མཚོ་སྔོན་ཞིང་ཆེན་མི་དམངས་སྲིད་གཞུང་།          དེ་རིང་ནི 2024ལོའི་ཟླ06ཚེས14ཡིན།
རྒྱ་ཡིག    |    汉语
མདུན་ངོས། མགོ་ཁྲིད་སྒེའུ་ཁུང་། གསར་ཐོས་གལ་ཆེན། ཆ་འཕྲིན་གསལ་སྒྲོག བསམ་འཆར་བརྗེ་རེས། དག་སྣང་མཚོ་བྱང་། མི་རིགས་མཐུན་སྒྲིལ། བརྙན་གཟུགས་ལྟེ་གནས། སྲིད་པའི་གཏམ་ཚོགས།

མཚོ་བྱང་ཁུལ་མི་དམངས་སྲིད་གཞུང་གི《མཚོ་བྱང་ཁུལ་གྱི་དབུལ་ལོག་སྔོན་འགོག་འགུལ་རྣམ་རྟོག་འཇལ་དང་རོགས་སྐྱོར་རྐྱེན་སྲོལ་ལག་བསྟར་བྱེད་ཐབས(ཚོད་ལྟ)》དཔར་འགྲེམ་བྱས་པའི་སྐོར་གྱི་བརྡ་སྦྱོར།

2022-12-22 11:13:05   |   535

བྱང་སྲིད﹝2022﹞ཨང24པ། 

རྫོང་སོ་སོའི་མི་དམངས་སྲིད་གཞུང་དང་མཚོ་སྔོན་པོ་ཞིང་ར། ཁུལ་སྲིད་གཞུང་གི་སྡེ་ཁག་སོ་སོར། 

《མཚོ་བྱང་ཁུལ་གྱི་དབུལ་ལོག་སྔོན་འགོག་འགུལ་རྣམ་རྟོག་འཇལ་དང་རོགས་སྐྱོར་རྐྱེན་སྲོལ་ལག་བསྟར་བྱེད་ཐབས(ཚོད་ལྟ)》དེ2022ལོའི་ཟླ4ཚེས15ཉིན་ཁུལ་སྲིད་གཞུང་གི་རྒྱུན་ལས་ཚོགས་འདུ་ཐེངས14པའི་ཐོག་ཞིབ་འཇུག་བྱས་ནས་གྲོས་འཆམ་བྱུང་། ད་ལྟ་དཔར་འགྲེམ་བྱེད་རྒྱུ་ཡིན་པས་དོན་དངོས་དང་ཟུང་འབྲེལ་བྱས་ཏེ་ལག་བསྟར་དོན་འཁྱོལ་ནན་ཏན་བྱེད་དགོས། 

མཚོ་བྱང་ཁུལ་མི་དམངས་སྲིད་གཞུང་། 

2022ལོའི་ཟླ4ཚེས27ཉིན། 

མཚོ་བྱང་ཁུལ་གྱི་དབུལ་ལོག་སྔོན་འགོག་འགུལ་རྣམ་རྟོག་འཇལ་དང་རོགས་སྐྱོར་རྐྱེན་སྲོལ་ལག་བསྟར་བྱེད་ཐབས(ཚོད་ལྟ)།

ལེའུ་དང་པོ། སྤྱིའི་རྩ་དོན། 

དོན་ཚན་དང་པོ། དབུལ་ལོག་སྔོན་འགོག་འགུལ་རྣམ་རྟོག་འཇལ་དང་རོགས་སྐྱོར་རྐྱེན་སྲོལ་འཐུས་ཚང་དུ་བཟོ་བ། ལམ་ལུགས་ཐོག་ནས་དབུལ་ལོག་དབུལ་འགྱུར་གྱི་གནད་དོན་སྔོན་འགོག་དང་ཐག་གཅོད་བྱས་ཏེ། གཞི་ཁྱོན་རང་བཞིན་གྱི་དབུལ་ལོག་མི་བྱེད་པའི་མ་མཐའ་མཐའ་གཅིག་ཏུ་སྲུང་ཆེད། ཀྲུང་དབྱང་ཞིང་སྡེ་ལས་དོན་མགོ་ཁྲིད་ཚན་ཆུང་གི《དབུལ་ལོག་སྔོན་འགོག་འགུལ་རྣམ་རྟོག་འཇལ་དང་རོགས་སྐྱོར་རྐྱེན་སྲོལ་འཐུས་ཚང་དུ་གཏོང་བའི་སྐོར་གྱི་མཛུབ་ཁྲིད་བསམ་འཆར》(ཀྲུང་གོ་ཞིང་ལས་ཚན་ཆུང་གིས་འགྲེམ་སྤེལ་བྱས་པའི﹝2021﹞ཨང7པ)དང་མཚོ་སྔོན་ཞིང་ཆེན་གྱི་གྲོང་གསེབ་དར་སྤེལ་མགོ་ཁྲིད་ཚན་ཆུང་《མཚོ་སྔོན་ཞིང་ཆེན་གྱིས་དབུལ་ལོག་སྔོན་འགོག་འགུལ་རྣམ་རྟོག་འཇལ་དང་རོགས་སྐྱོར་རྐྱེན་སྲོལ་འཐུས་ཚང་དུ་གཏོང་བའི་ལག་བསྟར་ཇུས་གཞི་དཔར་འགྲེམ་བྱས་པའི་སྐོར་གྱི་བརྡ་སྦྱོར》(མཚོ་སྔོན་གྲོང་གསེབ་དར་སྤེལ་ཚན་ཆུང་གི﹝2021﹞ཨང1པ)གཞིར་བཟུང་ཞིང་། རང་ཁུལ་གྱི་དོན་དངོས་ཟུང་འབྲེལ་གྱིས་བྱེད་ཐབས་འདི་གཏན་འབེབས་བྱས་པ་ཡིན།

དོན་ཚན་གཉིས་པ། བྱེད་ཐབས་འདི་རོང་འབྲོག་ཁུལ་གྱི་ཁྱིམ་ཚང་གི་ཡོང་འབབ་ཅུང་དམའ་བ་མ་ཟད། དབུལ་ལོག་དབུལ་འགྱུར་གྱི་ཉེན་ཁ་ཡོད་པའི་ཞིང་སྡེ་དང་འབྲོག་ཁུལ་གྱི་མི་འབོར་ལ་བེད་སྤྱོད་འཚམ་ཞིང་། གནས་ཚུལ་ལ་རྟོག་འཇལ་དང་གནད་ཁེལ་རོགས་སྐྱོར་བྱས་པ་བརྒྱུད་དབུལ་ལོག་དབུལ་འགྱུར་གྱི་ཉེན་ཁ་གོ་རིམ་ལྡན་པའི་ངང་སེལ་དགོས། 

དོན་ཚན་གསུམ་པ། ལོ་རེར་མི་རེའི་ཆ་སྙོམས་ཡོང་འབབ་རྐྱང་བ་སྒོར6700མ་མཐའ་རུ་བྱས་ཏེ(མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་དེ་ཞིང་ཆེན་རིམ་པས་ཡོངས་བསྒྲགས་བྱས་པའི་ཚད་གཞི་གཞིར་བཟུང་ནས་དུས་བཅད་ལྟར་ལེགས་སྒྲིག་བྱེད་པ)། ཁུལ་ཡོངས་ཀྱི་རོང་འབྲོག་ཁུལ་གྱི་མི་འབོར་ཁྲོད། ཡོང་འབབ་དེ་གཏན་འབེབས་ཀྱི་མ་མཐའ་ལས་དམའ་བ་དང་དབུལ་ལོག་དབུལ་འགྱུར་གྱི་ཉེན་ཁ་ཡོད་པའི་རོང་འབྲོག་དུད་ཚང་དང་། གནས་སྤོ་རོགས་སྐྱོར(དུས་མཉམ་གནས་སྤོ་ཚུད)སོགས་མཁར་གྲོང་གི་ཐེམ་ཐོ་དང་གྲོང་ཁྱེར་འཆར་འགོད་ཁུལ་དུ་གནས་སྡོད་བྱས་པའི‘ཞིང་བའི་ཐེམ་ཐོ་ནས་དེ་མིན་པར་བསྒྱུར’བའི་མི་འབོར་དང་། དོན་དངོས་ཐོག་མཉམ་དུ་འཚོ་བ་རོལ་བའི་ཁྱིམ་ཚང་གི་ཁོངས་མི་དེ་མཁར་གྲོང་གི་ཐེམ་ཐོ་ཡིན་པའམ་ཡང་ན། ཐུན་མོང་གི་ཐེམ་ཐོ་ཡིན་པའི་མི་འབོར་ཁྲོད། མཁར་གྲོང་སོགས་ཀྱི་འབྲེལ་ཡོད་འགན་སྲུང་སྲིད་ཇུས་ལོངས་སྤྱོད་བྱས་མེད་པ་དང་། ཡོང་འབབ་གྱི་མ་མཐའ་ལས་དམའ་ཞིང་དབུལ་ལོག་དབུལ་འགྱུར་གྱི་ཉེན་ཁ་ཡོད་པའི་རོང་འབྲོག་དུད་ཚང་ཡིན།

དོན་ཚན་བཞི་པ། གཞི་རྩའི་རྩ་དོན། 

——ཕྱོགས་ཡོངས་ལ་ཁྱབ་པ་དང་གཙོ་གནད་ཞིབ་བཤེར་མཐའ་འཁྱོངས་བྱེད་དགོས། གཅིག་སྡུད་གྲལ་བཤེར་དང་རང་བདག་གིས་སྙན་ཞུ། དུས་རྒྱུན་གྲལ་བཤེར། སྡེ་ཁག་སྔོན་ཟོན། འབྲེལ་ཡོད་རྟོག་འཇལ་སོགས་ཀྱི་བྱེད་ཐབས་སྤྱད་དེ་ཉེན་ཁའི་ཁུངས་སྣེ་ཕྱོགས་ཡོངས་ནས་བསྡུ་རུབ་བྱེད་པ་དང། དབུལ་ལོག་དབུལ་འགྱུར་གྱི་ཉེན་ཁ་ཡོད་པའི་རོང་འབྲོག་དུད་ཚང་ལ་གཙོ་གནད་ཐོག་ཞིབ་བཤེར་བྱས་ནས་དུད་ཚང་གཅིག་དང་མི་གཅིག་ཀྱང་མི་ལུས་པ་འགན་སྲུང་བྱེད་དགོས། 

——དངོས་ཐོག་བདེན་འཚོལ་དང་གནས་ཚུལ་རྟོག་འཇལ་མཐའ་འཁྱོངས་བྱེད་དགོས། “སེམས་ཁྲལ་མེད་པ་གཉིས་དང་འགན་སྲུང་གསུམ”དང་དེ་བཞིན་འཐུང་ཆུའི་བདེ་འཇགས་དང་ཡོང་འབབ་གཏོང་སྒོའི་གནས་ཚུལ་སོགས་ལ་དམིགས་ནས་དབུལ་ཐར་བརྟན་པོ་མེད་པའི་དུད་ཚང་དང་། བས་མཐའི་དབུལ་འགྱུར་སླ་བའི་དུད་ཚང་། ཐོལ་བྱུང་དཀའ་ངལ་ཚབས་ཆེན་ཡོད་པའི་དུད་ཚང་བཅས་ཀྱི་གནས་ཚུལ་ལ་རྟོག་འཇལ་བྱས་ཏེ། “འཇུག་འོས་ཡོངས་འཇུག་དང་སྐྱོར་འོས་ཡོངས་སྐྱོར། སེལ་འོས་ཡོངས་སེལ”བཅས་ལག་བསྟར་བྱེད་དགོས། 

——མཐུན་སྦྱོར་སྐུལ་སྤེལ་དང་རིགས་དབྱེ་ཇུས་བསྟར་མཐའ་འཁྱོངས་བྱེད་དགོས། སྲིད་གཞུང་གིས་གཙོ་ཁྲིད་དང་རོང་འབྲོག་མང་ཚོགས་གཙོ་གཞི་ཡིན་པ་མཐའ་འཁྱོངས་ཀྱིས་ལས་རིགས་སྡེ་ཁག་སོ་སོའི་ནུས་པ་འདོན་སྤེལ་དང་སྤྱི་ཚོགས་ཀྱི་སྟོབས་ཤུགས་ཞུགས་རྒྱུར་སྐུལ་སློང་བྱེད་དགོས་པ་དང་། དུད་ཚང་དང་མིའི་གནས་ཚུལ་ལ་གཞིགས་ནས་རོགས་སྐྱོར་བྱེད་ཐབས་དོན་འཁྱོལ་བྱས་ཏེ། ངལ་རྩོལ་ནུས་པ་ཡོད་མཁན་ལ་ཐོན་ལས་གོང་འཕེལ་གཏོང་རྒྱུར་རྒྱབ་སྐྱོར་དང་། ལས་ཞུགས་ལ་སྐུལ་འདེད་གཏོང་བ་སོགས་གསར་སྤེལ་རྣམ་པའི་རོགས་སྐྱོར་བྱེད་ཐབས་དོན་འཁྱོལ་བྱེད་དགོས། ངལ་རྩོལ་ནུས་པ་མེད་རིགས་ལ་ཕྱོགས་བསྡུས་རང་བཞིན་གྱི་སྤྱི་ཚོགས་འགན་སྲུང་བྱེད་ཐབས་དོན་འཁྱོལ་བྱེད་དགོས། 

——ཁྲིམས་དང་སྒྲིག་སྲོལ་ལྟར་སྒྲུབ་པ་དང་། མང་ཚོགས་ཀྱིས་ཁས་ལེན་པ་མཐའ་འཁྱོངས་བྱེད་དགོས། རོང་འབྲོག་དུད་ཚང་གི་འདོད་བློར་བརྩི་འཇོག་བྱས་ནས་མི་སྒེར་གྱི་ཆ་འཕྲིན་ཁྲིམས་ལྟར་ལེན་པ་དང་འབྲེལ་ཏེ་ཆ་འཕྲིན་བདེ་འཇགས་འགན་སྲུང་བྱེད་དགོས་ཤིང་། གོ་རིམ་ཚད་ལྡན་ནན་པོ་བཟོ་བ་དང། དམངས་གཙོ་ཡོངས་བསྒྲགས་དོན་འཁྱོལ་བྱེད་པ། སྤྱི་ཚོགས་ཀྱི་ལྟ་སྐུལ་དང་མང་ཚོགས་ཀྱི་ལྟ་སྐུལ་ནུས་པ་འདོན་སྤེལ་བྱེད་པ་བཅས་བྱས་ནས་མང་ཚོགས་ཀྱི་བདེ་རྩར་ཐུག་པའི་ཁེ་ཕན་འགན་སྲུང་ཏན་ཏིག་བྱེད་དགོས། 

དོན་ཚན་ལྔ་པ། དབུལ་ལོག་སྔོན་འགོག་འགུལ་རྣམ་རྟོག་འཇལ་དང་རོགས་སྐྱོར་ལས་དོན་དེ་ཁུལ་དང་རྫོང་གི་གྲོང་གསེབ་དར་སྤེལ་སྡེ་ཁག་གིས་སྣེ་ཁྲིད་དེ་སྤྱི་ཡོངས་ལ་དམ་འཛིན་བྱེད་པ་དང་། འབྲེལ་ཡོད་ལས་རིགས་སྡེ་སོ་སོའི་འགན་འཁྲི་གཞིར་བཟུང་ནས་ཆ་འཕྲིན་སྔོན་ཟོན་དང་གྲངས་གཞི་ཞིབ་བསྡུར། ལས་རིགས་རོགས་སྐྱོར་བཅས་ཡག་པོ་བྱེད་དགོས། 

