རྐང་ཚ་རྫོང་མཚོ་འཁྱིལ་ཞང་གིས“ཏང་འཛུགས་སྐྲུན+ཆུ་དཔོན་མཚེའུ་དཔོན་ལམ་ལུགས”ཀྱིས་མཚེའུ་བཅོས་སྐྱོང་ལ་དམ་འཛིན་བྱས།

སྒྲིག་སྒྱུར།  དོན་འགྲུབ་མཚོ།  ཡོང་ཁུངས།  མཚོ་སྔོན་བོད་ཡིག་གསར་འགྱུར་ཚགས་པར།  བཤེར་འབེབས།  རིན་ཆེན་ཚེ་རིང་།

ཉེ་བའི་ལོ་འགའི་རིང་ལ། མཚོ་བྱང་བོད་རིགས་རང་སྐྱོང་ཁུལ་རྐང་ཚ་རྫོང་མཚོ་འཁྱིལ་ཞང་གིས“ཆུ་དྭངས་རི་སྔོ་ནི་གསེར་རི་དངུལ་རི་ཡིན་པའི”འདུ་ཤེས་བརྟན་པོར་བཟུང་བ་དང་།   “ཏང་འཛུགས་སྐྲུན+ཆུ་དཔོན་མཚེའུ་དཔོན་ལམ་ལུགས”ཀྱི་བྱ་བ་ཧུར་ཐག་གིས་འཚོལ་ཞིབ་བྱས་ཏེ།  ཏང་རྩ་འཛུགས་ཀྱིས་ཁྲིད་སྟོན་དང་ཏང་ཀྲི་པུ་ཧྲུའུ་ཅི་ཡིས་སྣེ་ཁྲིད་པ།  སྐྱེ་ཁམས་དཔལ་ཡོན་ལས་བྱེད་རུ་ཁག་གིས་འགན་འཁུར་བ། མང་ཚོགས་དེའི་ཁྲོད་ཞུགས་པའི་རྣམ་པ་ལེགས་པོ་རིམ་བཞིན་ཆགས་ཡོད།

ཞང་དང་སྡེ་བ་རིམ་པའི་ཆུ་དཔོན་རྩ་འཛུགས་མ་ལག་གཟབ་ནན་གྱིས་དངོས་འབེབས་བྱས་པ་དང་།  ཏང་སྲིད་ཀྱི་མགོ་ཁྲིད་གཙོ་བོས་སྣེ་ཁྲིད་དེ་བུ་ཧ་ཆུ་བོ་དང་བུ་ཧ་ལན་ཆུ་བོ།  དེ་མིན་ཞང་ཁོངས་ཀྱི་ཆུ་བོ་གཙོ་བོ་བཅས་ལ་སྐོར་ཞིབ་བྱེད་མགོ་བརྩམས་ལ།  ཞང་ཡོངས་ཀྱི་རིམ་པ་སོ་སོའི་ཆུ་དཔོན་དང་ཆུ་བོ་དང་མཚེའུ་བདག་སྲུང་པས་ས་མཚམས་བགོས་ནས་འགན་འཁྲི་དངོས་འབེབས་དང་ལེགས་འཛིན་བྱེད་པ།  ཆུ་དཔོན་དང་མཚེའུ་དཔོན་གྱི་འགན་འཁྲི་ནུས་པ་རྒྱུན་ཆད་མེད་པར་ཇེ་དྲག་ཏུ་བཏང་ནས།  ཆུ་བོ་དང་མཚེའུ་ཡི་ཁོར་ཡུག་ལ་སྔས་ལས་ལེགས་བཅོས་བྱས་པར་མ་ཟད། ཆུ་བོ་དང་མཚེའུ་དོ་དམ་ཆུ་ཚད་ཀྱང་རྒྱུན་ཆད་མེད་པར་ཇེ་མཐོར་ཕྱིན། ད་ལྟ། ཆུ་བོར་སྐོར་ཞིབ་ཐེངས196བྱས་ཏེ། ཆུ་བོ་རེར་ལྟ་སྲུང་བ་རེ་དང་ས་མཚམས་རེར་དོ་དམ་པ་རེ་ཡོད་པའི་བྱ་བའི་བཀོད་སྟངས་གྲུབ།

