དབང་རྣམས། །
སུ་ཡིས་བདག་པོ་བྱེད་ཅེས་དྲི་བ་འཕེན། །

ལག་འཇུ་བྱས་པའི་གྲོགས་མང་འདི་རུ་རྩེས། །
མཉམ་གྲོས་བྱས་པའི་རྒྱལ་ཁབ་དོན་གྱི་གནད། །
ད་དུང་མ་བརྗེད་ལོ་ཟླ་ཡིད་ལ་འཁོར། །
མཆེད་གྲོགས་རྣམས་ནི་ན་ཚོད་དར་བའི་སྒང་། །
སྤོབས་པ་རྒྱས་ཤིང་ཡིད་རབ་ཚིམས་ནས་ནི། །
བློ་སྟོབས་ཆེན་པོའི་ཤུགས་ཀྱིས་རྒྱལ་དོན་གླེང་། །
བཟང་བསྟོད་ངན་སྨད་བྱེད་པའི་རྩོམ་ཡིག་འབྲི། །
དམག་ཤེད་དཔོན་ཆེན་རྣམས་ནི་ཐལ་བར་བལྟ། །
གཙང་བོ་དྲག་ཏུ་འབབ་སར་རྐྱལ་རྩལ་ངོམ། །
རླབས་ཀྱི་རྩེ་མོས་གྲུ་ཡི་འདེགས་མགྱོགས་འགོག །
དྲན་བཞིན་ཨེ་འདུག་བརྗེད་ཀྱིན་མེད་ལགས་སམ། །

སྙན་ཚིག་འདི་ཆེས་སྔ་མོར1957ལོའི་ཟླ་དང་པོའི《སྙན་དེབ》དུས་དེབ་སྟེང་བཀོད་ཡོད།

沁园春
长沙
一九二五年

独立寒秋，
湘江北去，
橘子洲头。
看万山红遍，
层林尽染；
漫江碧透，
百舸争流。
鹰击长空，
鱼翔浅底，
万类霜天竞自由。
怅寥廓，
问苍茫大地，
谁主沉浮？

携来百侣曾游，
忆往昔峥嵘岁月稠。
恰同学少年，
风华正茂；
书生意气，
挥斥方遒。
指点江山，
激扬文字，
粪土当年万户侯。
曾记否，
到中流击水，
浪遏飞舟？

这首词最早发表在《诗刊》一九五七年一月号。