ལེའུ་གཉིས་པ། རྟོག་འཇལ་བྱ་ཡུལ།

དོན་ཚན་དྲུག་པ། རོང་འབྲོག་ཁུལ་གྱི་ཁྱིམ་ཚང་དེ་རྩིས་གཞི་བྱས་ཏེ་དབུལ་ཐར་བརྟན་པོ་མེད་པའི་དུད་ཚང་དང་བས་མཐའི་དབུལ་འགྱུར་སླ་བའི་དུད་ཚང་། དེ་བཞིན་ནད་དང་གནོད་འཚེ། བསམ་ཡུལ་ལས་འདས་པའི་ཆག་སྒོ་སོགས་བྱུང་བས་འགྲོ་སོང་ཆེ་བའམ་ཡང་ན་ཡོང་འབབ་ཇེ་ཉུང་དུ་ཕྱིན་ནས་གཞི་རྩའི་འཚོ་བར་དཀའ་ངལ་ཚབས་ཆེན་འཕྲད་པ་བཅས་ཀྱི་དུད་ཚང་ལ་རྟོག་འཇལ་བྱེད་དགོས། རོང་འབྲོག་ཁུལ་དུ་ནད་གཞི་ལྕི་མོ་ཕོག་པའི་ནད་པ་དང་ཁུར་པོ་ལྕི་བའི་དལ་འཕར་ནད་པ། དབང་སྐྱོན་ཚབས་ཆེན་ཅན། ངལ་རྩོལ་ནུས་པ་ཤོར་བའི་དམིགས་བསལ་དཀའ་ངལ་ཡོད་པའི་རྒན་པ་སོགས་དམིགས་བསལ་རིགས་ཚོགས་ཁྱིམ་ཚང་ལ་གཙོ་གནད་ཀྱིས་དོ་ཁུར་བྱེད་དགོས། 

དབུལ་ཐར་བརྟན་པོ་མེད་པའི་དུད་ཚང། ཁྱིམ་ཚང་གི་ལོ་རེའི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་དེ་རྟོག་འཇལ་གྱི་ཁྱབ་ཁོངས་ལས་དམའ་བ་དང་། ནད་དང་གནོད་འཚེ། བསམ་ཡུལ་ལས་འདས་པའི་ཆག་སྒོ་སོགས་བྱུང་བས་ཐོན་སྐྱེད་དང་འཚོ་བར་དཀའ་ངལ་ཚབས་ཆེན་བཟོས་པའམ། ཡང་ན“འགན་སྲུང་གསུམ”དང་བདེ་འཇགས་འཐུང་ཆུར་གནད་དོན་མངོན་གསལ་བྱུང་ནས། རང་ངོས་ཀྱི་སྟོབས་ཤུགས་ལ་བརྟེན་ནས་ཐག་གཅོད་བྱེད་དཀའ་ཞིང། དབུལ་ལོག་གི་ཉེན་ཁ་ཡོད་པའི་དབུལ་ཐར་དུད་ཚང་ལ་ཟེར། 

བས་མཐའི་དབུལ་འགྱུར་སླ་བའི་དུད་ཚང་། ཁྱིམ་ཚང་གི་ལོ་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་དེ་རྟོག་འཇལ་གྱི་ཁྱབ་ཁོངས་ལས་དམའ་བ་དང་། ནད་དང་གནོད་འཚེ། བསམ་ཡུལ་ལས་འདས་པའི་ཆག་སྒོ་སོགས་བྱུང་བས་ཐོན་སྐྱེད་དང་འཚོ་བར་དཀའ་ངལ་ཚབས་ཆེན་བཟོས་པའམ། ཡང་ན“འགན་སྲུང་གསུམ”དང་བདེ་འཇགས་འཐུང་ཆུར་གནད་དོན་མངོན་གསལ་བྱུང་ནས། རང་ངོས་ཀྱི་སྟོབས་ཤུགས་ལ་བརྟེན་ནས་ཐག་གཅོད་བྱེད་དཀའ་ཞིང་། དབུལ་ལོག་གི་ཉེན་ཁ་ཡོད་པའི་རོང་འབྲོག་དུད་ཚང་དཀྱུས་མ་ལ་ཟེར། 

ཐོལ་བྱུང་དཀའ་ངལ་ཚབས་ཆེན་ཡོད་པའི་དུད་ཚང། ཁྱིམ་ཚང་གི་ལོ་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་དེ་རྟོག་འཇལ་གྱི་ཁྱབ་ཁོངས་ལས་ཅུང་མཐོ་བ་ཡོད་མོད། འོན་ཀྱང་ནད་དང་གནོད་འཚེ། བསམ་ཡུལ་ལས་འདས་པའི་ཆག་སྒོ་སོགས་ཀྱི་གནས་ཚུལ་བྱུང་བས་འགྱུར་མེད་རང་བཞིན་གྱི་གཏོང་སྒོ་ཅུང་ཆེ་བའམ་ཡང་ན་ཡོང་འབབ་ཆེས་ཆེར་ཉུང་དུ་ཕྱིན་ནས། ཁྱིམ་ཚང་གི་དཔལ་འབྱོར་ལ་དཀའ་ངལ་ཚབས་ཆེན་བཟོས་ཤིང་། གཞི་རྩའི་ཐོན་སྐྱེད་དང་འཚོ་བར་ཤུགས་རྐྱེན་ཚབས་ཆེན་ཐེབས་པས། རང་ངོས་ཀྱི་སྟོབས་ཤུགས་ལ་བརྟེན་ནས་དཀའ་ངལ་སེལ་དཀའ་བ་དང་དབུལ་ལོག་དབུལ་འགྱུར་གྱི་ཉེན་ཁ་ཡོད་པའི་རོང་འབྲོག་དུད་ཚང་ལ་ཟེར། 

ཡུལ་གཞན་དུ་གནས་སྤོར་རོགས་སྐྱོར་དང་དུས་མཉམ་གནས་སྤོར་སོགས་ལས་མཁར་གྲོང་གི་ཐེམ་ཐོར་རུ་བསྒྱུར་ཀྱང་མཁར་གྲོང་སྡེ་དམངས་ཀྱི་འབྲེལ་ཡོད་འགན་སྲུང་བྱེད་ཐབས་དང་ཐོབ་ཐང་ལོངས་སྤྱོད་ཐུབ་མེད་པའི་མི་འབོར་དང་། མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་རྟོག་འཇལ་གྱི་ཁྱབ་ཁོངས་ལས་དམའ་བ་མ་ཟད། དབུལ་ལོག་དབུལ་འགྱུར་གྱི་ཉེན་ཁ་ཡོད་པའི་རོང་འབྲོག་དུད་ཚང་རྟོག་འཇལ་གྱི་ཁྱབ་ཁོངས་ནང་འཇུག་དགོས། 

“འགན་སྲུང་གསུམ”དང་བདེ་འཇགས་འཐུང་ཆུ་ཐག་གཅོད་ནུས་ལྡན་ཡིན་པ་དང་། ཡོང་འབབ་རྒྱུན་མཐུད་བརྟན་པོ་ཡིན་པ་མ་ཟད། དབུལ་ལོག་དབུལ་འགྱུར་གྱི་ཉེན་ཁ་མེད་པའི་རིགས་དེ། གཙོ་གནད་དོ་ཁུར་བྱེད་པའི་མི་ཚོགས་སུ་བྱས་ཏེ། རྟོག་འཇལ་དང་རོགས་སྐྱོར་བྱ་ཡུལ་གྱི་ཁྱབ་ཁོངས་ནང་མི་འཇུག་པ་ཡིན། 

དོན་ཚན་བདུན་པ། རྟོག་འཇལ་བྱ་ཡུལ་གྱི་རྟོག་འཇལ་ལས་བྱུང་པའི་ཉེན་ཁར་ངོས་འཛིན་ཡང་དག་བྱས་ཏེ། ནད་དང་སློབ་སྦྱོང་། བདེ་འཇགས་སྡོད་ཁང་། བདེ་འཇགས་འཐུང་ཆུ། དབང་སྐྱོན། རང་བྱུང་གནོད་འཚེ(ཆུ་ལོག་གནོད་འཚེ་དང་ས་གཤིས་གནོད་འཚེ། ཐན་སྐྱོན། སྐྱེ་དངོས་གནོད་འཚེ། གནམ་གཤིས་གནོད་འཚེ། ས་ཡོམ་གནོད་འཚེ་སོགས)། བསམ་ཡུལ་ལས་འདས་པའི་ཆག་སྒོ། ཐོན་ལས་རྣམ་གྲངས་ལ་ཕམ་ཉེས་བྱུང་བ། གླ་རྒྱག་ལས་ཞུགས་མི་བརྟན་པའམ་ལས་ཤོར། ངལ་རྩོལ་ནུས་ཤུགས་མེད་པ། གཞན་དག་སོགས་རྒྱུ་རྐྱེན་གྱི་ཉེན་ཁའི་རིགས་དབྱེ་དགོས།

ལེའུ་གསུམ་པ། རྟོག་འཇལ་གྱི་ནང་དོན།

དོན་ཚན་བརྒྱད་པ། ཁྱིམ་ཚང་གི་གཏོང་ཡོང་དང་རྒྱུ་ནོར་གྱི་གནས་ཚུལ། དབུལ་ཐར་བརྟན་པོ་མེད་པའི་དུད་ཚང་དང་བས་མཐའི་དབུལ་འགྱུར་སླ་བའི་དུད་ཚང་། དེ་བཞིན་ནད་དང་གནོད་འཚེ། བསམ་ཡུལ་ལས་འདས་པའི་ཆག་སྒོ་སོགས་ཀྱི་གནས་ཚུལ་བྱུང་བས་འགྱུར་མེད་རང་བཞིན་གྱི་གཏོང་སྒོ་ཅུང་ཆེ་བའམ་ཡང་ན་ཡོང་འབབ་ཆེས་ཆེར་ཉུང་དུ་ཕྱིན་ནས། གཞི་རྩའི་འཚོ་བར་དཀའ་ངལ་ཚབས་ཆེན་བྱུང་བའི་དུད་ཚང་རྣམས་དམངས་སྲིད་ཀྱི་ཡོང་འབབ་དམའ་བ་དང་གཏོང་སྒོ་ཅན་གྱི་མི་འབོར་དབུལ་པོར་ངོས་འཛིན་པ་དང་རྟོག་འཇལ་བྱེད་ཁོངས་སུ་འཇུག་དགོས། རྟོག་འཇལ་དང་རོགས་སྐྱོར་བྱ་ཡུལ་གྱི་ཁྱིམ་ཚང་གི་ཁོངས་མིའི་ངོས་འཛིན་དང་ཁྱིམ་ཚང་གི་ཡོང་འབབ་རྩིས་རྒྱག “འགྱུར་མེད་ཀྱི་གཏོང་སྒོ་མང་བའི”ཚད་འཇལ་ཚད་གཞི། ཁྱིམ་ཚང་གི་རྒྱུ་ནོར་གནས་ཚུལ་དང་དེ་བཞིན་རྟོག་འཇལ་བྱ་ཡུལ་དུ་མི་འཇུག་པའི་གནས་ཚུལ་སོགས《མཚོ་སྔོན་ཞིང་ཆེན་གྱི་གྲོང་ཁྱེར་དང་ཞིང་སྡེའི་ཡོང་འབབ་དམའ་བའི་ཁྱིམ་ཚང་ངོས་འཛིན་བྱེད་ཐབས》(མཚོ་སྔོན་དམངས་སྲིད་སྤེལ་གཏོང﹝2020﹞ཨང73པ)དང་། 《མཚོ་སྔོན་ཞིང་ཆེན་གྱི་གྲོང་ཁྱེར་དང་ཞིང་སྡེའི་གཏོང་སྒོ་ཅན་གྱི་དབུལ་ཕོངས་ངོས་འཛིན་བྱེད་ཐབས》(མཚོ་སྔོན་དམངས་སྲིད་སྤེལ་གཏོང﹝2020﹞ཨང105པ)གཞིར་བཟུང་ནས་ལག་བསྟར་བྱེད་པ་དང་། དམངས་སྲིད་སྡེ་ཁག་སོ་སོས་གཅིག་གྱུར་གྱིས་ངོས་འཛིན་དང་རྟོག་འཇལ་བྱེད་དགོས།

དོན་ཚན་དགུ་པ། “འགན་སྲུང་གསུམ”དང་འཐུང་ཆུའི་བདེ་འཇགས་ཀྱི་ཉེན་ཁའི་གནས་ཚུལ། གཙོ་བོ་འོས་འགན་སློབ་གསོ་དང་གཞི་རྩའི་སྨན་བཅོས། སྡོད་ཁང་བདེ་འཇགས། འཐུང་ཆུའི་བདེ་འཇགས་བཅས་བརྟན་པོའི་ངང་མངོན་འགྱུར་བྱུང་བའི་གནས་ཚུལ་ལ་རྟོག་འཇལ་བྱེད་དགོས། གཅིག་ནས་འོས་འགན་སློབ་གསོའི་ཐད་གཙོ་བོ་ཁྱིམ་ཚང་གི་དཔལ་འབྱོར་དཀའ་ངལ་ཡོད་པའམ་ཡང་ན་སློབ་གཉེར་ཆ་རྐྱེན་འགན་སྲུང་ཡག་པོ་མ་བྱུང་བའི་རྐྱེན་གྱིས་སློབ་ལོ་རན་པའི་ལོ་ཆུང་བྱིས་པ་སློབ་བསྐྱུར་སློབ་བྱོལ་བྱེད་པའི་རོང་འབྲོག་དུད་ཚང(གཟུགས་པོའི་དབང་གིས་སློབ་སྦྱོང་གི་ཆ་རྐྱེན་འཛོམས་མེད་པ་ཕུད)ལ་རྟོག་འཇལ་བྱེད་པ་དང་། གཉིས་ནས་གཞི་རྩའི་སྨན་བཅོས་ཐད་གཙོ་བོ་ནད་གཞིའི་དབང་གིས་འགྱུར་མེད་འགྲོ་སོང་ཆེ་རུ་སོང་ཞིང་། གཞི་རྩའི་འཚོ་བར་དཀའ་ངལ་ཚབས་ཆེན་བྱུང་བའི་རོང་འབྲོག་དུད་ཚང་ལ་རྟོག་འཇལ་བྱེད་པ། གསུམ་ནས་སྡོད་ཁང་གི་བདེ་འཇགས་ཐད་གཙོ་བོ་སྡོད་སའི་ཁང་པ་དེ་རང་སྡོད་སའི་ཁང་པ་ཉག་ཅིག་ཡིན་པ་མ་ཟད། བདེ་འཇགས་རིམ་པ་དེ་རིམ་པCའམ་ཡང་ན་རིམ་པDཡིན་པའི་རོང་འབྲོག་དུད་ཚང་ལ་རྟོག་འཇལ་བྱེད་པ། བཞི་ནས་འཐུང་ཆུའི་བདེ་འཇགས་ཐད་དབུལ་ཐར་འགག་སྒྲོལ་གྱི་ཞིང་སྡེའི་འཐུང་ཆུའི་བདེ་འཇགས་ཞིབ་བཤེར་རྩིས་ལེན་གྱི་ཚད་གཞི་ལྟར། གཙོ་བོ་རང་བྱུང་གནོད་འཚེ་དང་ཆུ་ཁུངས་འགྱུར་ལྡོག་སོགས་ཀྱི་དབང་གིས་འཐུང་ཆུའི་བདེ་འཇགས་ལ་ཤུགས་རྐྱེན་ཚབས་ཆེན་ཐེབས་པའི་རོང་འབྲོག་དུད་ཚང་ལ་རྟོག་འཇལ་བྱེད་པ་བཅས་ཡིན།

