དེ་རིང་ནི2025ལོའི་ཟླ04པའི་ཚེས04ཡིན།
མདུན་ངོས། མགོ་ཁྲིད། གསར་འགྱུར། སྲིད་དོན། ཕ་ཡུལ། རིག་གནས། ལོ་ཙཱ། རྒྱུན་ཤེས། བརྙན་ཟློས།

ཨ་ཁྲང་རིགས།

2022-12-29 14:50:05   |   1118

ཨ་ཁྲང་རིགས(阿昌族)ནི་གཙོ་བོ་ཡུན་ནན་ཞིང་ཆེན་གྱི་ཏེ་ཧོང་ཏེ་རིགས་དང་ཅིང་ཕོ་རིགས་རང་སྐྱོང་ཁུལ་དུ་འདུས་སྡོད་བྱས་ཡོད་ཅིང་། ཁྱོན་སྡོམ་མི་གྲངས39550ལྷག་ཡོད། ཁོ་ཚོར་མི་རིགས་རང་གི་སྐད་དང་ཡི་གེ་མེད་པས་ཡོངས་ཁྱབ་ཏུ་རྒྱ་ཡིག་དང་ཏེ་ཡིག་བཀོལ་སྤྱོད་བྱེད་བཞིན་ཡོད། མི་རིགས་དེའི་སྐྱེས་པ་ཚོས། གཞུང་གཤགས་སྟོད་ཐུང་དང་མདོག་ནག་པོའི་རྐང་སྣམ་གོན་པ་དང་། མགོ་དཀྲིས་དཀྲི་བ། བུད་མེད་རྣམས་ཀྱིས་སྤྱིར་བཏང་དུ་གཞུང་གཤགས་སྟོད་ཐུང་དང་སྨད་གཡོགས་སྦུབས་མ་གོན་པར་དགའ། 

ཨ་ཁྲང་རིགས་ཀྱི་རྩོམ་རིག་ནི་གཙོ་བོ་ངག་ཐོག་གི་རྩོམ་རིག་ཡིན། སྲིད་པ་ཆགས་པའི་དོན་བརྗོད་སྙན་ངག《ཀྲེ་མ་དང་ཀྲ་སྨིས་མ》ཡིས་ཨ་ཁྲང་རིགས་ཀྱི་ཕ་མེས་ཡང་མེས་ཀྱིས་རང་བྱུང་ཁམས་ལ་འགྲེལ་བཤད་བྱས་པ་མཚོན་ཡོད་པས། ཨ་ཁྲང་རིགས་ཀྱི་ལོ་རྒྱུས་དང་ཆོས་ལུགས། ཡུལ་སྲོལ་བཅས་ལ་ཞིབ་འཇུག་གི་རིན་ཐང་ངེས་ཅན་ཞིག་ལྡན། དེ་མིན་ཨ་ཁྲང་རིགས་ཀྱི་བཟོ་བཀོད་མཛེས་རྩལ་ཐད་དུ་གཙགས་དྲུབ་དང་བརྐོས་རིས། དངུལ་ཆས་མགར་རྡུང་སོགས་ཡོད་ཅིང་། ཁྱད་པར་དུ་བརྐོས་རིས་ལག་རྩལ་གྱི་ཆུ་ཚད་ཤིན་ཏུ་མཐོ། 

ཨ་ཁྲང་རིགས་ལ་ཡ་མཚན་པའི་ལུགས་སྲོལ་ཞིག་ཡོད་པ་ནི་ལུགས་རྙིང་གི་ཟླ8པའི་ཚེས15ཟླ་མཆོད་དུས་ཆེན་ལ་ཐོན་དུས། མི་རྣམས་ཀྱིས་ནངས་ཇ་མ་འཐུང་བའི་སྔོན་ལ་ཐོག་མར་སྒོ་ཁྱིར་ལྟོ་ལྡུད་ངེས་ཡིན་ཞིང་། ཉིན་དེ་ནི་ད་དུང“ལོ་འབྲས”བཞེས་པའི་དུས་ཆེན་ཡང་ཡིན། དཔྱང་ཐག་རྩེ་བ་ནི་ཨ་ཁྲང་རིགས་ཀྱི་ལོ་སར་དང་དུས་ཆེན་སྐབས་ཀྱི་ལུས་རྩལ་བྱ་འགུལ་གཙོ་བོ་ཞིག་ཡིན། ཧུའུ་ལས་ས་ཁུལ་དུ་གནས་པའི་ཨ་ཁྲང་རིགས་ཀྱིས་ཐུབ་བསྟན་ཆོས་ལུགས་ཀྱི་ཐེག་པ་ཆུང་ངུའི་ལུགས་ལ་དད་པ་བྱེད་ཅིང་། ལེང་ཧི་ས་ཁུལ་དུ་གནས་པའི་ཨ་ཁྲང་རིགས་ཀྱིས་ལྷ་འདྲེ་ལ་དད་པ་བྱེད། ས་ཁུལ་ཁ་ཤས་ལ་རྒྱའི་ཤན་ཞུགས་ནས་མེས་པོར་མཆོད་བཀུར་བྱེད་པའང་ཡོད། ཨ་ཁྲང་རིགས་ལ་ལྷ་འདྲེར་མཆོད་བཀུར་བྱེད་པའི་བྱ་འགུལ་མང་པོ་ཡོད་ལ། དེ་དག་གི་ཁྲོད་ནས་ཀྱང་ས་བདག་ལ་མཆོད་པ་ཆེས་མང་སྟེ། མི་ལ་ན་ཚ་མེད་པ་དང་ཕྱུགས་ལ་གོད་ཁ་མེད་པ། ཞིང་ལ་ལོ་ལེགས་འབྱུང་བ་སོགས་ཀྱི་ཆེད་ལོ་རེའི་ཟླ5བའི་ཚེས28ཉིན། ཟླ6པའི་ཚེས5ཉིན་ས་བདག་ལ་མཆོད་པའི་སྲོལ་ཡོད་དོ། །


མཉམ་སྤྱོད།