གཞི་རིམ་ཏང་རྩ་འཛུགས་དང་སྐྱེ་ཁམས་ལས་བྱེད་རུ་ཁག་གིས་ཆུ་བོ་དང་མཚེའུ་ལ་སྲུང་སྐྱོབ་དང་དོ་དམ་བྱེད་པའི་ཁྲོད་འཐབ་འཛིང་བཙན་རྫོང་གི་ནུས་པ་ཧུར་ཐག་གིས་འདོན་སྤེལ་བྱས་ཏེ།  “རེས་གཟའ་པ་སངས་ཀྱི་གཙང་སྦྲ་ཉིན་མོ”དང་ཟླ་རེའི་བརྗོད་དོན་ཏང་གི་ཉིན་མོའི་བྱ་འགུལ་སོགས་ལ་བརྟེན་ནས་སྡེ་བ་སོ་སོའི་ཏང་ཡོན་དུས་བཅད་ལྟར་རྩ་འཛུགས་བྱས་ཏེ་ཆུ་ལམ་བཅོས་སྐྱོང་བྱེད་མགོ་བརྩམས། དུས་མཚུངས་སུ། སྡེ་བ་སོ་སོས་སྡེ་བ་རིམ་པའི་དྲ་མིག་པ་དང་སྡེ་བ་རིམ་པའི་སྐད་འཕྲིན་ཚོགས་པ་སོགས་བརྒྱུད་དེ་ཆུ་བོ་དང་མཚེའུ་དཔོན་ལམ་ལུགས་ཀྱི་སྲིད་ཇུས་རྒྱ་ཆེར་དྲིལ་སྒྲོག་བྱས་ཏེ།  མང་ཚོགས་ཀྱིས་དོ་སྣང་ཆེན་པོ་དང་རྒྱབ་སྐྱོར།  ཆུ་བོ་དང་མཚེའུ་དོ་དམ་བྱ་བའི་ཁྲོད་ཞུགས་པར་སྣེ་ཁྲིད་བྱས།  “འཆར་ཡན་གྱི་མཚོ་འཁྱིལ.རིག་གནས་ཀྱི་ཕ་ས”ཞེས་པའི་ཕྲེང་བསྟར་བྱ་འགུལ་དང་སྡེ་བའི་དགོང་ཚོགས་ཕྲེང་བསྟར་བྱ་འགུལ་ལ་ཟུང་འབྲེལ་བྱས་ཏེ་སྲིད་ཇུས་དྲིལ་སྒྲོག་བྱས།  མིག་སྔར།  ཏང་ཡོན་ལས་བྱེད་པ་མི180ལྷག་གིས་ཆུ་རགས་ཀྱི་འཚོ་བའི་གད་སྙིགས་སོ་སོ་གཙང་སྦྲ་བྱས་པ་དང་།  དྲིལ་སྒྲོག་དཔེ་དེབ1100ལྷག་གཏོང་སྤྲོད་བྱས།

“ཞང་རིམ་པས་བཅོས་སྐྱོང་དང་སྡེ་བ་དང་ཧྲེ་ཡིས་སྐོར་ཞིབ”བྱེད་པའི་བདག་སྐྱོང་མ་ལག་འཚོལ་ཞིབ་བྱས་ནས་བཙུགས་པ་དང་།  འགན་ལེན་བྱས་པའི་ཆུ་མཚམས་ཀྱི་སྐོར་ཞིབ་ཤུགས་ཚད་ཇེ་ཆེར་གཏོང་བ།  “ཉིན་རེར་སྐོར་ཞིབ་དང་ཟླ་རེར་བརྡ་ཁྱབ་གཏོང་བ།  དུས་ཚིགས་རེར་སྤྱི་བསྡོམས་བྱེད་པའི”བྱ་བའི་ལམ་ལུགས་འཚོལ་ཞིབ་བྱས་ཏེ་བཙུགས་པར་མ་ཟད།  ཁྱོན་ཡོངས་ནས་ཆུ་དཔོན་དང་མཚེའུ་དཔོན་བྱ་བའི་སྐོར་ཞིབ་ནང་རྐྱེན་དངོས་འབེབས་བྱེད་པ།  “སྤྱིའི་བཀོད་འདོམས་པ”ནས“ཆེས་མདུན་སའི་སོ་སྲུང་བའི”བར་འཕྲེད་དུ་མཐར་ཐུག་པ་དང་གཞུང་དུ་གཏིང་ལ་གཏུགས་པའི་ཆུ་བོ་དང་མཚེའུ་བདག་སྐྱོང་དྲ་བ་བསྐྲུན་ཏེ།  ཆུ་བོ་དང་མཚེའུ་བཅོས་སྐྱོང་བྱ་བ་རྒྱུན་རྣམ་ཅན་དང་ཡུན་ཕན་ཅན།  ཚད་ལྡན་ཅན་དུ་གཏོང་བར་རྒྱུན་མཐུད་སྒོས་སྐུལ་འདེད་བྱས།