རྩོམ་སྒྲིག སངས་དོན། ཡོང་ཁུངས། གངས་ལྗོངས་འཕྲིན་གསར། བཤེར་འབེབས། རིན་ཆེན་ཚེ་རིང་།
གློག་རྡུལ་ཉེན་རྟོག་ཁྲིམས་འགལ་པར་ལེན་སྒྲིག་ཆས་སྤྱོད་མགོ་ཚུགས་པའི་སྐོར་གྱི་སྤྱི་བསྒྲགས།
བགྲོད་ལམ་འགྲིམ་འགྲུལ་བདེ་འཇགས་ལ་དོ་དམ་བྱེད་ཤུགས་སྔར་ལས་ཆེ་རུ་གཏོང་བ་དང་རླངས་འཁོར་སྐོར་བའི་སྒྲིག་ལམ་ཚད་ལྡན་དུ་གཏོང་བ། འགྲིམ་འགྲུལ་དོན་རྐྱེན་སྔོན་འགོག་དང་ཉུང་དུ་གཏོང་བ། མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་བདེ་འཇགས་ཡོང་བར་འགན་ལེན་ཏན་ཏིག་བྱ་ཆེད། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་གཞུང་ལམ་འགྲིམ་འགྲུལ་བདེ་འཇགས་བཅའ་ཁྲིམས》དང《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་གཞུང་ལམ་འགྲིམ་འགྲུལ་བདེ་འཇགས་བཅའ་ཁྲིམས་ཀྱི་ལག་བསྟར་སྲོལ་ཡིག》སོགས་བཅའ་ཁྲིམས་ཁྲིམས་སྲོལ་གྱི་གཏན་འབེབས་གཞིར་བཟུང་ནས། མཚོ་བྱང་ཁུལ་ནུབ་མཚོ་སྤྱི་བདེ་འགྲིམ་འགྲུལ་ཉེན་རྟོག་རུ་ཆེན་གྱིས་ནུབ་མཚོ་གྲོང་རྡལ་དུ་གློག་རྡུལ་ཉེན་རྟོག་ཁྲིམས་འགལ་པར་ལེན་སྒྲིག་ཆས11བཀོད་སྒྲིག་བྱས་པ་དང་། ད་ལྟ་ཞིབ་ཕྲའི་བཀོད་སྒྲིག་བྱས་པའི་བགྲོད་ལམ་གྱི་མིང་དང་ས་གནས། བེད་སྤྱོད་དོན་ཚན་བཅས་ཡོངས་བསྒྲགས་བྱས་པ་གཤམ་གསལ་ལྟར།
གཅིག བགྲོད་ལམ་གྱི་མིང་དང་ས་གནས།
1 ནུབ་མཚོ་སྲང་ཆེན་དང་རྐང་ཚ་ལམ་གྱི་བཞི་མདོའི་ཤར་ཕྱོགས།
2 ནུབ་མཚོ་སྲང་ཆེན་དང་དམག་དཔོན་ལམ་གྱི་བཞི་མདོའི་ནུབ་ཕྱོགས།
3 དམག་དཔོན་ལམ་དང་ནུབ་མཚོ་སྲང་ཆེན་གྱི་བཞི་མདོའི་ལྷོ་ཕྱོགས།
4 དངུལ་ཐང་ལམ་མཚོ་བྱང་མགྲོན་ཁང་གི་སྒོ་ཁ།
5 དངུལ་ཐང་ལམ་མཚོ་བྱང་རྒྱང་སྒྲོག་གི་སྒོ་ཁ།
6 དངུལ་ཐང་ལམ་དང་མཐོན་པོ་ལམ་གྱི་བཞི་མདོའི་ལྷོ་ཕྱོགས།
7 གསེར་ཐང་ལམ་ཀྲུང་གོ་དངུལ་ཁང་གི་སྒོ་འགྲམ།
8 གསེར་ཐང་ལམ་ཞིང་ལས་ཚོང་དོན་དངུལ་ཁང་གི་སྒོ་འགྲམ།
9 རྡུལ་ཕྲན་ལམ་དང་དམག་དཔོན་ལམ་གྱི་བཞི་མདོའི་ནུབ་ཕྱོགས།
10 རྡུལ་ཕྲན་ལམ་དང་རྐང་ཚ་ལམ་གྱི་བཞི་མདོའི་ཤར་ཕྱོགས།
11 མཐོན་པོ་ལམ་དང་རྐང་ཚ་ལམ་གྱི་བཞི་མདོའི་ཤར་ཕྱོགས།
གཉིས། བེད་སྤྱོད་དུས་ཚོད།
གློག་རྡུལ་ཉེན་རྟོག་པར་ལེན་སྒྲིག་ཆས་དེ2023ལོའི་ཟླ3པའི་ཚེས1ཉིན་དངོས་སུ་སྤྱོད་རྒྱུ་ཡིན་པ་རེད།
སྤྱི་བསྒྲགས་སྤེལ་ཡུན་ལོན་རྗེས། སྤྱི་བདེ་ལས་ཁུངས་ཀྱིས་གོང་གསལ་གྱི་ལམ་དུམ་སོ་སོའི་འགྲིམ་འགྲུལ་ཁྲིམས་འགལ་བྱ་སྤྱོད་སྣ་ཚོགས་ཁྲིམས་ལྟར་དམ་འཛིན་དང་པར་ལེན་ཆད་གཅོད་བྱེད་རྒྱུ་ཡིན་པས། རྒྱ་ཆེའི་འགྲིམ་འགྲུལ་ཁ་ལོ་བ་ཚོས་རང་འགུལ་ངང་འགྲིམ་འགྲུལ་ཁྲིམས་སྲོལ་ལ་བརྩི་སྲུང་བྱས་ནས་བདེ་འཇགས་དང་ཡ་རབས་ངང་སྐྱོད་རྒྱུའི་རེ་བ་ཡོད།
མཚོ་བྱང་ཁུལ་ནུབ་མཚོ་སྤྱི་བདེ་འགྲིམ་འགྲུལ་ཉེན་རྟོག་རུ་ཆེན།
2023ལོའི་ཟླ2པའི་ཚེས15ཉིན།