《བཀའ་གདམས་གླེགས་བམ》ཞེས་པ་དེ་བྱེ་བྲག་ཏུ་དཔེ་ཆ་གང་ལ་ངོས་འཛིན་དགོས།

 རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། བོད་ཀྱི་རིག་གནས་རྒྱུན་ཤེས། བཤེར་འབེབས། རིན་ཆེན་ཚེ་རིང་།

《བཀའ་གདམས་གླེགས་བམ》ཞེས་པ་ནི་བཀའ་གདམས་ཀྱི་མན་ངག་ཐམས་ཅད་ཀྱི་རྩ་བ་ལྟ་བུ 《བྱང་སེམས་ནོར་བུའི་ཕྲེང་བ》ཞེས་པ་དེ་ཡིན་ཞིང་།  དེ་ནི《ཇོ་བོའི་ཆོས་ཆུང་བརྒྱ་རྩ》( སྡེ་དགེ《བསྟན་འགྱུར》 མདོ་ཕྱོགས་པོད 《ཁ》པའི་ནང་དང་། 《བཀའ་གདམས་ཕན་ཆོས》ཀྱི་མགོར་ཡོད། དེ་ནི《བཀའ་གདམས་ཕ་ཆོས》པོད་གཅིག་དང《བཀའ་གདམས་བུ་ཆོས》པོད་གཅིག་བཅས་བསྡོམས་པའི་མིང་ཡིན། གླེགས་བམ་འདིའི་བརྗོད་བྱ་ཁག་ཅིག་འབྲོམ་སྟོན་པ་རིན་པོ་ཆེས་དྲི་བ་ཞུས་པའི་ལན་ཇོ་བོ་རྗེ་ཨ་ཏི་ཤས་གསུངས་པ་དང་།  མང་བོ་ཞིག་རྔོག་ལེགས་པའི་ཤེས་རབ་ཀྱིས་དྲི་བ་ཞུས་པའི་ལན་ཇོ་བོ་རྗེ་ཨ་ཏི་ཤས་གསུངས་པ། ཉུང་ཤས་ཤིག་དགེ་བཤེས་ཁུ་སྟོན་གྱིས་དྲི་བ་ཞུས་པའི་ལན་ཇོ་བོ་རྗེས་གསུངས་པ་བཅས་ཡིན་ཞིང་།  ཕ་ཆོས་ཞེས་པ་ཕ་འབྲོམ་སྟོན་པ་རིན་པོ་ཆེས་ཞུས་པ་ལ་ཟེར། བུ་ཆོས་ཞེས་པ་བུ་རྔོག་ལེགས་པའི་ཤེས་རབ་དང་དགེ་བཤེས་ཁུ་སྟོན་གྱིས་ཞུས་པ་ལ་ཟེར། 《བཀའ་གདམས་གླེགས་བམ》ཕྱོགས་བསྒྲིགས་ཐོག་མཛད་མཁན་ནི་རྔོག་ལེགས་པའི་ཤེས་རབ་ཡིན་ཞིང་།  དེའི་ལུང་རྒྱུན་ཡང་རྔོག་ནས་བཟུང་ད་ལྟའི་བར་རྒྱུན་མ་ཆད་པར་ཡོད།