ལེའུ་བཞི་པ། རྟོག་འཇལ་བྱེད་ཐབས།

དོན་ཚན་བཅུ་པ། རྟོག་འཇལ་བྱ་ཡུལ་མགྱོགས་མྱུར་ཤེས་རྟོགས་དང་དང་ལེན་བྱེད་པའི་རྐྱེན་སྲོལ་འཐུས་ཚང་དུ་བཏང་སྟེ། “དུད་ཚང་གཅིག་ཤེས་རྟོགས་བྱུང་ན་དེར་རྟོག་འཇལ། དེར་རོགས་སྐྱོར། དེ་འགུལ་རྣམ་དབུལ་ཐར་བྱས་པའི་”བླང་བྱ་ལྟར། རྟོག་འཇལ་བྱེད་སྟངས་འཐུས་ཚང་དུ་གཏོང་དགོས། རོང་འབྲོག་དུད་ཚང་གིས་རང་བདག་གིས་རེ་ཞུ་དང་གཞི་རིམ་ལས་བྱེད་པས་གྲལ་བཤེར། སྡེ་ཁག་སོ་སོས་གྲལ་བཤེར་སྔོན་ཟོན་སོགས་ཀྱི་བྱེད་ཐབས་བརྒྱུད། དབུལ་ལོག་དབུལ་འགྱུར་གྱི་ཉེན་ཁའི་གནས་དང་ཉེན་ཁའི་རྒྱུ་རྐྱེན། ཉེན་ཁའི་རིགས་ཚོགས་བཅས་དུས་ཐོག་ཏུ་གྲལ་བཤེར་བྱས་ནས་ཤེས་རྟོགས་ཐུབ་པ་བྱེད་དགོས། སྤྱི་ཚོགས་ཀྱི་ལྟ་སྐུལ་ཤེས་རྟོགས་ཐབས་ལམ་རྒྱ་ཆེར་བཏང་ནས་ཕན་ཚུན་ཁ་གསབ་དང་ཕན་ཚུན་མཐུན་སྦྱོར་བྱེད་དགོས། 

དོན་ཚན་བཅུ་གཅིག  རོང་འབྲོག་དུད་ཚང་གིས་རང་བདག་གིས་སྙན་ཞུ་འབུལ་བ། ཡུལ་ཚོ་དང་སྡེ་བའི་ལས་བྱེད་པ་དང་། 12317བློ་འདྲིའི་ཞབས་ཞུའི་ཁ་པར། དབུལ་འགོག་རྟོག་འཇལ་གྱི་ལག་ཐོགས་ཁ་པརAPPསོགས་ཀྱི་ཐབས་ལམ་བརྒྱུད། རོང་འབྲོག་དུད་ཚང་རང་ཉིད་དམ་ཡང་ན་གཞན་གྱིས་ཚབ་ཞུ་བྱེད་པ་དང་ལེན་བྱས་ཏེ། ཆ་རྐྱེན་དང་མཐུན་པའི་རིགས་གོ་རིམ་ལྟར་རྟོག་འཇལ་བྱ་ཡུལ་དུ་འཇུག་པ་དང། རོང་འབྲོག་དུད་ཚང་གི་ཁྱིམ་ཚང་དབུལ་ལོག་གམ་ཡང་ན་དབུལ་འགྱུར་གྱི་ཉེན་ཁ་ཡོད་ཚེ་རང་འགུལ་གྱིས་སྡེ་དམངས་ཨུ་ལྷན་ལ་རྟོག་འཇལ་བྱ་ཡུལ་ནང་འཇུག་པའི་རེ་ཞུ་བྱེད་ཆོག བཅར་འདྲི་གྲལ་བཤེར་དང་སྡེ་ཁག་ཞིབ་བཤེར་སྔོན་ཟོན་བྱས་ནས་ཤེས་རྟོགས་བྱུང་ཚེ། ལས་དོན་མི་སྣ་དུད་ཚང་དུ་སྐྱོད་སྐབས་རོང་འབྲོག་དུད་ཚང་ལ་མཛུབ་ཁྲིད་བྱས་ཏེ་སྡེ་དམངས་ཨུ་ལྷན་ལ་རེ་ཞུ་བྱེད་དགོས། ནུས་ཉམས་དང་རིག་སྐྱོན་སོགས་ཀྱི་དབང་གིས་རེ་ཞུ་བྱེད་ཐབས་བྲལ་བ་དང་དབུལ་ལོག་དབུལ་འགྱུར་གྱི་ཉེན་ཁ་ཡོད་པའི་རོང་འབྲོག་དུད་ཚང་ལ་སྡེ་དམངས་ཨུ་ལྷན་གྱིས་རོགས་རམ་བྱས་ནས་རེ་ཞུ་བྱེད་ཁོངས་སུ་འཇུག་དགོས། རྟོག་འཇལ་ཁྱབ་ཁོངས་ནང་འཇུག་པར་རེ་ཞུ་བྱེད་པའི་རོང་འབྲོག་དུད་ཚང་གིས་རང་གིས་མཁོ་འདོན་བྱེད་པའི་གནས་ཚུལ་དེ་བདེན་པ་བདེན་དྲང་ཡིན་པར་ཁས་ལེན་བྱེད་དགོས་པ་མ་ཟད། དམངས་སྲིད་སྡེ་ཁག་གི་བླང་བྱ་ལྟར། ཁྱིམ་ཚང་གི་རྒྱུ་ནོར་གནས་ཚུལ་འདྲི་རྩད་བྱེད་པར་དང་ལེན་བྱེད་དགོས། 

དོན་ཚན་བཅུ་གཉིས། གཞི་རིམ་ལས་བྱེད་པས་གྲལ་བཤེར་བྱེད་པ། སྡེ་དམངས་ཨུ་ལྷན་གྱི་ལས་བྱེད་པ་དང་སྡེ་སྡོད་ཧྲུའུ་ཅི་དང་པོ། སྡེ་སྡོད་ལས་དོན་རུ་མི། སྡེ་བའི་འགན་སྲུང་ལས་བྱེད་པ། སྡེ་བའི་སྨན་པ་སོགས་གཞི་རིམ་སྟོབས་ཤུགས་ལ་བརྟེན་པ་དང་། རྟོག་འཇལ་ཚན་ཆུང་བཙུགས་ནས་དུས་བཅད་དང་དུས་ངེས་མེད་ཐོག་རོང་འབྲོག་དུད་ཚང་ཡོངས་རྫོགས་ལ་བཅར་འདྲི་དང་གྲལ་བཤེར་བྱས་ཏེ། དབུལ་ལོག་དབུལ་འགྱུར་གྱི་ཉེན་ཁའི་མངོན་མེད་རྐྱེན་ངན་ལ་རྒྱུན་གཏན་རང་བཞིན་དང་རྒྱུན་རྣམ་ཅན་གྱི་གྲལ་བཤེར་སྔོན་ཟོན་བྱེད་པ་དང་། རྟོག་འཇལ་དང་རོགས་སྐྱོར་བྱེད་དགོས་པ་དུས་ཐོག་ཏུ་ཤེས་རྟོགས་བྱས་ཏེ། ཆ་རྐྱེན་དང་མཐུན་པའི་རིགས་གོ་རིམ་ལྟར་རྟོག་འཇལ་བྱ་ཡུལ་ནང་འཇུག་དགོས། རྫོང་རེ་རེ་སྡེ་ཚན་བགྱིས་ནས་སྟོབས་ཤུགས་རྩ་འཛུགས་སྒོས་ལོ་ཕྱེད་རེར་ཞིང་ཆེན་རིམ་པའི་གཅིག་གྱུར་བཀོད་སྒྲིག་ལྟར་ཉུང་མཐར་ཡང་གཅིག་སྡུད་གྲལ་བཤེར་ཐེངས་གཅིག་རེ་བྱེད་དགོས། 

དོན་ཚན་བཅུ་གསུམ། སྡེ་ཁག་ཞིབ་བཤེར་དང་ཆ་འཕྲིན་ཅན་གྱི་སྔོན་ཟོན། རྫོང་རིམ་པའི་སྨན་བཅོས་འགན་སྲུང་དང་འཕྲོད་བསྟེན་བདེ་ཐང། སློབ་གསོ། སྡོད་ཁང་འཛུགས་སྐྲུན། མི་སྤྱི། དམངས་སྲིད། ཞིང་ཕྱུགས་ཚན་རྩལ། ཆུ་བེད། ནགས་ལས་རྩྭ་ཐང་། སྤྱི་བདེ། དབང་སྐྱོན་མཉམ་འབྲེལ། འཚུབ་བསྟུན་དོ་དམ། ངོ་བཅར་ཞུ་གཏུག་སོགས་འབྲེལ་ཡོད་ལས་རིགས་སྡེ་ཁག་སོ་སོས་ལས་རིགས་ཀྱི་གྲངས་གཞི་ཞིབ་བཤེར་དང་ཆ་འཕྲིན་རྟོག་འཇལ། བརྟག་ཞིབ་ལྟ་ཞིབ་སོགས་ཀྱི་ཐབས་ལམ་བརྒྱུད་རོང་འབྲོག་དུད་ཚང་དབུལ་ལོག་དབུལ་འགྱུར་གྱི་ཉེན་ཡོད་པའི་ཁུངས་སྣེ་ཤེས་རྟོགས་ཐུབ་པ་བྱས་ཏེ། རྫོང་རིམ་པའི་གྲོང་གསེབ་དར་སྤེལ་སྡེ་ཁག་དང་གོང་རིམ་གཙོ་གཉེར་ལས་སྒོའི་སྡེ་ཁག་ལ་དུས་ཐོག་ཏུ་སྐྱེལ་དགོས། རྫོང་རིམ་པའི་གྲོང་གསེབ་དར་སྤེལ་སྡེ་ཁག་སོ་སོས་ཞིབ་བཤེར་བྱས་རྗེས་སྔོན་ཟོན་ཆ་འཕྲིན་རིགས་དང་རིམ་པ་བཀར་ནས་ཡུལ་ཚོ(གྲོང་རྡལ)དང་སྡེ་བར་དུས་ཐོག་ཏུ་ལྡོག་སྐྱེལ་བྱས་ཏེ་ཞིབ་བསྡུར་བྱེད་དུ་འཇུག་པ་དང་། ཆ་རྐྱེན་དང་མཐུན་ན་གོ་རིམ་ལྟར་རྟོག་འཇལ་བྱ་ཡུལ་དུ་འཇུག་དགོས། 

ཉེན་ཁའི་ཁུངས་སྣེའི་གཙོ་བོ་ནི། ནད་དང་གནོད་འཚེ། བསམ་ཡུལ་ལས་འདས་པའི་ཆག་སྒོ་བཅས་ཀྱི་དབང་གིས་ཁྱིམ་ཚང་གི་ཡོང་འབབ་ཆེས་ཆེར་ཉུང་དུ་ཕྱིན་ཞིང་གཏོང་སྒོ་ཆེས་ཆེར་འཕར་བ་དང་། ཁྱིམ་ཚང་གི་སྡོད་ཁང་བདེ་འཇགས་མིན་པ། བདེ་འཇགས་འཐུང་ཆུར་ཤུགས་རྐྱེན་ཚབས་ཆེན་ཐེབས་པ། ཐོན་ལས་རྣམ་གྲངས་ལ་ཕམ་ཉེས་བྱུང་བ། གཞི་ཁྱོན་ཅུང་ཆེ་བའི་ངང་ལས་ཤོར་བྱུང་བ། ཐོལ་བྱུང་སྤྱི་པའི་དོན་རྐྱེན་དང་བདེ་འཇགས་ཆག་སྒོ་བྱུང་བ་སོགས་ཡིན། 

1.ནད་ཀྱིས་དབང་གིས་དབུལ་ལོག་དང་དབུལ་འགྱུར་གྱི་ཉེན་ཁའི་སྔོན་ཟོན། སྨན་བཅོས་འགན་སྲུང་སྡེ་ཁག་སོ་སོས་དབུལ་ཐར་མི་འབོར་ཁྲོད་ལོ་འཁོར་མོར་རིམ་རྩིས་བྱས་ན་མི་སྒེར་གྱིས་འགན་འཁུར་བའི་སྨན་བཅོས་འགྲོ་གྲོན་དེ། ཞིང་ཆེན་ཡོངས་ཀྱི་ལོ་གོང་མའི་རོང་འབྲོག་ཁུལ་གྱི་རྒྱུན་སྡོད་སྡོད་དམངས་ཀྱི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་ཀྱི50%ལས་བརྒལ་ཡོད་ན། ནད་ཀྱི་དབང་གིས་དབུལ་ལོག་བྱུང་བའི་རྟོག་འཇལ་གྱི་སྔོན་ཟོན་ཁྱབ་ཁོངས་ནང་འཇུག་དགོས། རོང་འབྲོག་ཁུལ་སྡོད་དམངས་ཁྲོད་ལོ་འཁོར་མོར་མི་སྒེར་གྱིས་འགན་འཁུར་བའི་སྨན་བཅོས་འགྲོ་གྲོན་དེ། ཞིང་ཆེན་ཡོངས་ཀྱི་ལོ་གོང་མའི་རོང་འབྲོག་ཁུལ་གྱི་རྒྱུན་སྡོད་སྡོད་དམངས་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་ལས་བརྒལ་ན། ནད་ལ་བརྟེན་ནས་དབུལ་བོ་གྱུར་བའི་སྔོན་ཟོན་རྟོག་འཇལ་ཁྱབ་ཁོངས་ནང་འཇུག་དགོས། ནད་ཀྱིས་དབང་གིས་དབུལ་ལོག་རྟོག་འཇལ་སྔོན་ཟོན་ཁྱབ་ཁོངས་ནང་བཅུག་པའི་རོང་འབྲོག་དུད་ཚང་གི་ཆ་འཕྲིན་དེ་ཟླ་རེར་སྐྱེལ་སྤྲོད་བྱེད་དགོས། 

2.སློབ་ཡོན་གྱི་དབང་གིས་དབུལ་ལོག་དབུལ་འགྱུར་གྱི་ཉེན་ཁའི་སྔོན་ཟོན། སློབ་གསོ་སྡེ་ཁག་གིས་སློབ་སྐབས་རེར་འོས་འགན་སློབ་གསོའི་དུས་རིམ་དུ་སློབ་བསྐྱུར་བྱེད་པའི་སློབ་ལོ་རན་པའི་བྱིས་པའི་མིང་ཐོ་ཞིབ་བསྡུར་བྱེད་དགོས། ལོ་རེར་སློབ་ལོ་རེའི་ནང་སློབ་ཡོན་དང་ཉལ་ཁང་གི་འགྲོ་གྲོན། དཔེ་རིན་བཅས་སྲིད་ཇུས་རང་བཞིན་གྱི་ཁ་གསབ་སྣ་ཚོགས་འཐེན་པའམ་ཡང་ན་རོགས་སྐྱོབ་བྱས་རྗེས་རང་གིས་སྤྲད་པའི་འགྲོ་གྲོན་སྒོར་ཁྲི1ལས་བརྒལ་བའི་རོང་འབྲོག་དུད་ཚང་གི་ཆ་འཕྲིན་དང་། དེ་བཞིན་མཐོ་འབྲིང(འབྲིང་རིམ་ལས་རིགས་སློབ་གྲྭ་ཚུད)དང་སློབ་ཆེན(དངོས་གཞི་དང་ཆེད་སྦྱོང་། མཐོ་རིམ་ལས་རིགས་སློབ་གྲྭ་ཚུད)ལ་སློབ་ཞུགས་རོགས་དངུལ་ཐོབ་པའི་དཀའ་ངལ་ཡོད་པའི་སློབ་མའི་ཆ་འཕྲིན་གཙོ་གནད་དུ་ཞིབ་བསྡུར་བྱས་ཏེ། སློབ་ཡོན་གྱི་དབང་གིས་དབུལ་ལོག་དབུལ་འགྱུར་གྱི་ཉེན་ཁ་ཡོད་པའི་རོང་འབྲོག་དུད་ཚང་གི་ཆ་འཕྲིན་དུས་ཐོག་ཏུ་སྐྱེལ་སྤྲོད་བྱེད་དགོས།

