མན་ཇུ་རིགས།

མན་ཇུ་རིགས（满族）གཙོ་བོ་ལིའོ་ཉིང་དང་ཅི་ལིན། ཧེ་ལུང་ཅང་བཅས་ཞིང་ཆེན་གསུམ་དུ་འདུས་སྡོད་བྱས་ཡོད་ཅིང་། དེ་ལས་ལིའོ་ཉིང་དུ་སྡོད་པའི་མན་ཇུ་རིགས་ཧ་ཅང་མང་ལ། གཞན་ད་དུང་ཧོ་པེ་དང་ཞིན་ཅང་། ཀན་སུའུ། ཉིང་ཞ། ཧྲན་ཏུང་སོགས་ཞིང་ཆེན་དང་པེ་ཅིན། ཁྲིན་ཏུའུ། ཞི་ཨན། ཀོང་ཀྲིག་སོགས་གྲོང་ཁྱེར་དུ་ཡང་ཐོར་སྡོད་བྱས་ཡོད། མན་ཇུ་རིགས་ལ་ཁྱོན་སྡོམ་མི་གྲངས10387950ལྷག་ཡོད་པ་དང་ཁོ་ཚོར་རང་གི་ཡི་གེ་ཡོད་མོད། དེང་སང་རྒྱ་ཡིག་བཀོལ་སྤྱོད་བྱེད་བཞིན་ཡོད། སྔོན་ཆད་མན་ཇུ་པས་རལ་བ་རིང་བོ་འཇོག་པ་དང་མགོ་ལ་ཞྭ་ནག་སྒོར་སྒོར་གོན། སྐྱེས་མ་ཚོས་མཚམ་ཕྱུ་གོན་པ་དང་མདོག་ལྡན་གོས་རིགས་ཀྱི་སྟོད་ཐུང་གོན། བཅིངས་འགྲོལ་བཏང་བའི་རྗེས་སུ་མན་ཇུ་དང་རྒྱ་རིགས་བར་གྱི་འབྲེལ་བ་ཇེ་དམ་དུ་སོང་བས་རྒྱན་གོས་ཀྱང་རྒྱ་རིགས་དང་ཕལ་ཆེར་འདྲ། འོན་ཀྱང་མན་ཇུའི་མཚལ་ཕྱུ་དུས་རིམ་ཇི་འདྲ་མང་བོ་བརྒྱུད་ནའང་གྲངས་ཉུང་མི་རིགས་གཞན་པའི་སྐྱེས་མ་ཚོ་ཧ་ཅང་དགའ་བའི་གྱོན་ཆས་སུ་གྱུར་ཡོད། མན་ཇུ་རིགས་ཀྱི་རྩོམ་རིག་ནི་དམངས་ཁྲོད་རྩོམ་རིག་དང་རྩོམ་པ་པོའི་རྩོམ་རིག་གཉིས་ལས་གྲུབ། རྩོམ་རིག་ནང་དུ་ལྷ་སྒྲུང་དང་གཏམ་རྒྱུད། ངག་རྒྱུན། དམངས་གླུ། གཞས་གཏམ་སོགས་འདུས་ཡོད། གཞས་གཏམ་རིང་བོ《ཉིས་ཧྲན་ས་མན་གྱི་རྟོགས་བརྗོད》ལ་རིན་ཐང་ངེས་ཅན་ཞིག་ལྡན་ལ། དེ་ནི་མན་ཇུ་ཡིག་རིགས་ཀྱི་རྩོམ་རིག་བརྩམས་ཆོས་དཀོན་པོ་ཞིག་ཡིན་པས། མན་ཇུ་རིགས་ཀྱི་“ལོ་རྒྱུས་སྙན་ངག”ཅེས་བརྗོད། སྙན་ངག་མཁན་གུའུ་ཁྲུང་ནི་ཆིང་རྒྱལ་རབས་སྐབས་སུ་སྙིན་ཚིག་མཁས་ཅན་མ་ཞེས་མིང་གྲགས་ཆེ་ལ། དེང་རབས་ཀྱི་སྒྲུང་གཏམ་མཁན་དང་། ཟློས་གར་མཁན་འོ་ཧྲེ་ནི“མི་དམངས་རྒྱུ་རྩལ་པ”ཞེས་གཟེངས་བསྟོད་ཐོབ་ཡོད། ཁོང་གི《ཇ་ཁང》དང《རྔ་མོང་ཞང་ཙི》སོགས་ལ་མང་ཚོགས་རྣམས་ཧ་ཅང་དགའ། 

མན་ཇུ་རིགས་ནི་པོ་པོ（མན་ཇུའི་སྐད་དེ་ཇས་རིགས་ཤིག）ཟ་བར་ཧ་ཅང་དགའ། ཁོ་ཚོས་དུས་ཚོགས་དང་བསྟུན་ནས་པོ་པོ་གཡོ་སྐོལ་བྱེད་ལ་དེ་ལས་གཞན་ཕག་ཤ་ཟ་བར་ཡང་ཧ་ཅང་དགའ། ཁོ་ཚོས་ཁྱི་ཤ་མི་ཟ་ཞིང་ཁྱི་ལྤགས་ཀྱིས་བཟོས་པའི་གྱོན་ཆས་རིགས་གཏན་ནས་མི་གོན། 

མན་ཇུ་རིགས་ཀྱིས་ཧོར་ཟླ1པོའི་ཚེས8ནི་ཤཱཀྱ་མུ་ནེ་ཐུབ་བསྟན་པའི་ཉིན་མོ་ཡིན་པར་བཤད་པས། ཐུབ་བསྟན་ཆོས་ལུགས་ཀྱི་དགོན་པ་ཚང་མས་ཆོས་འདོན་མཛད་སྒོ་བསྡུས་ནས་སིལ་ཏོག་རིགས་ཀྱི་མཆོད་པ་འབུལ། མན་ཇུ་རིགས་ཀྱི་སྲོལ་རྒྱུན་གྱི་ལུས་རྩལ་བྱ་འགུལ་ནི་ཁ་བའི་ནང་འགྲོ་བ་དང་། དར་ཤུད། འཇུ་རེས། རི་དྭགས་རྔོན་པ་སོགས་ཡོད།