དཀར་ཆག་ལ་ནང་གསེས་རིགས་ག་ཚོད་ཡོད།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། བོད་ཀྱི་རིག་གནས་རྒྱུན་ཤེས། བཤེར་འབེབས། རིན་ཆེན་ཚེ་རིང་།

དཀར་ཆག་ཅེས་པའི་གོ་དོན་ནི་ཉིན་དཀར་གྱི་དུས་སུ་གཟུགས་ཀྱི་ཁྱད་ཆོས་རྣམས་མ་འདྲེས་པར་གསལ་བོར་མཐོང་བ་ལྟར་འགོད་བྱའི་དོན་དེ་གསལ་བོར་བཀོད་པའི་དོན་དང་། ཆག་ཅེས་པ་ནི་རྩྭའི་ཆུན་པོ་བསྡམས་པ་ལྟར་འགོད་བྱའི་དོན་དེ་སྡེ་ཚན་མ་འདྲེས་པར་སོ་སོར་ཕྱེ་ནས་གསལ་བོར་བཀོད་པའི་དོན་ཡིན།  དཀར་ཆག་གི་རྣམ་གྲངས་ལ་རིགས་མི་འདྲ་བ་ལྔ་ཡོད་པ་སྟེ།

1.གཙུག་ལག་ཁང་དང་ཕོ་བྲང་པོ་ཏ་ལའི་དཀར་ཆག་ལྟ་བུ་ལྷ་ཁང་གི་དཀར་ཆག 

2.གདན་ས་གསུམ་དང་སྐུ་འབུམ་དགོན་པའི་དཀར་ཆག་ལྟ་བུ་དགོན་པའི་དཀར་ཆག   

3.གསེར་གདུང་འཛམ་གླིང་རྒྱན་གཅིག་གི་དཀར་ཆག  ཇོ་ནང་མཆོད་རྟེན་ཆེན་མོའི་དཀར་ཆག ཇོ་བོ་བྱང་ཆུབ་ཆེན་པོའི་སྐུ་བརྙན་གྱི་དཀར་ཆག་ལྟ་བུ་སྐུ་རྟེན་དང་མཆོད་རྟེན་གྱི་དཀར་ཆག

4.བཀའ་འགྱུར་དཀར་ཆག་དང་བསྟན་འགྱུར་དཀར་ཆག་ལྟ་བུ་གསུང་རབ་ཀྱི་དཔེ་ཐོ།  

5.གངས་ཏེ་སེའི་དཀར་ཆག་དང་།  ཕ་བོང་ཁའི་དཀར་ཆག་ཙཱ་རིའི་དཀར་ཆག་ལྟ་བུ་གནས་ཡིག་ལ་དཀར་ཆག་གི་མིང་བཏགས་པ་ལྟ་བུ་བཅས་ཡིན། དེ་རྣམས་མིང་འདོགས་སྟངས་མི་འདྲ་ཡང་དཀར་ཆག་གི་སྡེ་ཚན་ཁོངས་སུ་འདུས་པ་ཡིན།