3.ཐོན་ལས་ཕམ་ཉེས་བྱུང་བས་དབུལ་འགྱུར་ཉེན་ཁའི་སྔོན་ཟོན། ཞིང་ཕྱུགས་སྡེ་ཁག་གིས་འདེབས་གསོའི་ལས་རིགས་ཀྱི་ཐོན་སྐྱེད་གཉེར་སྐྱོང་གནས་ཚུལ་ལ་རྟོག་འཇལ་བྱས་ཏེ། རང་བྱུང་གནོད་འཚེ་དང་ཁྲོམ་རར་འགྱུར་ལྡོག་བྱུང་བའི་རྐྱེན་གྱིས་ཐོན་སྐྱེད་གཉེར་སྐྱོང་རང་བཞིན་གྱི་ཡོང་འབབ་ཆེས་ཆེར་མར་ཆག་པའི་རོང་འབྲོག་དུད་ཚང་གི་ཆ་འཕྲིན་དུས་ཐོག་ཏུ་སྐྱེལ་སྤྲོད་བྱེད་དགོས། 

4.ལས་ཞུགས་མི་བརྟན་པའི་དབང་གིས་དབུལ་འགྱུར་ཉེན་ཁའི་སྔོན་ཟོན། མི་སྤྱིའི་སྡེ་ཁག་གིས་ཟླ་རེར་དུས་བཅད་ལྟར་ངལ་རྩོལ་ནུས་ཤུགས་ཡོད་པ་མ་ཟད། ལས་ཞུགས་བྱེད་འདོད་ཡོད་པའི་གནས་སྐབས་གླ་རྒྱག་ལས་ཞུགས་བྱས་མེད་པའི་རོང་འབྲོག་ཁུལ་གྱི་ངལ་རྩོལ་ནུས་ཤུགས་ཀྱི་ཆ་འཕྲིན་སྐྱེལ་སྤྲོད་བྱེད་དགོས། 

5.སྡོད་ཁང་བདེ་འཇགས་འགན་སྲུང་གི་ཉེན་ཁའི་སྔོན་ཟོན། སྡོད་ཁང་འཛུགས་སྐྲུན་སྡེ་ཁག་གིས་ཁུལ་ཡོངས་ཀྱི་རོང་འབྲོག་དུད་ཚང་གི་སྡོད་ཁང་འགན་སྲུང་གནས་ཚུལ་ལ་རྟོག་འཇལ་བྱས་ཏེ། ཞིང་སྡེའི་ཉེན་ཡོད་སྡོད་ཁང་སྒྱུར་བཀོད་མིང་ཐོ་དང་ཉེན་ཡོད་སྡོད་ཁང་དུད་ཚང་གི་ཆ་འཕྲིན་དུས་ཐོག་ཏུ་སྐྱེལ་སྤྲོད་བྱེད་དགོས། 

6.དབང་སྐྱོན་གྱི་དབང་གིས་དབུལ་འགྱུར་ཉེན་ཁའི་སྔོན་ཟོན། དབང་སྐྱོན་མཉམ་ལྷན་གྱིས་ཟླ་རེར་དབང་སྐྱོན་ཚབས་ཆེན་ནམ་དབང་སྐྱོན་རིམ་པ་གསུམ་པ་དང་བཞི་པར་གསར་དུ་ངོས་འཛིན་བྱས་པའི་རོང་འབྲོག་དུད་ཚང་གི་ཆ་འཕྲིན་དུས་བཅད་ལྟར་སྐྱེལ་སྤྲོད་བྱེད་དགོས། 

7.འཐུང་ཆུའི་བདེ་འཇགས་ཉེན་ཁའི་སྔོན་ཟོན། ཆུ་བེད་སྡེ་ཁག་གིས་འཐུང་ཆུའི་བདེ་འཇགས་འགན་སྲུང་ལ་ཤུགས་སྣོན་རྒྱག་པ་གཙོ་གནད་དུ་བཟུང་སྟེ། ཆུའི་སྤུས་ཚད་བདེ་འཇགས་ལ་རྟོག་འཇལ་དང་ཆུ་མཁོ་འདོན་གྱི་བརྟན་ལྷིང་རང་བཞིན་སྲུང་སྐྱོང་ལ་ཤུགས་སྣོན་བརྒྱབ་ནས། ཆུ་མཁོ་འདོན་སྒྲིག་བཀོད་ལ་སྐྱོན་ཤོར་བ་དང་རང་བྱུང་གནོད་འཚེ། དུས་ཚིགས་རང་བཞིན་གྱི་ཆུ་མཁོ་འདོན་དཀའ་བ་སོགས་ལས་བྱུང་བའི་འཐུང་ཆུའི་འགན་སྲུང་གནད་དོན་དུས་ཐོག་ཏུ་སྐྱེལ་སྤྲོད་བྱེད་དགོས། 

8.དམིགས་བསལ་རིགས་ཚོགས་དབུལ་ལོག་དབུལ་འགྱུར་གྱི་ཉེན་ཁའི་སྔོན་ཟོན། དམངས་སྲིད་སྡེ་ཁག་གིས་གསར་དུ་ངོས་འཛིན་བྱས་པའི་མ་མཐའི་འཚོ་བའི་འགན་སྲུང་རིགསAདང་རིགསB། དམིགས་བསལ་དཀའ་ངལ་ཅན་གྱི་གཉོར་སྐྱོང་དང་དྭ་ཕྲུག དོན་དངོས་ཐོག་གཉོར་སྐྱོང་བྱེད་མཁན་མེད་པའི་བྱིས་པ་བཅས་རྟོག་འཇལ་བྱེད་ཁོངས་སུ་བཅུག་མེད་པའི་རོང་འབྲོག་དུད་ཚང་གི་ཆ་འཕྲིན་ཟླ་རེར་དུས་བཅད་ལྟར་སྐྱེལ་སྤྲོད་བྱེད་དགོས། 

9.བསམ་ཡུལ་ལས་འདས་པའི་ཆག་སྒོའི་དབང་གིས་དབུལ་ལོག་དབུལ་འགྱུར་གྱི་ཉེན་ཁའི་སྔོན་ཟོན། སྤྱི་བདེ་སྡེ་ཁག་གིས་འགྲིམ་འགྲུལ་གྱི་བསམ་ཡུལ་ལས་འདས་པའི་ཆག་སྒོ་ལ་རྟོག་འཇལ་བྱས་ཏེ། འགྲིམ་འགྲུལ་ཆག་སྒོ་ཚབས་ཆེན་བྱུང་བར་ངོས་བཟུང་བའི་རོང་འབྲོག་དུད་ཚང་གི་ཆ་འཕྲིན་དུས་བཅད་ལྟར་སྐྱེལ་སྤྲོད་བྱེད་དགོས།

10.རང་བྱུང་གནོད་འཚེ་སོགས་ཀྱིས་དབང་གིས་དབུལ་ལོག་དབུལ་འགྱུར་གྱི་ཉེན་ཁའི་སྔོན་ཟོན། འཚུབ་བསྟུན་དོ་དམ་སྡེ་ཁག་གིས་རང་བྱུང་གནོད་འཚེ་སོགས་ཀྱིས་འཚོ་བར་དཀའ་ངལ་བཟོས་པའི་རོང་འབྲོག་དུད་ཚང་གི་ཆ་འཕྲིན་དུས་ཐོག་ཏུ་མཁོ་འདོན་བྱེད་དགོས། 

11.ཡོང་འབབ་དམའ་བའི་མི་ཚོགས་དབུལ་ལོག་དབུལ་འགྱུར་གྱི་ཉེན་ཁའི་སྔོན་ཟོན། དམངས་སྲིད་སྡེ་ཁག་གིས་གསར་དུ་ངོས་བཟུང་བའི་ཞིང་སྡེའི་ཡོང་འབབ་དམའ་བའི་མི་འབོར་གྱི་ཆ་འཕྲིན་ཟླ་རེར་དུས་བཅད་ལྟར་སྐྱེལ་སྤྲོད་བྱེད་དགོས།

དོན་ཚན་བཅུ་བཞི། སྤྱི་ཚོགས་ཀྱི་ལྟ་སྐུལ་ལས་ཤེས་རྟོགས་བྱེད་པ། དུས་ཐོག་ཏུ་དྲ་རྒྱ་དང་སྨྱན་སྦྱོར་གྱི་གླེང་ཕྱོགས།  ངོ་བཅར་ཞུ་གཏུག་སོགས་སྐོར་གྱི་ཆ་འཕྲིན་ཤེས་རྟོགས་དང་དབྱེ་ཞིབ་བྱས་ཏེ་། ཉེན་ཁ་སྔོན་ཟོན་གཏོང་བའི་ཐབས་ལམ་རྒྱ་ཆེར་གཏོང་དགོས། སྤྱི་ཚོགས་ཀྱི་ལྟ་སྐུལ་དང་མང་ཚོགས་ཀྱིས་ཞུས་པའི་ཉེན་ཁའི་ཆ་འཕྲིན་དེ། ཆ་རྐྱེན་དང་མཐུན་པའི་རིགས་གོ་རིམ་ལྟར་རྟོག་འཇལ་བྱ་ཡུལ་ནང་འཇུག་དགོས་པ་དང་། ཆ་རྐྱེན་དང་མི་མཐུན་པའི་རིགས་སུན་སྣང་མེད་པར་ཞིབ་ཚགས་ཀྱི་སྒོ་ནས་སྲིད་ཇུས་སྒྲོག་འགྲེལ་བྱས་ཏེ། སྤྱི་ཚོགས་ཀྱིས་དོ་ཁུར་བྱེད་པ་དང་མང་ཚོགས་ཀྱི་རེ་འབོད་ལ་དུས་ཐོག་ཏུ་ལན་རྒྱག་དགོས། ཆ་འཕྲིན་ཅན་གྱི་སྔོན་ཟོན་དང་རྟོག་འཇལ་གྱིས་མཚོ་སྔོན་ཞིང་ཆེན་གྱི་སྡོད་དམངས་ཁྱིམ་ཚང་གི་དཔལ་འབྱོར་གནས་ཚུལ་ཞིབ་བསྡུར་ཆ་འཕྲིན་ལས་སྟེགས་ལ་བརྟེན་ནས། དབུལ་ལོག་དབུལ་འགྱུར་གྱི་ཉེན་ཁའི་རིགས་ཚོགས་ལ་གྲངས་གཞི་དང་རྟོག་འཇལ་ལས་སྟེགས་འཛུགས་དགོས། རོང་འབྲོག་དུད་ཚང་གིས་རང་བདག་གིས་རེ་ཞུ་དང་གཞི་རིམ་ལས་བྱེད་པས་གྲལ་བཤེར། སྤྱི་ཚོགས་ཀྱི་ལྟ་སྐུལ་བཅས་ལས་ཤེས་རྟོགས་བྱུང་བའི་དབུལ་ལོག་དབུལ་འགྱུར་གྱི་ཉེན་ཁའི་རིགས་ཚོགས་ཀྱི་གྲངས་གཞི་དེ་མཚོ་སྔོན་ཞིང་ཆེན་གྱི་སྡོད་དམངས་ཁྱིམ་ཚང་གི་དཔལ་འབྱོར་གནས་ཚུལ་ཞིབ་བསྡུར་ཆ་འཕྲིན་ལས་སྟེགས་ནང་བཅུག་ནས། མ་ལག་གོང་འོག་སྦྲེལ་མཐུད་དང་སྡེ་ཁག་འཕྲེད་ཕྱོགས་མཉམ་འགུལ། ཆ་འཕྲིན་དུས་ཐོག་གཅིག་སྡུད། རྒྱུན་རྣམ་རྟོག་འཇལ་སྔོན་ཟོན། གྲངས་གཞིའི་གནས་ཚུལ་གསར་བརྗེ། ཆ་འཕྲིན་དུས་ཐོག་ཞིབ་བཤེར་བཅས་བྱས་ཏེ། དུས་ཐོག་ཏུ་ཐེ་ཇུས་དང་གནད་སྨིན་རོགས་སྐྱོར་ཐུབ་པ་བྱེད་དགོས། 

ལེའུ་ལྔ་པ། རྟོག་འཇལ་གྱི་གོ་རིམ།

དོན་ཚན་བཅོ་ལྔ། ཕྱོགས་སོ་སོར་གྲལ་བཤེར་བྱས་ནས་ཤེས་རྟོགས་བྱུང་བའི་ཉེན་ཁའི་ཆ་འཕྲིན་དེ་ཡུལ་ཚོ(གྲོང་རྡལ)དང་སྡེ་བར་རིམ་པ་བཞིན་ལྡོག་སྐྱེལ་བྱེད་དགོས་པ་དང་སྡེ་བ་རིམ་པས་གྲོས་གཅོད་དང་། ཡུལ་ཚོ་དང་གྲོང་རྡལ་གྱིས་ཐོག་མའི་ཞིབ་བཤེར། རྫོང་རིམ་པས་བཤེར་འབེབས་བཅས་བྱས་ཏེ་རིམ་པ་བཞིན་དཔྱད་དཔོག་ཞིབ་བསྡུར་ནན་ཏན་བྱས་ནས་རྟོག་འཇལ་བྱ་ཡུལ་གཏན་ཁེལ་བྱེད་དགོས། རོང་འབྲོག་དུད་ཚང་གིས་སྙན་ཞུ་ཕུལ་བའམ་ཡང་ན་གྲལ་བཤེར་དང་ཞིབ་བཤེར་བྱས་པ་བརྒྱུད་རྟོག་འཇལ་བྱ་ཡུལ་དུ་གཏན་ཁེལ་བྱེད་པར་སྤྱིར་བཏང་དུ་ལས་ཀའི་ཉིན20ལས་མི་བརྒལ་བ་བྱེད་དགོས། 

དོན་ཚན་བཅུ་དྲུག  སྡེ་བ་རིམ་པའི་གྲོས་གཅོད། སྡེ་བའི་རྟོག་འཇལ་ཚན་ཆུང་གིས་འགན་འཁུར་བ་དང་དམངས་སྲིད་སྡེ་ཁག་གིས“སྒོ་གཅིག་ནས་བདག་སྤྲོད་དང་མཉམ་སྡེབ་སྒྲུབ་གཉེར”གྱི་ཆ་འཕྲིན་ཅན་གྱི་དོ་དམ་ལས་སྟེགས་ལ་བརྟེན་ནས་ཁྱིམ་ཚང་གི་གནས་ཚུལ་ལ་ཞིབ་བཤེར་བྱས་རྗེས། སྡེ་དམངས་འཐུས་མིའི་ཚོགས་འདུའི་ཐོག་དམངས་གཙོའི་གྲོས་གཅོད་བྱས་ཏེ། རྟོག་འཇལ་གྱི་ཚད་གཞི་དང་མཐུན་པའི་རོང་འབྲོག་དུད་ཚང་དེ་ཐོག་མའི་ཞིབ་བཤེར་བྱ་ཡུལ་དུ་གཏན་ཁེལ་བྱེད་དགོས། རྟོག་འཇལ་བྱ་ཡུལ་གྱི་ཐོག་མའི་མིང་ཐོ་སྡེ་བའི་ནང་ཉིན5ལ་ཡོངས་བསྒྲགས་བྱས་ནས། བསམ་འཆར་མི་འདྲ་བ་མེད་ཚེ་ཡུལ་ཚོ(གྲོང་རྡལ)ལ་ཐོག་མའི་ཞིབ་བཤེར་བྱེད་པར་གོང་འབུལ་བྱེད་དགོས། 

