ཁོང་རྣམ་ཚོར་ཡིག་སྒྱུར་གྱི་བྱ་དགའ་ཐོབ་འདུག

2024-08-21 11:28:38 | 333

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། ཉིང་ཁྲི་གྲོང་ཁྱེར་བོད་སྐད་ཡིག་ལས་དོན་ཨུ་ཡོན་གཞུང་ལས་ཁང་། བཤེར་འབེབས། རིན་ཆེན་ཚེ་རིང་།

དེ་རིང་སྔ་དྲོར། བོད་རང་སྐྱོང་ལྗོངས་ཕུལ་བྱུང་ཡིག་སྒྱུར་བརྩམས་ཆོས་ཀྱི་གྲུབ་འབྲས་བྱ་དགའི་གཟེངས་བསྟོད་ཚོགས་ཆེན་སྐབས་གསུམ་པ་དེ་བོད་ལྗོངས་མི་དམངས་ཚོགས་ཁང་ཆེ་མོར་འཚོགས་ཤིང་། བོད་རང་སྐྱོང་ལྗོངས་བོད་སྐད་ཨུ་གཞུང་དོན་ཁང་(རྩོམ་སྒྱུར་ཅུ)གི་མགོ་ཁྲིད་དང་། རང་སྐྱོང་ལྗོངས་བོད་སྐད་ཡིག་ལས་དོན་ཨུ་ལྷན་གྱི་ཁོངས་མིའི་ཚན་པའི་མགོ་ཁྲིད། རང་སྐྱོང་ལྗོངས་ཡིག་སྒྱུར་ལས་དོན་པའི་མཐུན་ཚོགས་ཀྱི་ཚོགས་གཙོ་དང་། ཚོགས་གཙོ་གཞོན་པ། དྲུང་ཆེ། དྲུང་ཆེ་གཞོན་པ། རྒྱུན་ལས་ལས་འཛིན་སོགས་དང་དེ་བཞིན་བོད་ལྗོངས་ཉིན་རེའི་ཚགས་པར་ལས་ཁུངས་དང་། ལྗོངས་རླུང་འཕྲིན་བརྙན་འཕྲིན་ལས་ཁུངས། ལྷ་ས་གྲོང་ཁྱེར་རྩོམ་སྒྱུར་ཁོངས་གཏོགས་སོགས་ཀྱིས་གཙོས་པའི་ཚན་པའི་འགན་འཁུར་བ་དང་། ལས་སྒོའི་འཐུས་མི། ལོ་ཙཱ་བ་རྒན་གྲས། ཕུལ་བྱུང་བརྩམས་ཆོས་ཀྱི་བྱ་དགའ་ཐོབ་པའི་ལོ་ཙཱ་བ་སོགས་ཚོགས་འདུར་ཞུགས་ཡོད་པ་རེད།

图片7.png

ཚོགས་འདུའི་ཐོག《བོད་རང་སྐྱོང་ལྗོངས་སྐབས་གསུམ་པའི་ཕུལ་བྱུང་ཡིག་སྒྱུར་བརྩམས་ཆོས་ལ་བྱ་དགའ་སྤྲོད་རྒྱུའི་སྐོར་གྱི་བོད་རང་སྐྱོང་ལྗོངས་བོད་སྐད་ཡིག་ལས་དོན་ཨུ་ལྷན་གྱི་གཏན་འབེབས》སྒྲོག་སྦྱངས་བྱས་པ་དང་འབྲེལ་བྱ་དགའ་སྤྲོད་པའི་མཛད་སྒོ་འཚོགས་ནས་ཕུལ་བྱུང་བརྩམས་ཆོས་ཀྱི་བྱ་དགའ་ཐོབ་པའི་ལོ་ཙཱ་བར་བྱ་དགའ་སྤྲད་པ་རེད། དེ་རྗེས་བྱ་དགའ་ཐོབ་པའི་འཐུས་མིས་རང་རང་སོ་སོའི་ལོ་མང་གི་ཡིག་སྒྱུར་གྱི་ལག་ལེན་དང་ཉམས་མྱོང་སྐོར་ནས་གཏམ་བཤད་འཁྲུག་པོ་གནང་བས་ཚོགས་ར་ཡོངས་སུ་དགའ་བསུ་ཆེན་པོ་ཐོབ་པ་རེད།

图片8.png

图片9.png

ད་རེས《སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་རབ་དང་རིམ་པའི་ཀློག་དེབ(2016ལོའི་པར་མ)》དང《བོད་རང་སྐྱོང་ལྗོངས་ཀྱི་ས་གནས་རང་བཞིན་གྱི་ཁྲིམས་སྲོལ་ཕྱོགས་བསྒྲིགས》སོགས་བརྩམས་ཆོས་དྲུག་ལ་མཉམ་སྡེབ་ཀྱི་བྱ་དགའ་ཐོབ་པ་དང་།《ཧམ་ལེ་ཀྲི》དང《དུས་རབས་གསར་པའི་མདོ་གནད་རེ་རེ་བཞིན་གླེང་བ》《ཁེ་ལས་ཀྱི་རྩིས་པའི་རྨང་གཞི》སོགས་བརྩམས་ཆོས་བཅུ་ལ་མི་སྒེར་གྱི་བྱ་དགའ་ཐོབ་ཡོད་པ་རེད།

图片10.png

图片11.png

图片12.png

སྐབས་སྔོན་མ། ༄༅། །“མཚོ་སྔོན་པོ་དྲ་བ”རྟགས་མའི་དྲ་ལམ་སྒྱུར་རྩོམ་འགྲན་བསྡུར་སྐབས་དང་པོ་སྤེལ་རྒྱུའི་སྐོར་གྱི་བརྡ་ཐོ།

སྐབས་རྗེས་མ། མའོ་ཙེ་ཏུང་གི་སྙན་ཚིག་བོད་འགྱུར་མ་མུ་འགོད།