དོན་ཚན་བཅུ་བདུན། ཡུལ་ཚོ་དང་གྲོང་རྡལ་གྱི་ཐོག་མའི་ཞིབ་བཤེར། ཡུལ་ཚོ(གྲོང་རྡལ)སྲིད་གཞུང་གིས་མི་སྣ་སྒྲིག་འཛུགས་བྱས་ཏེ་སྡེ་བས་གོང་ཞུ་བྱས་པའི་ཐོག་མའི་ཞིབ་བཤེར་བྱ་ཡུལ་ལ་དུད་ཚང་རེ་རེ་བཞིན་ཞིབ་བཤེར་བྱེད་དགོས་པ་དང་། ཞིབ་བཤེར་བྱས་འབྲས་དེ་རྟོག་འཇལ་བྱ་ཡུལ་གྱི་དུད་ཚང་གཙོ་བོ་དང་སྡེ་བའི་ཀྲི་པུའི་ཧྲུའུ་ཅི(སྡེ་དམངས་ཨུ་ལྷན་གྱི་ཀྲུའུ་རེན)། ཡུལ་ཚོ(གྲོང་རྡལ)བཅས་ཀྱི་ལས་བྱེད་པས་མིང་རྟགས་བཀོད་ནས་ངོས་འཛིན་བྱེད་དགོས། ཞིབ་བཤེར་བྱས་ནས་གྲོས་འཆམ་བྱུང་རིགས་ཡུལ་ཚོ(གྲོང་རྡལ)སྲིད་གཞུང་གིས་ཕྱོགས་བསྡུས་རྟོག་འཇལ་བྱ་ཡུལ་གྱི་ཐོག་མའི་ཞིབ་བཤེར་མིང་ཐོ་བཏོན་ནས་རྫོང་རིམ་པའི་གྲོང་གསེབ་དར་སྤེལ་སྡེ་ཁག་ལ་བཤེར་འབེབས་བྱ་རྒྱུར་འབུལ་དགོས། 

དོན་ཚན་བཅོ་བརྒྱད། རྫོང་རིམ་པའི་བཤེར་འབེབས། རྫོང་རིམ་པའི་གྲོང་གསེབ་དར་སྤེལ་སྡེ་ཁག་སོ་སོས་སྣེ་ཁྲིད་དེ་རྫོང་རིམ་པའི་འབྲེལ་ཡོད་ལས་རིགས་སྡེ་ཁག་དང་མཉམ་འབྲེལ་སྒོས་དཔེ་འཐེན་ཞིབ་བཤེར་དང་། གཙོ་གནད་ཞིབ་བཤེར། ཆ་འཕྲིན་ཞིབ་བསྡུར་བཅས་ཟུང་འབྲེལ་གྱི་བྱེད་ཐབས་སྤྱད་དེ། ཡུལ་ཚོ(གྲོང་རྡལ)ཡིས་གོང་ཞུ་བྱས་པའི་ཐོག་མའི་ཞིབ་བཤེར་བྱ་ཡུལ་ལ་བཤེར་འབེབས་བྱེད་དགོས། གཏན་ཁེལ་བྱས་པའི་རྟོག་འཇལ་བྱ་ཡུལ་དེ་ཡུལ་ཚོ(གྲོང་རྡལ)དང་སྡེ་བར་ལྡོག་སྐྱེལ་བྱས་ཏེ་འབྲེལ་ཡོད་ཆ་འཕྲིན་རྒྱལ་ཁབ་ཆ་འཕྲིན་མ་ལག་ནང་བཅུག་ནས་གནས་ཚུལ་དོ་དམ་བྱེད་དགོས། རྫོང་རིམ་པའི་བཤེར་འབེབས་མ་བྱས་ན་ཡུལ་ཚོ་དང་སྡེ་བ་རིམ་པས་མ་ལག་ནང་ནང་འཇུག་བྱེད་མི་ཆོག དམངས་གཙོའི་གྲོས་གཅོད་དང་རྒྱུ་ནོར་ཞིབ་བཤེར། ཡོངས་བསྒྲགས་བཅས་བྱེད་པའི་བརྒྱུད་རིམ་ནང་རྩོད་གཞི་ཡོད་པའི་ཐོག་མའི་ཞིབ་བཤེར་བྱ་ཡུལ་ལ། རྫོང་དང་ཡུལ་ཚོ་(གྲོང་རྡལ)ཡིས་ཡུལ་དངོས་སུ་ཞིབ་བཤེར་བྱས་ནས“འཇུག་འོས་ཡོངས་འཇུག”འགན་སྲུང་བྱེད་དགོས། 

དོན་ཚན་བཅུ་དགུ། ཛ་དྲག་ཆེ་བའི་གོ་རིམ། བསམ་ཡུལ་ལས་འདས་པའི་གནོད་འཚེ་ཚབས་ཆེན་དང་ཐོལ་བྱུང་དོན་རྐྱེན་བྱུང་བར་འཕྲལ་མར་རོགས་སྐྱོར་བྱེད་ཐབས་སྤྱོད་དགོས་རིགས་ལ། རྫོང་རིམ་པའི་གྲོང་གསེབ་དར་སྤེལ་སྡེ་ཁག་གིས་རྟོག་འཇལ་གྱི་གོ་རིམ་སྟབས་བདེ་རུ་བཏང་ནས་སྔོན་ལ་རོགས་སྐྱོར་བྱེད་ཐབས་དོན་འཁྱོལ་བྱེད་པ་དང་། རྗེས་སུ་འགྲོ་ལུགས་ཁ་གསབ་བྱེད་པའི་རྣམ་པའི་དུས་ཐོག་ཏུ་ཐེ་ཇུས་བྱེད་དགོས། 

ལེའུ་དྲུག་པ། རོགས་སྐྱོར་བྱེད་ཐབས།

དོན་ཚན་ཉི་ཤུ། གོ་རིམ་ལྟར་རྟོག་འཇལ་བྱེད་ཁོངས་སུ་བཅུག་པའི་རྟོག་འཇལ་བྱ་ཡུལ་ལ་རྩ་དོན་ཐོག་ལས་ཀའི་ཉིན་གྲངས10ཡི་ནང་རོགས་སྐྱོར་བྱེད་ཐབས་སྤྱད་དེ། སྔ་ཙམ་ནས་འདྲི་བ་དང་སྔ་ཙམ་ནས་རོགས་སྐྱོར་བྱེད་དགོས། རྟོག་འཇལ་ནང་བཅུག་པའི་དབུལ་ཐར་བརྟན་པོ་མེད་པའི་དུད་ཚང་དང་། བས་མཐའི་དབུལ་འགྱུར་སླ་བའི་དུད་ཚང་། ཐོལ་བྱུང་དཀའ་ངལ་ཚབས་ཆེན་ཡོད་པའི་དུད་ཚང་བཅས་ལ“མཉམ་མགོག་མཉམ་རོགས”ཀྱི་རྐྱེན་སྲོལ་སྤྱོད་དགོས། 

དོན་ཚན་ཉེར་གཅིག རྟོག་འཇལ་བྱ་ཡུལ་དུ་བཅུག་རྗེས་ཀྱི་ལས་ཀའི་ཉིན་གྲངས5ནང་ཡུལ་ཚོ(གྲོང་རྡལ)ཡིས“གཅིག་གཏད་གཅིག”གི་རྩ་དོན་གཞིར་བཟུང་ནས་རྟོག་འཇལ་བྱ་ཡུལ་གྱི་རོགས་སྐྱོར་འབྲེལ་གཏུག་པ(ཡུལ་ཚོ་དང་གྲོང་རྡལ་གྱི་སྡེ་བའི་འགན་སྲུང་ལས་བྱེད་པ་དང་སྡེ་སྡོད་ལས་དོན་རུ་མི། སྡེ་བའི“ཨུ་ལྷན་གཉིས”ཀྱི་ལས་བྱེད་པ་གཙོ་བོར་བྱེད་དགོས)བཀོད་སྒྲིག་བྱེད་དགོས་ཤིང་། རོགས་སྐྱོར་འབྲེལ་གཏུག་མི་སྣ་དང་རྟོག་འཇལ་བྱ་ཡུལ་གྱིས་ཐུན་མོང་ཐོག་གྲོས་བསྡུར་བྱས་ཏེ། རྟོག་འཇལ་བྱ་ཡུལ་དབུལ་ལོག་དབུལ་འགྱུར་གྱི་ཉེན་ཁ་དང་རོགས་སྐྱོར་དགོས་མཁོ། འཕེལ་རྒྱས་ནུས་པའི་ཆུ་ཚད་སོགས་ལ་ཕྱོགས་བསྡུས་བསམ་གཞིག་དང་དབྱེ་ཞིབ་བྱས་ནས་རོགས་སྐྱོར་འཆར་གཞི་བཟོ་དགོས། རྫོང་རིམ་པའི་གྲོང་གསེབ་དར་སྤེལ་སྡེ་ཁག་གིས་ཉེན་ཁའི་རིགས་དང་རྟོག་འཇལ་བྱ་ཡུལ་གྱི་ཞིབ་ཕྲའི་གནས་ཚུལ། འཕེལ་རྒྱས་ཀྱི་དགོས་མཁོ་སོགས་ལ་གཞིགས་ནས་རོགས་སྐྱོར་རྩིས་ཁྲ་བཟོ་བ་དང་བརྒྱུད་སྤྲོད་ཞབས་ཞུ་ཧུར་ཐག་གིས་སྤེལ་ཏེ། རྟོག་འཇལ་བྱ་ཡུལ་གྱི་ཆ་འཕྲིན་དུས་ཐོག་ཏུ་དམངས་སྲིད་དང་སྨན་བཅོས་འགན་སྲུང་། སློབ་གསོ། སྡོད་ཁང་འཛུགས་སྐྲུན། ཞིང་ཕྱུགས། མི་སྤྱི་སོགས་སྡེ་ཁག་ལ་བརྒྱུད་སྤྲོད་བྱས་ནས་འབྲེལ་ཡོད་ལས་རིགས་སྡེ་ཁག་གིས་རོགས་སྐྱོར་སྲིད་ཇུས་དང་རྣམ་གྲངས། མ་དངུལ་བཅས་དོན་འཁྱོལ་བྱེད་དགོས། 

དོན་ཚན་ཉེར་གཉིས། གང་ཞིག་ཆད་པ་དེ་ཁ་གསབ་བྱེད་པའི་རྩ་དོན་ལྟར། རྟོག་འཇལ་བྱ་ཡུལ་གྱི་ཉེན་ཁའི་རིགས་དང་འཕེལ་རྒྱས་ཀྱི་དགོས་མཁོ་སོགས་ལ་གཞིགས་ནས་དམིགས་གཏད་རང་བཞིན་གྱི་རོགས་སྐྱོར་བྱེད་དགོས། ཉེན་ཁ་སྣ་གཅིག་ཡིན་རིགས་ལ་དེར་བསྟུན་གྱི་བྱེད་ཐབས་སྤྱོད་པ་ལས་ཡོད་ཚད་འགན་ལེན་བྱེད་པའི་ཕན་བདེའི་རྒྱ་རྙི་རུ་མི་ཚུད་པ་བྱེད་དགོས། ཉེན་ཁ་རྙོག་འཛིང་ཆེ་རིགས་ལ་དེར་བསྟུན་གྱི་བྱེད་ཐབས་ལག་བསྟར་བྱས་ཏེ་ཕྱོགས་བསྡུས་རང་བཞིན་གྱི་རོགས་སྐྱོར་དོན་འཁྱོལ་བྱེད་དགོས། ནང་གནས་ཀྱི་སྒུལ་ཤུགས་མི་འདང་བའི་རིགས་ལ་མུ་མཐུད་བློ་སྐྱོར་དང་ནང་གནས་སྒུལ་ཤུགས་སྐུལ་སློང་། འཕེལ་རྒྱས་ཀྱི་ནུས་པ་ཆེ་རུ་གཏོང་བ་བཅས་བྱེད་དགོས། 

1.ཐོན་ལས་ཀྱི་རོགས་སྐྱོར། ཐོན་ལས་གོང་འཕེལ་གཏོང་བའི་ཆ་རྐྱེན་འཛོམས་པའི་རྟོག་འཇལ་བྱ་ཡུལ་ལ་འདེབས་གསོའི་ལས་རིགས་དང་ཞིང་ཕྱུགས་ཐོན་རྫས་ལས་སྣོན། གློག་རྡུལ་ཚོང་དོན། ཞིང་སྡེ་གནས་སྐོར་སོགས་ཀྱི་ཐོན་ལས་གོང་འཕེལ་གཏོང་རྒྱུར་རྒྱབ་སྐྱོར་བྱེད་དགོས། སྣེ་འདྲེན་ཁེ་ལས་དང་ཕྱུག་འགྱུར་སྣེ་ཁྲིད་པ། ཆེད་གཉེར་ཞིང་པ་གསར་པ། ཁྱིམ་ཚང་ཞིང་ཕྱུགས་ར། རོང་འབྲོག་པའི་ཆེད་ལས་མཉམ་ལས་ཁང་སོགས་གཉེར་སྐྱོང་བྱེད་པོ་གསར་པར་རོགས་སྐྱོར་དང་གསོ་སྐྱོང་བྱས་ཏེ། རྟོག་འཇལ་མང་ཚོགས་དེ་ཐོན་ལས་ཁེ་ཕན་གྱི་འབྲེལ་ཐག་ནང་ཞུགས་རྒྱུར་སྐུལ་ཁྲིད་བྱས་ནས་ཞིང་འབྲེལ་ཞིང་ཁྲིད་ཞིང་ཕྱུག་གི་རྐྱེན་སྲོལ་འཛུགས་པ་དང་འཐུས་ཚང་དུ་གཏོང་དགོས། 

2.ལས་ཞུགས་རོགས་སྐྱོར། ལས་ཞུགས་བྱེད་འདོད་ཡོད་ཅིང་ངལ་རྩོལ་ནུས་པ་ཡོད་པའི་རྟོག་འཇལ་བྱ་ཡུལ་ལ། ལས་རིགས་རྩལ་ནུས་གསོ་སྦྱོང་བྱེད་ཤུགས་ཆེ་རུ་གཏོང་བ་དང་ལས་མི་བཀོལ་སྤྱོད་ཆ་འཕྲིན་ལས་སྟེགས་སྐྲུན་པ། རོགས་སྐྱོར་ལས་གྲྭའི་རོགས་འདེགས་སོགས་ཀྱི་བྱེད་ཐབས་སྤྱད་ནས་ཐག་རིང་དུ་ལས་ཀ་བྱེད་དུ་འགྲོ་ཐབས་བྲལ་བའི་རྟོག་འཇལ་བྱ་ཡུལ་དེ་ས་གནས་དེ་ག་དང་ཐག་ཉེ་སར་ལས་ཞུགས་བྱེད་པ་འགན་སྲུང་བྱེད་དགོས། ངལ་ནུས་ཕྱིར་གཏོང་བྱེད་ཤུགས་ཆེ་རུ་བཏང་ནས་ཕ་ཡུལ་དུ་ལོག་པའི་ལས་ཤོར་མི་སྣ་ལས་ཀར་བསྐྱར་ཞུགས་ཀྱི་ལས་དོན་ཡག་པོ་བསྒྲུབས་ཏེ། ངལ་རྩོལ་ནུས་ཤུགས་ལྡན་པའི་རྟོག་འཇལ་ཁྱིམ་ཚང་ལ་ཉུང་མཐར་ཡང་མི1ལས་ཞུགས་ཐུབ་པ་འགན་སྲུང་བྱེད་དགོས། རྒུད་གསབ་ལས་སྤྲོད་བྱེད་སྟངས་ཁྱབ་གདལ་ཧུར་ཐག་བཏང་ནས་རྟོག་འཇལ་བྱ་ཡུལ་ལ་རྨང་གཞིའི་སྒྲིག་བཀོད་དང་སྤྱི་པའི་ཞབས་ཞུ་འཛུགས་སྐྲུན་རྣམ་གྲངས་ཁྲོད་རང་ངོས་ཀྱི་ངལ་རྩོལ་ལ་བརྟེན་ནས་ཕན་པ་ཐོབ་པ་བྱེད་དགོས། 

3.དངུལ་རྩའི་རོགས་སྐྱོར། རྟོག་འཇལ་བྱ་ཡུལ་ལ་དམིགས་གཏད་བྱས་པའི་ལས་གཏོད་ཁག་ཐེག་དངུལ་བུན་སྲིད་ཇུས་སྔར་བས་འཐུས་ཚང་དུ་བཏང་ནས་འབོར་ཉུང་ཡིད་རྟོན་དངུལ་བུན་སྲིད་ཇུས་དོན་འཁྱོལ་བྱེད་དགོས། 

4.སྤྱི་ཕན་རང་བཞིན་ལས་གནས་ཀྱི་རོགས་སྐྱོར། སྤྱི་ཕན་རང་བཞིན་གྱི་ལས་གནས་གཅིག་གྱུར་གྱིས་བེད་སྤྱོད་བྱས་ཏེ། ནགས་སྲུང་པ་དང་ལམ་སྲུང་པ། རྩྭ་སྲུང་པ། གཙང་སྦྲ་པ་སོགས་ཞིང་སྡེའི་སྤྱི་ཕན་རང་བཞིན་གྱི་ལས་གནས་རྟོག་འཇལ་བྱ་ཡུལ་ལ་ཕྱོགས་ནས། ཐག་ཉེ་ས་དང་རང་སར་ལས་ཞུགས་ཐུབ་པར་སྐུལ་འདེད་གཏོང་དགོས། སྤྱི་ཕན་རང་བཞིན་གྱི་ལས་གནས་གསར་སྤེལ་ལུགས་མཐུན་བྱེད་དགོས་ཤིང་། དགོས་མཁོ་ལྟར་ལས་གནས་བཀོད་སྒྲིག་དང་ལས་གནས་ལ་བརྟེན་ནས་གདན་ཞུས་ལས་བསྐོ་བྱེད་པ། ལས་གནས་སུ་གསབ་ལེན་བྱེད་པ། གོ་རིམ་ལྡན་པའི་སྒོ་ནས་ལས་གནས་ཕྱིར་འཐེན་བྱེད་པ་བཅས་ཀྱི་དོ་དམ་རྐྱེན་སྲོལ་འཐུས་ཚང་དུ་བཏང་སྟེ། རྟོག་འཇལ་བྱ་ཡུལ་སྔོན་ལ་བཀོད་སྒྲིག་བྱེད་དགོས། 

5.སྡོད་ཁང་བདེ་འཇགས་འགན་སྲུང་། རྟོག་འཇལ་བྱ་ཡུལ་གྱི་སྡོད་ཁང་བདེ་འཇགས་ལ་གནས་ཚུལ་ལྟར་རྟོག་འཇལ་བྱས་ཏེ། ཉེན་ཡོད་ཁང་བ་སྒྱུར་བཀོད་དང་གནོད་འཚེ་བྱུང་རྗེས་བསྐྱར་སྐྲུན། ཁ་གཏད་རོགས་སྐྲུན་སོགས་ཀྱི་བྱེད་ཐབས་སྤྱད་དེ། གསར་དུ་ཤེས་རྟོགས་བྱུང་བའི་སྡོད་ཁང་བདེ་འཇགས་མིན་པའི་གནད་དོན་དུས་ཐོག་ཏུ་ཐག་གཅོད་བྱེད་དགོས། 

6.འཐུང་ཆུའི་བདེ་འཇག་འགན་སྲུང་། འཐུང་ཆུའི་བདེ་འཇགས་མཐོར་གཏོང་ལས་གྲྭ་མཐུན་སྦྱོར་དོན་འཁྱོལ་བྱས་ནས། རོང་འབྲོག་ཁུལ་གྱི་ཆུ་མཁོ་འདོན་འགན་སྲུང་གི་འཚུབ་བསྟུན་ཐག་གཅོད་ནུས་པ་ཆེ་རུ་གཏོང་བ་དང་། རོང་འབྲོག་ཁུལ་གྱི་ཆུ་མཁོ་འདོན་ལས་གྲྭའི་ཆུ་མགོ་སྲུང་སྐྱོང་དང་ཆུའི་སྤུས་ཚད་ལ་རྟོག་འཇལ་བྱེད་ཤུགས་ཆེ་རུ་གཏོང་དགོས། 

7.བདེ་ཐང་གི་རོགས་སྐྱོར། རྟོག་འཇལ་བྱ་ཡུལ་གྱི་གྲོང་ཁྱེར་དང་ཞིང་སྡེའི་སྡོད་དམངས་ཀྱི་གཞི་རྩའི་སྨན་བཅོས་འགན་སྲུང་དང་ནད་ལྕིའི་གུན་སྐྱོབ། སྨན་བཅོས་རོགས་སྐྱོབ། ནད་ལྕིའི་རོགས་སྐྱོབ། དལ་འཕར་ནད་གན་འཇོག་ཞབས་ཞུ། སྔོན་ལ་སྨན་བཅོས་དང་རྗེས་སུ་སྨན་རིན་སྤྲོད་པ་སོགས་ཀྱི་སྲིད་ཇུས་དང་བྱེད་ཐབས་མཐུན་སྦྱོར་དོན་འཁྱོལ་བྱེད་དགོས། 

8.སློབ་གསོའི་རོགས་སྐྱོར། རྟོག་འཇལ་བྱ་ཡུལ་ཁྲོད། འོས་འགན་སློབ་གསོའི་དུས་མཚམས་ཀྱི་སློབ་ལོ་རན་པའི་ལོ་ཆུང་བྱིས་པ་སློབ་ཞུགས་མ་བྱས་པའམ་སློབ་བསྐྱུར་བྱེད་པ་ཕྱིར་སློབ་ཞུགས་བྱེད་པར་ཁ་ཏ་དང་ཁྱིམ་དུ་ཕྱིན་ནས་སློབ་ཁྲིད་བྱེད་དགོས། ཁྱིམ་ཚང་ལ་དཔལ་འབྱོར་དཀའ་ངལ་ཡོད་པའི་སློབ་མའི་འཚོ་བའི་ཁ་གསབ་སོགས་ཀྱི་རོགས་སྐྱོར་སྲིད་ཇུས་མུ་མཐུད་དོན་འཁྱོལ་བྱེད་དགོས། “སྦྲང་ཆར་འཆར་གཞི”དང་སློབ་སྐྱོར་དངུལ་བུན། བྱ་དགའ་དང་སློབ་སྐྱོར་རོགས་དངུལ། སློབ་གསོའི་ཁ་གསབ་གཞན་དག་སོགས་ཀྱི་སྲིད་ཇུས་རྟོག་འཇལ་བྱ་ཡུལ་ལ་ཁེབས་པར་མཐུན་སྦྱོར་དོན་འཁྱོལ་བྱེད་དགོས། དཔལ་འབྱོར་ཐད་དཀའ་ངལ་ཡོད་པའི་ཁྱིམ་ཚང་གི་སློབ་མར་རོགས་དངུལ་སྤྲོད་པའི་སྲིད་ཇུས་དང་མི་རིགས་ས་ཁུལ་གྱི་སློབ་གསོར་རོགས་སྐྱོར་བྱེད་པའི་སྲིད་ཇུས་མུ་མཐུད་དོན་འཁྱོལ་བྱེད་དགོས། 

9.མཐའ་སྐྱོང་འགན་སྲུང་། ངལ་རྩོལ་ནུས་པ་མེད་པའམ་ཡན་ལག་གི་ངལ་རྩོལ་ནུས་པ་ཤོར་བ་མ་ཟད། ཐོན་ལས་ལས་ཞུགས་ལ་བརྟེན་ནས་ཡོང་འབབ་བརྟན་པོ་ཡོང་ཐབས་བྲལ་བ་རྣམས་ཞིང་སྡེའི་མ་མཐའི་འཚོ་བ་འགན་སྲུང་ནམ་ཡང་ན་དམིགས་བསལ་དཀའ་ངལ་ཡོད་པའི་མི་སྣར་རོགས་སྐྱོབ་གཉོར་སྐྱོང་གི་ཁོངས་སུ་བཅུག་ནས་མཐའ་སྐྱོང་འགན་སྲུང་ཡག་པོ་བྱེད་དགོས། 

10.སྤྱི་ཚོགས་ཀྱི་རོགས་སྐྱོར། ཁ་གཏད་རོགས་སྐྱོར་དང་དམིགས་འཛུགས་རོགས་སྐྱོར། “ཁེ་ལས་བརྒྱ་ཡིས་སྡེ་བ་བརྒྱ་དར་སྤེལ་གཏོང་བ”སོགས་ཀྱི་ལམ་ལུགས་ཀྱི་དགེ་མཚན་མུ་མཐུད་འདོན་སྤེལ་བྱས་ཏེ། རྟོག་འཇལ་བྱ་ཡུལ་གྱི་དངོས་ཡོད་དཀའ་ངལ་ཐག་གཅོད་བྱེད་རོགས་དང་། སྤྱི་ཚོགས་ལས་རིགས་སོ་སོའི་སྟོབས་ཤུགས་རོགས་སྐྱོར་ནང་ཞུགས་པའི་ཧུར་སེམས་སྐུལ་སློང་གང་ལེགས་བྱེད་ཅིང་། ཐོན་ལས་གསོ་སྐྱོང་དང་འཛད་སྤྱོད་རོགས་སྐྱོར། རྣམ་གྲངས་མཉམ་ལས་སོགས་བྱེད་ཤུགས་ཆེ་རུ་གཏོང་དགོས། 

11.ཡུལ་གཞན་དུ་གནས་སྤོས་རྗེས་ཀྱི་རོགས་སྐྱོར། གཅིག་སྡུད་བཀོད་སྒྲིག་ས་ཁུལ་དུ་ཁྱོན་ཡོངས་ལ་རྟོག་འཇལ་བྱེད་ཅིང་། གནས་སྤོས་མང་ཚོགས་ཀྱི་བུ་ཕྲུག་སློབ་ཞུགས་དང་གཞི་རྩའི་སྨན་བཅོས། སྤྱི་པའི་ཞབས་ཞུ། སྤྱི་ཚོགས་འགན་སྲུང་སོགས་ཀྱི་སྲིད་ཇུས་མཐུན་སྦྱོར་དོན་འཁྱོལ་བྱེད་པ་དང་། གནས་སྤོས་མི་འབོར་ལ་ཐོན་ལས་རྒྱབ་སྐྱོར་དང་ལས་ཞུགས་རོགས་སྐྱོར་བྱེད་ཤུགས་ཆེ་རུ་གཏོང་བ། གཅིག་སྡུད་བཀོད་སྒྲིག་ས་ཁུལ་གྱི་ལེ་ལག་ཚང་བའི་སྒྲིག་བཀོད་དང་ཞབས་ཞུ་འཐུས་ཚང་དུ་གཏོང་བ། གཞིས་ཁུལ་བཅོས་སྐྱོང་དང་སྤྱི་ཚོགས་མཉམ་འདྲེས་ལ་ཤུགས་སྣོན་རྒྱག་པ་བཅས་བྱས་ནས་སྤོ་ཐུབ་པ་དང་རྐང་ཚུགས་པ། རིམ་བཞིན་ཕྱུག་འགྱུར་ཡོང་ཐུབ་པར་འགན་ལེན་བྱེད་དགོས། 

12.སྡེ་བ་རིམ་པའི་རོགས་སྐྱོར། སྡེ་བ་རིམ་པའི་རྩ་འཛུགས་ཀྱི་འཐབ་ས་དང་པོའི་བཙན་རྫོང་གི་ནུས་པ་དང་། རང་ས་དང་ཐག་ཉེ་སའི་ལེགས་ཆ་འདོན་སྤེལ་གང་ལེགས་བྱེད་པ་དང། སྡེ་བའི་ཐུན་མོང་དཔལ་འབྱོར་གནས་ཚུལ་རྟོག་འཇལ་དང་རོགས་སྐྱོར་ལས་དོན་ནང་ཞུགས་པའི་ཆབ་སྲིད་ཀྱི་འགན་འཁྲི་མངོན་གསལ་དོད་པོ་ཡོང་བ་བྱས་ནས། ཆ་རྐྱེན་འཛོམས་པའི་སྡེ་བས“དོན་རེར་གྲོས་རེའི”བྱེད་ཐབས་གཞིར་བཟུང་ནས་སྡེ་བའི་ཐུན་མོང་དཔལ་འབྱོར་ཡོང་འབབ་ཁྲོད་མ་དངུལ་འོས་འཚམ་བཀོད་སྒྲིག་བྱས་ཏེ། “ནད་དང་སློབ་ཡོན། གནོད་འཚེ། ཐོལ་བྱུང་བསམ་ཡུལ་ལས་འདས་པའི་ཆག་སྒོ། གླ་རྒྱག་ལས་ཞུགས་མི་བརྟན་པའམ་ལས་ཤོར་སོགས”བྱུང་བའི་རྟོག་འཇལ་བྱ་ཡུལ་དང་། ཡང་ན་ཉེན་ཡོད་རོང་འབྲོག་དུད་ཚང་ལ་སྨན་བཅོས་རོགས་སྐྱོབ་དང་སློབ་གསོའི་རོགས་སྐྱོར། ལས་ཞུགས་ལས་གནས་བཀོད་སྒྲིག་སོགས་ཀྱི་བྱེད་ཐབས་སྤྱད་དེ་རོགས་སྐྱོར་བྱེད་དགོས།

ལེའུ་བདུན་པ། ཉེན་ཁ་སེལ་བ།

དོན་ཚན་ཉེར་གསུམ། རྫོང་རིམ་པའི་གྲོང་གསེབ་དར་སྤེལ་སྡེ་ཁག་གིས་འབྲེལ་ཡོད་སྡེ་ཁག་སྒྲིག་འཛུགས་བྱས་ཏེ་དུས་བཅད་དང་དུས་ངེས་མེད་ཐོག་རྟོག་འཇལ་བྱ་ཡུལ་གྱི་སྲིད་ཇུས་དང་བྱེད་ཐབས་དོན་འཁྱོལ་བྱས་ཚུལ་ལ་ཞིབ་བཤེར་བྱེད་དགོས་པ་དང་། བླང་བྱ་ལྟར་དོན་འཁྱོལ་མ་བྱས་པའི་རིགས་ལ་དུས་ཐོག་ཏུ་འབྲེལ་ཡོད་འགན་འཁྲི་སྡེ་ཚན་ནམ་ཡང་ན་རོགས་སྐྱོར་འབྲེལ་གཏུག་བྱེད་མཁན་ལ་དྲན་སྐུལ་བྱེད་དགོས། ཡུལ་ཚོ(གྲོང་རྡལ)དང་སྡེ་བས་ཀྱང་རྒྱུན་གཏན་གྱི་ལས་དོན་དང་ཟུང་འབྲེལ་བྱས་ཏེ། རྟོག་འཇལ་བྱ་ཡུལ་གྱི་རོགས་སྐྱོར་བྱེད་ཐབས་དོན་འཁྱོལ་བྱས་ཚུལ་ལ་རྗེས་འདེད་བྱེད་ཤུགས་ཆེ་རུ་བཏང་ནས་རོགས་སྐྱོར་བྱེད་ཐབས་ཀྱི་ཕན་འབྲས་ཁོང་དུ་ཆུད་པ་བྱས་ཏེ། བྱེད་ཐབས་དེ“གོ་ཆོད་པ་དང་སྤྱོད་རུང་བ”འགན་ལེན་བྱས་ནས་ཕན་འབྲས་དངོས་ཐོན་པར་བྱེད་དགོས། 

དོན་ཚན་ཉེར་བཞི། དུས་བཅད་ནང་དབྱེ་ཞིབ་བདར་ཤ་གཅོད་པའི་ལས་ཀའི་རྐྱེན་སྲོལ་བཙུགས་ནས་ཁུལ་དང་རྫོང་གི་གྲོང་གསེབ་དར་སྤེལ་སྡེ་ཁག་གིས་ལས་དོན་བཀོད་སྒྲིག་དང་སྐབས་བསྟུན་འཐེན་བཤེར། ལྟ་སྐུལ་ལྐོག་འདྲི་སོགས་ཀྱི་བྱེད་ཐབས་བརྒྱུད། ས་གནས་སོ་སོའི་ལས་དོན་སྐུལ་སྤེལ་གནས་ཚུལ་དུས་ཐོག་ཏུ་ཤེས་རྟོགས་དང་ཁོང་དུ་ཆུད་པ་བྱས་ཏེ། དབྱེ་ཞིབ་དང་བདར་གཅོད་བྱས་ནས་མངོན་གསལ་དོད་པའི་གནད་དོན་སྣ་ཚོགས་ཐག་གཅོད་བྱེད་དགོས། 

དོན་ཚན་ཉེར་ལྔ། ཉེན་ཁ་སེལ་བ་ངོས་འཛིན་གྱི་ཚད་གཞི། ཁྱིམ་ཚང་གི་ཡོང་འབབ་རྒྱུན་མཐུད་བརྟན་པོ་བྱུང་བ་དང“སེམས་ཁྲལ་མེད་པ་གཉིས་དང་འགན་སྲུང་གསུམ”། འཐུང་ཆུའི་བདེ་འཇགས་རྒྱུན་མཐུད་སྲ་བརྟན་དུ་ཕྱིན་པ། དབུལ་ལོག་དབུལ་འགྱུར་གྱི་ཉེན་ཁ་དེ་བརྟན་པོའི་ངང་མེད་པར་བཟོས་པའི་རིགས“ཉེན་ཁ་སེལ་བར”གཏན་ཁེལ་བྱས་ནས། “རྟོག་འཇལ་བྱ་ཡུལ”ལྟར་རྟོག་འཇལ་དང་རོགས་སྐྱོར་མི་བྱེད། “ཉེན་ཁ་སེལ་བ”དེ་གཤམ་གསལ་གྱི་དམིགས་ཚད4ལ་སླེབས་དགོས། 

1.དབུལ་ལོག་དབུལ་འགྱུར་གྱི་ཉེན་ཁའི་རྒྱུ་རྐྱེན་ལ་གཞིགས་ནས“དུད་ཚང་རེར་བྱེད་ཐབས་རེ”ཡི་རོགས་སྐྱོར་འཆར་གཞི་ལག་བསྟར་བྱས་ནས་དེ་མཚུངས་ཀྱི་རོགས་སྐྱོར་བྱེད་ཐབས་དོན་འཁྱོལ་བྱས་ཡོད་པ། 

2.ཕྱོགས་བསྡུས་ཇུས་བསྟར་གྱིས“འགན་སྲུང་གསུམ”བརྟན་པོའི་ངང་མངོན་འགྱུར་བྱུང་བ། གཞི་རྩའི་སྨན་བཅོས་གུན་སྐྱོབ(དམག་ལ་ཞུགས་པ་དང་ཁྲིམས་ཆད་འཁུར་བ། ཤི་བ། འབྲེལ་ཆད། ཐེམ་ཐོ་ཕྱིར་སྤོར། ཞིང་ཆེན་ཕྱིའི་གུན་སྐྱོབ་ནང་ཞུགས་པ། རང་མོས་ཀྱིས་གུན་སྐྱོབ་ནས་བུད་པ་སོགས་ཀྱི་དམིགས་བསལ་རྒྱུ་རྐྱེན་ཕུད)དང་འོས་འགན་སློབ་གསོའི་དུས་མཚམས་སུ་སློབ་སྦྱོང་གི་ཆ་རྐྱེན་འཛོམས་པའི་ལོ་ཆུང་བྱིས་པ་སློབ་ཤོར་སློབ་བསྐྱུར་བྱས་མེད་པ། སྡོད་ཁང་བདེ་འཇགས་དང་འཐུང་ཆུའི་བདེ་འཇགས་མངོན་འགྱུར་བྱུང་ཡོད་པ། 

3.རོགས་སྐྱོར་བྱས་པ་བརྒྱུད་ཡོང་འབབ་ཀྱི་ཡོང་ཁུངས་བརྟན་པོ་ཡོད་ལ། ཁྱིམ་ཚང་གི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་རྟོག་འཇལ་གྱི་ཚད་གཞི་ལས་བརྟན་པོའི་ངང་བརྒལ་ཡོད་པ། 

4.གྲངས་འབོར་ཆེ་བའི་འགྱུར་མེད་ཀྱི་གཏོང་སྒོའི་གནད་དོན་དེ་བརྟན་པོའི་ངང་ཐག་གཅོད་བྱས་པ་དང་། དབུལ་ལོག་དབུལ་འགྱུར་གྱི་ཉེན་ཁ་དེ་བརྟན་པོའི་ངང་སེལ་བའམ། ཡང་ན་རང་ཤུགས་སུ་མེད་པར་གྱུར་ཡོད་པ། 

དོན་ཚན་ཉེར་དྲུག ཉེན་ཁ་སེལ་བའི་ངོས་འཛིན་གོ་རིམ། “ཉེན་ཁ་སེལ་བ”དེ“དུད་ཚང་དུ་ཕྱིན་ནས་ཞིབ་བཤེར་དང་སྡེ་བ་རིམ་པའི་གྲོས་གཅོད། ཡུལ་གྲོང་གི་ཐོག་མའི་ཞིབ་བཤེར། རྫོང་རིམ་པས་བཤེར་འབེབས་བཅས་བྱེད་པའི”གོ་རིམ་ལྟར་ཉེན་ཁ་སེལ་བ་ངོས་འཛིན་བྱེད་དགོས། 

1.དུད་ཚང་དུ་ཕྱིན་ཏེ་བཤེར་བདར་བྱེད་པ། སྡེ་སྡོད་ལས་དོན་རུ་མི་དང་སྡེ་བའི“ཨུ་ལྷན་གཉིས”ཀྱི་ལས་བྱེད་པས་རོགས་སྐྱོར་འབྲེལ་གཏུག་པས་རྒྱུན་གཏན་གྱི་ལྡོག་སྐྱེལ་བྱས་པའི་གནས་ཚུལ་ལ་གཞིགས་ནས། དུད་ཚང་དུ་སྐྱོད་པའི་ཞིབ་བཤེར་ཚན་ཆུང་བཙུགས་ཏེ། ཉེན་ཁ་སེལ་གྲབས་ཡོད་པའི་རྟོག་འཇལ་བྱ་ཡུལ་གྱི“སེམས་ཁྲལ་མེད་པ་གཉིས་དང་འགན་སྲུང་གསུམ”དང་ཡོང་འབབ་སོགས་ཀྱི་གནས་ཚུལ་བཤེར་བདར་བྱེད་དགོས། 

2.སྡེ་བ་རིམ་པའི་གྲོས་གཅོད། སྡེ་བའི་རྟོག་འཇལ་ཚན་ཆུང་གིས་སྡེ་དམངས་འཐུས་མི་སྒྲིག་འཛུགས་ཀྱིས་དཔྱད་བརྗོད་ཚོགས་འདུ་འཚོགས་པ་དང་། ཉེན་ཁ་སེལ་བའི་གཞི་རྩའི་ཚད་གཞི་དང་ཞིབ་བསྡུར་བྱས་ཏེ། དུད་ཚང་རེ་རེ་བཞིན་ཉེན་ཁ་སེལ་བའི་དཔྱད་དཔོག་བྱེད་པ་དང་འབྲེལ་ཉེན་ཁ་སེལ་གྲབས་ཡོད་པའི་རྟོག་འཇལ་བྱ་ཡུལ་གྱི་མིང་ཐོ་ཡུལ་ཚོ(གྲོང་རྡལ)ལ་ཞིབ་བཤེར་བྱེད་པར་གོང་ཞུ་བྱེད་དགོས། 

3.ཡུལ་གྲོང་གི་ཐོག་མའི་ཞིབ་བཤེར། ཡུལ་ཚོ(གྲོང་རྡལ)ཡིས་འབྲེལ་ཡོད་མི་སྣ་སྒྲིག་འཛུགས་བྱས་ཏེ། སྡེ་བས་གོང་ཞུ་བྱས་པའི་ཉེན་ཁ་སེལ་གྲབས་ཡོད་པའི་རྟོག་འཇལ་བྱ་ཡུལ་གྱི་མིང་ཐོར་བསྐྱར་བཤེར་བྱས་རྗེས། ཉེན་ཁ་སེལ་གྲབས་ཡོད་པའི་རྟོག་འཇལ་བྱ་ཡུལ་གྱི་བསྐྱར་ཞིབ་མིང་ཐོ་བཟོ་དགོས་པ་མ་ཟད། ཡུལ་ཚོ(གྲོང་རྡལ)མི་དམངས་སྲིད་གཞུང་གི་མིང་ཐོག་ནས་མིང་ཐོ་རང་སོ་སོའི་སྲིད་འཛིན་སྡེ་དམངས་ཨུ་ལྷན་གནས་སར་ཉིན5ཡོངས་བསྒྲགས་བྱེད་དགོས། ཡོངས་བསྒྲགས་ནང་དོན་དེར་ཉེན་ཁ་སེལ་གྲབས་ཡོད་པའི་རྟོག་འཇལ་བྱ་ཡུལ་གྱིས་ལོངས་སྤྱོད་བྱེད་པའི་རོགས་སྐྱོར་གནས་ཚུལ་སོགས་ཚུད་ཡོད། ཡོངས་བསྒྲགས་བྱེད་རིང་བསམ་འཆར་མི་མཐུན་པ་ཡོད་ཚེ། ཡུལ་ཚོ(གྲོང་རྡལ)མི་དམངས་སྲིད་གཞུང་གིས་རྟོག་དཔྱོད་བཤེར་བདར་སྒྲིག་འཛུགས་བྱེད་པའི་འགན་འཁུར་དགོས། ཡོངས་བསྒྲགས་བྱེད་ཡུན་ལོངས་རྗེས། ཡོངས་བསྒྲགས་བྱས་པར་བསམ་འཆར་མི་འདྲ་བ་མེད་པ་དང་བསམ་འཆར་མི་འདྲ་བ་ཡོད་ཀྱང་རྟོག་དཔྱོད་བཤེར་བདར་བྱས་ནས་ཉེན་ཁ་སེལ་བའི་ཚད་གཞི་དང་མཐུན་པའི་རིགས། ཡུལ་ཚོ(གྲོང་རྡལ)མི་དམངས་སྲིད་གཞུང་གིས་ཞིབ་བཤེར་བསམ་འཆར་ལ་མིང་རྟགས་བཀོད་དེ་ཞིབ་ཕྲའི་མིང་ཐོ་བཟོས་ནས་རྫོང་རིམ་པའི་གྲོབ་གསེབ་དར་སྤེལ་སྡེ་ཁག་ལ་སྙན་སེང་ཞུ་དགོས། 

4.རྫོང་རིམ་པས་བཤེར་འབེབས་བྱེད་པ། རྫོང་རིམ་པའི་གྲོང་གསེབ་དར་སྤེལ་སྡེ་ཁག་གིས་འབྲེལ་ཡོད་སྡེ་ཁག་སྒྲིག་འཛུགས་བྱས་ཏེ། ཡུལ་ཚོ(གྲོང་རྡལ)ཡིས་གོང་ཞུ་བྱས་པའི་མིང་ཐོར་བཤེར་འབེབས་བྱེད་དགོས་པ་དང་། རྩ་འཛུགས་ཀྱིས་འཐེན་བཤེར་བཤེར་བརྟག་བྱས་རྗེས། ཉེན་ཁ་སེལ་བའི་རྟོག་འཇལ་བྱ་ཡུལ་གྱི་མིང་ཐོ་གཏན་ཁེལ་བྱེད་དགོས་པ་དང་། ཞིང་སྡེའི་ཉེན་ཁ་ཡོད་པའི་མིང་ཐོ་ནང་དུ“ཉེན་ཁ་སེལ་བའི”རྟགས་འགོད་པ་མ་ཟད། དུས་ཐོག་ཏུ་དུད་ཚང་དུ་ཕྱིན་ཏེ་བརྡ་གཏོང་དགོས། 

དོན་ཚན་ཉེར་བདུན། ཉེན་ཁ་སེལ་བའི་རྗེས་མཐུད་དོ་དམ། རྟོག་འཇལ་བྱ་ཡུལ་ནང་ལོ་ཕྱེད་ཡན་དུ་བཅུག་རིགས་ལ་རྟོག་འཇལ་དང་རོགས་སྐྱོར་གནས་ཚུལ་ལ་གཞིགས་ནས། ཉེན་ཁ་སེལ་བ་ངོས་འཛིན་གྱི་ལས་དོན་རིགས་དབྱེའི་སྒོས་སྤེལ་བ་དང་། ཉེན་ཁ་སེལ་བ་དེ་བསྡུར་ཚད་ཀྱིས་ཚོད་འཛིན་མི་བྱེད། 

1.རྟོག་འཇལ་འབྲེལ་གཏུག་པས་བྱེད་ཐབས་སྣ་ཚོགས་བརྒྱུད་ཟླ་རེར་རྟོག་འཇལ་བྱ་ཡུལ་གྱི་གཏོང་ཡོང་གནས་ཚུལ་དང“སེམས་ཁྲལ་མེད་པ་གཉིས་དང་འགན་སྲུང་གསུམ”། བདེ་འཇགས་འཐུང་ཆུའི་གནས་ཚུལ། རོགས་སྐྱོར་བྱེད་ཐབས་དོན་འཁྱོལ་བྱས་ཚུལ་སོགས་ལ་རྗེས་སྙེག་རྟོག་འཇལ་བྱེད་དགོས། ཉེན་ཁ་བརྟན་པོའི་ངང་སེལ་བའི་རིགས་ལ་རྟོག་འཇལ་འབྲེལ་གཏུག་པས་ལོ་ཕྱེད་སོང་རྗེས་བསྐྱར་རྟོག་ཐེངས་གཅིག་བྱེད་དགོས། རྟོག་འཇལ་བྱ་ཡུལ་གྱི་ཉེན་ཁ་སེལ་རྗེས་དབུལ་ལོག་དབུལ་འགྱུར་གྱི་ཉེན་ཁ་གསར་པ་བྱུང་ཚེ་གོ་རིམ་ལྟར་རྟོག་འཇལ་བྱ་ཡུལ་དུ་བསྐྱར་དུ་འཇུག་དགོས། 

2.ཉེན་ཁ་སེལ་བའི་བརྟན་ལྷིང་རང་བཞིན་ཅུང་ཞན་ཞིང་། ལྷག་པར་དུ་ཡོང་འབབ་བརྟན་པོ་མེད་པ་དང་འགྱུར་མེད་ཀྱི་གཏོང་སྒོ་ཚོད་འཛིན་བྱེད་ཐབས་བྲལ་བའི་རིགས་ལ་ཡོང་འབབ་བརྟན་འཕར་ཡོང་བར་སྐུལ་འདེད་གཏོང་བ་སོགས་ཀྱི་ཐད་མུ་མཐུད་རོགས་སྐྱོར་བྱེད་པ་དང་། ཉེན་ཁ་བརྟན་པོའི་ངང་སེལ་རྗེས་དེ་མཚུངས་ཀྱི་གོ་རིམ་ལག་བསྟར་བྱེད་དགོས། ཐོན་ལས་འཕེལ་རྒྱས་གཏོང་དགོས་པའི་རིགས་ལ་རྗེས་འདེད་རོགས་སྐྱོར་ལོ་གཅིག་ཡན་བྱེད་དགོས་པ་དང་། ལས་ཞུགས་གླ་རྒྱག་ལ་བརྟེན་པའི་རིགས་ལོ་ཕྱེད་ཡན་ལ་རྗེས་སྙེག་རྟོག་འཇལ་བྱེད་དགོས། “འགན་སྲུང་གསུམ”དང་འཐུང་ཆུའི་བདེ་འཇགས་འགན་སྲུང་ལ་གནད་དོན་བྱུང་བའི་རིགས་ལ་མུ་མཐུད་རྗེས་འདེད་རོགས་སྐྱོར་བྱས་ཏེ་སྲིད་ཇུས་དང་བྱེད་ཐབས་དོན་འཁྱོལ་བྱེད་པ་མ་ཟད། བརྟན་པོ་ཡོང་བར་འགན་སྲུང་བྱེད་དགོས། 

3.ངལ་རྩོལ་ནུས་པ་མེད་རིགས་ལ་སྤྱི་ཚོགས་འགན་སྲུང་བྱེད་ཐབས་དོན་འཁྱོལ་བྱས་རྗེས། གནས་སྐབས་སུ“ཉེན་ཁ་སེལ་བའི”རྟགས་མི་འགོད་པར་མུ་མཐུད་རྗེས་འདེད་རྟོག་འཇལ་བྱེད་དགོས། 

དོན་ཚན་ཉེར་བརྒྱད། རྟོག་འཇལ་བྱ་ཡུལ་གྱི་རོགས་སྐྱོར་ཆ་འཕྲིན་དང་རོགས་སྐྱོར་ཕན་འབྲས་ཀྱི་གནས་ཚུལ་འཚོལ་བསྡུ་དང་དུས་ཐོག་ཏུ་གསར་སྒྱུར་བྱེད་དགོས། རྫོང་རིམ་པའི་གྲོང་གསེབ་དར་སྤེལ་སྡེ་ཁག་དང་ཡུལ་ཚོ(གྲོང་རྡལ)། སྡེ་བ་བཅས་ཀྱིས་འབྲེལ་ཡོད་དཔྱད་ཡིག་བསྡུ་རུབ་དང་ལེགས་སྒྲིག་བྱས་ཏེ། དུད་ཚང་དང་མི་རེ་རེར་སྔོན་ཟོན་བཤེར་བདར་དང་རྟོག་འཇལ་རོགས་སྐྱོར། ཉེན་ཁ་སེལ་བ་བཅས་ཀྱི“རྩིས་ཁྲ་གསུམ”བཟོ་དགོས། རྫོང་རིམ་པའི་གྲོང་གསེབ་དར་སྤེལ་སྡེ་ཁག་གིས་དུས་ཚིགས་ལྟར་ཁུལ་གྱི་གྲོང་གསེབ་དར་སྤེལ་སྡེ་ཁག་ལ“རྩིས་ཁྲ་གསུམ”གོང་ཞུ་བྱེད་དགོས། དེ་དང་ཆབས་ཅིག་ཁུལ་དང་རྫོང་གི་འབྲེལ་ཡོད་ལས་རིགས་སྡེ་ཁག་གིས་ཀྱང“རྩིས་ཁྲ་གསུམ”བཟོ་དགོས། 

ལེའུ་བརྒྱད་པ། རྩ་འཛུགས་ཀྱི་འགན་སྲུང་།

དོན་ཚན་ཉེར་དགུ། སྒྲིག་འཛུགས་ཀྱི་མགོ་ཁྲིད་ལ་ཤུགས་རྒྱག་པ། དབུལ་ལོག་མི་འབྱུང་བ་མཐའ་འཁྱོངས་བྱས་ནས་དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་ཆེར་གཏོང་བ་དེ་མངོན་གསལ་དོད་པའི་གནས་བབ་ཐོག་བཞག་ནས། “མི་འཇོག་པ་བཞིའི”བླང་བྱ་གལ་ཆེན་དོན་འཁྱོལ་ནན་པོ་བྱེད་པ་དང་། རིམ་པ་ཁག་དང་འབྲེལ་ཡོད་སྡེ་ཁག་གི་ལས་ཀའི་འགན་འཁྲི་རིམ་པ་བཞིན་ནན་དུ་གཏོང་དགོས། “ཁུལ་དང་རྫོང་། ཡུལ་ཚོས་དོན་འཁྱོལ་དམ་འཛིན་བྱེད་པའི”ལས་ཀའི་རྐྱེན་སྲོལ་ལྟར། རྫོང་རིམ་པའི་བྱེད་པོའི་འགན་འཁྲི་དོན་འཁྱོལ་ནན་པོ་བྱེད་དགོས། རྫོང་སོ་སོས་དབུལ་ལོག་སྔོན་འགོག་གནས་ཚུལ་རྟོག་འཇལ་དང་རོགས་སྐྱོར་ལས་དོན་གྱི་ཆེད་དོན་ཚན་པ་བཙུགས་ནས། དུས་བཅད་དམ་ཡང་ན་དུས་ངེས་མེད་དུ་མཉམ་འབྲེལ་ཚོགས་འདུ་འཚོགས་ཏེ། གཞི་ཁྱོན་རང་བཞིན་གྱི་དབུལ་ལོག་གི་ཉེན་ཁའི་མངོན་མེད་རྐྱེན་ངན་ལ་དབྱེ་ཞིབ་དང་བདར་གཅོད་བྱེད་པ་དང་། ཁ་གཏད་ཀྱི་བྱེད་ཐབས་ཞིབ་འཇུག་གཏན་འབེབས་བྱེད་པ་སོགས་ཡུལ་ཚོ(གྲོང་རྡལ)ཁག་ལ་དོན་འཁྱོལ་དམ་འཛིན་ཡག་པོ་བྱེད་པར་མཛུབ་ཁྲིད་བྱས་ཏེ། གཞི་ཁྱོན་རང་བཞིན་གྱི་དབུལ་ལོག་གི་མ་མཐའ་དམ་སྲུང་བྱེད་དགོས། 

དོན་ཚན་སུམ་ཅུ། སྡེ་ཁག་གི་འགན་འཁྲི་དོན་འཁྱོལ་བྱེད་པ། དབུལ་ལོག་སྔོན་འགོག་གི་གནས་ཚུལ་རྟོག་འཇལ་དང་རོགས་སྐྱོར་གྱི་འབྲེལ་ཡོད་ལས་རིགས་ཀྱི་གཞི་གྲངས་མཉམ་རོལ་མཉམ་སྤྱོད་ཀྱི་རྐྱེན་སྲོལ་བཙུགས་ནས། ལས་རིགས་ཀྱི་གཞི་གྲངས་ཞིབ་བཤེར་སྔོན་ཟོན་དང་ཞིབ་བསྡུར་གྱི་ནུས་པ་འདོན་སྤེལ་ཏན་ཏིག་བྱེད་པ་དང་། དུས་ཐོག་ཏུ་སྔོན་ཟོན་ཆ་འཕྲིན་དང་ཞིབ་བསྡུར་བྱས་འབྲས་ལ་ལན་སློག་པ། ཆ་འཕྲིན་ཞིབ་བཤེར་བྱེད་པར་སྐུལ་འདེད་དང་མཛུབ་ཁྲིད་བྱེད་པ། ལས་རིགས་ཀྱི་རོགས་སྐྱོར་སྲིད་ཇུས་དོན་འཁྱོལ་བཅས་བྱས་ནས“མཉམ་མགོག་མཉམ་རོགས”རྐྱེན་སྲོལ་ལ་ཕན་འབྲས་དངོས་ཐོན་པར་འགན་སྲུང་བྱེད་དགོས། ཡུལ་སྡེ་རིམ་པ་གཉིས་ཀྱིས་རྟོག་འཇལ་དང་རོགས་སྐྱོར་ལས་དོན་གྱི་དྲིལ་སྒྲོག་བྱེད་ཤུགས་ཆེ་རུ་བཏང་ནས། ཁྱིམ་ཚང་ཀུན་གྱིས་ཤེས་རྟོགས་བྱེད་ཅིང་། སྤྱི་ཚོགས་ཀྱི་ཉམས་སྣང་བཟང་པོ་ཞིག་གཏོད་དགོས། 

དོན་ཚན་སོ་གཅིག ཞིབ་བཤེར་དང་དཔྱད་དཔོག་ལ་ཤུགས་སྣོན་པ། དབུལ་ལོག་སྔོན་འགོག་གི་གནས་ཚུལ་རྟོག་འཇལ་དང་རོགས་སྐྱོར་ལས་དོན་གྱི་ཕན་འབྲས་དེ་དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་ཆེར་གཏོང་བའི་ནང་དོན་གལ་ཆེན་ཞིག་ཏུ་བརྩིས་ནས། གྲོང་གསེབ་དར་སྤེལ་འཐབ་ཇུས་ཀྱི་དངོས་འབྲས་ཞིབ་བཤེར་དང་དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་དུ་བཏང་རྗེས་ཀྱི་དཔྱད་དཔོག་ཁྱབ་ཁོངས་ནང་འཇུག་དགོས། ལྟ་སྐུལ་ཞིབ་བཤེར་ལ་ཤུགས་སྣོན་བརྒྱབ་ནས་ཟླ་རེར་བདར་གཅོད་དང་དུས་ཚིགས་རེར་བཀོད་སྒྲིག ལོ་ཕྱེད་བརྡ་ཁྱབ་གཏོང་བ་བཅས་ཀྱི་ལས་ཀའི་རྐྱེན་སྲོལ་འཐུས་ཚང་དུ་གཏོང་བ་དང་། མ་ལག་རང་བཞིན་གྱི་ལྟ་སྐུལ་དོ་དམ་དང་ཡུལ་དངོས་ནས་སྐུལ་ཁྲིད་ཟུང་འབྲེལ་བྱེད་པའི་ལས་ཀའི་བྱེད་སྟངས་འཐུས་ཚང་དུ་གཏོང་བ། ཁུལ་གྲོང་གསེབ་དར་སྤེལ་སྡེ་ཁག་གིས་ཁུལ་སྒྲིག་ཨུ་ལྟ་ཞིབ་ཨུ་ལྷན་དང་ཁུལ་ཨུའི་ལྟ་སྐུལ་ཁང་། ཁུལ་སྲིད་གཞུང་གི་ལྟ་སྐུལ་ ཁང་སོགས་དང་མཉམ་དུ་དབུལ་ལོག་སྔོན་འགོག་གི་གནས་ཚུལ་རྟོག་འཇལ་དང་རོགས་སྐྱོར་ལས་དོན་ལ་ལྟ་སྐུལ་བྱས་ཏེ། གནད་དོན་འབུར་ཐོན་དུས་ཐོག་ཏུ་ཤེས་རྟོགས་དང་ཐག་གཅོད་བྱེད་པ། འགན་འཁྲི་དང་སྲིད་ཇུས། ལས་དོན་བཅས་དོན་འཁྱོལ་གནད་ལ་མ་ཁེལ་བའི་རྐྱེན་གྱིས་གཞི་ཁྱོན་རང་བཞིན་གྱི་དབུལ་ལོག་དབུལ་འགྱུར་བྱུང་བ་དང་། ཡང་ན་རྫུན་བཟོ་དང་སྲོལ་འགལ་སྒྲིག་འགལ་སོགས་མཇུག་འབྲས་ཚབས་ཆེན་བཟོས་པའི་ས་ཁུལ་དང་མི་སྒེར་ལ་ཐག་གཅོད་ནན་པོ་དང་འགན་འཁྲི་རྩད་གཅོད་བྱེད་དགོས། 

དོན་ཚན་སོ་གཉིས། སྤྱོད་ཚུལ་འཛུགས་སྐྱོང་ལ་ཤུགས་སྣོན་པ། རྒྱལ་ཡོངས་ཀྱི་དབུལ་ལོག་སྔོན་འགོག་གི་རྟོག་འཇལ་ཆ་འཕྲིན་མ་ལག་ལ་བརྟེན་ནས་རྟོག་འཇལ་བྱ་ཡུལ་གྱི་རྨང་གཞིའི་གྲངས་མཛོད་འཐུས་ཚང་དུ་གཏོང་བ་དང་བསྐྱར་ཟློས་འཛུགས་སྐྲུན་མི་བྱེད་པ། རེའུ་མིག་བསྐྱར་དུ་སྐོང་ནས་གྲངས་གཞི་ཞུ་བའི་ཆ་འཕྲིན་འཚོལ་བསྡུ་མི་བྱེད་པ། རིམ་པ་རེ་རེ་བཞིན་ཁ་སྣོན་མི་བྱེད་པ་བཅས་བྱས་ཏེ་དོན་དངོས་ཐོག་གཞི་རིམ་གྱི་ཁུར་པོ་ཇེ་ཡང་དུ་གཏོང་དགོས། གནད་ཁེལ་དངོས་སྒྲུབ་དང་གསར་གཏོད་སྲོལ་འབྱེད། འགན་འཁྲི་འཁུར་ཕོད་པ། དམངས་ཀྱི་དོན་དུ་དོན་དངོས་སྒྲུབ་པ་བཅས་ཀྱི་སྲོལ་བཟང་གསར་པ་ཤུགས་ཆེན་པོས་སྐྲུན་དགོས། 

ལེའུ་དགུ་པ། ཞར་བྱུང་དོན་ཚན།

དོན་ཚན་སོ་གསུམ། བྱེད་ཐབས་འདི་ཁུལ་གྲོང་གསེབ་དར་སྤེལ་ཅུས་འབྲེལ་ཡོད་སྡེ་ཁག་དང་གྲོས་མོལ་བྱས་ནས་འགྲེལ་བཤད་བྱེད་པའི་འགན་ཁུར་དགོས། 

དོན་ཚན་སོ་བཞི། བྱེད་ཐབས་འདི2022ལོའི་ཟླ5ཚེས27ཉིན་ནས་བཟུང་ཚོད་ལྟའི་ལག་བསྟར་བྱེད་པ་ཡིན། 



本期证报PDF文件