221རྟེན་གཞིར་བསྐྱོད་དེ་མཛད་རྗེས་ཅན་ལ་གུས་འདུད་ཞུ།（ཁག་དྲུག་པ）

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། ཀྲུང་གོ་བོད་ཀྱི་དྲ་བ། བཤེར་འབེབས། རིན་ཆེན་ཚེ་རིང་།

ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་ངོ75འཁོར་བར་རྟེན་འབྲེལ་ཞུ།
“མདེལ་གཉིས་སྐར་གཅིག”གི་སྙིང་སྟོབས་རྒྱུན་འཛིན་དང་དར་སྤེལ་བྱེད།
“བཙན་རྫོང”ནང་གི་སྒེའུ་ཁུང་ཆུང་ཆུང་།——221རྟེན་གཞིའི་ཡན་ལག་བཟོ་གྲྭ་གཉིས་པར་བསྐྱོད་པ།

221རྟེན་གཞིར་བསྐྱོད་དེ། མཛད་རྗེས་ཅན་ལ་གུས་འདུད་ཞུ།

ང་ཚོའི་མིག་ལམ་དུ་མངོན་པའི་དམིགས་བསལ་གྱི་ཨར་འདམ་དང་ལྕགས་རྩིབ་ཀྱིས་བཟོས་པའི་སྐས་དབྱིབས་ཅན་གྱི་ཨར་ལས་འདི་དག་ནི་གསེར་དངུལ་ཐང་རྩྭ་ཐང་གི་ཐུན་མོང་མ་ཡིན་པའི་བཟོ་སྐྲུན་ཏེ། ཡན་ལག་བཟོ་གྲྭ་དྲུག་པའི་གས་གཏོར་ཚོད་ལྟ་ར་བ་རེད། “221”གི་རྒན་རབས་པས་དེར“བཙན་རྫོང་”ཞེས་འབོད་ཀྱིན་ཡོད། འབར་གས་ཚོད་ལྟ་ནི་ཉིང་རྡུལ་མཚོན་ཆ་ཞིབ་འཇུག་དང་གསར་བཟོ་བྱེད་པའི་གནད་འགག་གི་ཚོད་ལྟ་ཞིག་ཡིན་ལ།  ཆེད་དུ་གས་གཏོར་རྡེག་རླབས་ཚོད་ལྟ་དང་ཉིང་རྡུལ་མཚོན་ཆ་ཚོད་ལྟ། རྒྱུན་སྲོལ་མཚོན་ཆ་ཚོད་ལྟ་བྱེད་ས་བཅས་རེད། ཚོད་ལྟ་ར་བའི་རྒྱབ་ངོས་ཀྱི་ལྕགས་མཁར་ཧྲིལ་བོར་བཙའ་ཆགས་ཤིང་། དེའི་སྟེང་དུ་ཆེ་ཆུང་མི་འདྲ་ལ་མཐོ་དམན་མི་འདྲ་བའི་ལྟ་ཞིབ་ཁུང་བུ་མང་པོ་ཡོད་པ་དེ་ནི།  སྔོན་ཆད་ཚན་རིག་ཞིབ་འཇུག་མི་སྣས་ཁུང་བུ་འདི་དག་ནང་ནང་ནས་ཕྱིའི་བར་ལ་ཚད་ལེན་ཚོད་ལྟའི་དམིགས་ཡུལ་མི་འདྲ་བའི་ཆེད་ལས་ཀྱི་དཔྱད་ཆས་དང་སྒྲིག་ཆས་བཙུགས་ཡོད་པ་དང་། དེའི་ཁྲོད་རིམ་པ་དང་པོའི་གསར་བརྗེའི་རིག་དངོས་ཏེ། འགྲོས་མྱུར་འཁོར་ཤེལ་བཤེར་འབེབས་པར་ཆས་ཡང་ཡོད།1963ལོར་ལི་གོ་ཀྲུའུ་འབར་གས་ཚོད་ལྟ་ར་བར་ཡོང་ནས་བྱ་བ་སྒྲུབ་མགོ་བརྩམས་པ་དང་། གས་གཏོར་ཚོད་ལྟ་ར་བའི་འགྲོས་མྱུར་འཁོར་ཤེལ་བཤེར་འབེབས་པར་ཆས་བཀོལ་སྤྱོད་བྱེད་མཁན་ཞིག་ཡིན་པའི་ཆ་ནས། ཁོང་གིས་བཤད་རྒྱུར། ང་རང་གིས་མི་ཚེ་གང་བོར་བྱ་བ་སྣ་གཅིག་ལས་བསྒྲུབས་མེད་ལ། དེ་ནི་གས་གཏོར་ཚོད་ལྟ་ལ་ལྟ་ཞིབ་ཚད་ལེན་བྱས་པ་དེ་ཡིན་ཟེར།  གས་གཏོར་ཚོད་ལྟ་ནི་ལྡོག་ཐབས་མེད་པའི་ཚོད་ལྟ་ཞིག་དང་། གས་ཤུགས་ཧ་ཅང་ཆེ་བའི་ཚོད་ལྟ་ཞིག་ཡིན་པས། ལི་གོ་ཀྲུའུ་ཡིས་ལྟ་ཞིབ་ཚད་ལེན་བྱེད་སྐབས་ཧེ་བག་ཕྲན་ཙམ་ཤོར་ཚེ། གས་གཏོར་ཚོད་ལྟའི་གཞི་གྲངས་ཡང་དག་པ་ཞིག་ཐོན་ཐབས་མེད་པ་ཡིན། 221རྟེན་གཞི་ཧྲིལ་བོ་རུ་སྐར་ཆ་རེར་ལྡེབ་ཚད་ཁྲི250ཡི་འགྲོས་མྱུར་འཁོར་ཤེལ་བཤེར་འབེབས་པར་ཆས་གཅིག་མ་གཏོགས་མེད། 1959ལོར་སུའུ་ལེན་སྔོན་མའི་ཆེད་མཁས་པ་རང་རྒྱལ་ནས་ཕྱིར་འཐེན་སྐབས། པར་ཆས་བཀོལ་སྤྱོད་ཀྱི་ལག་དེབ་དང་འབྲེལ་ཡོད་རྒྱུ་ཆ་ཚང་མ་འཁྱེར་སོང་བས། ཡོད་ཚད་རང་ཉིད་ཀྱི་རིག་པ་ལ་བརྟེན་ནས་སློབ་སྦྱོང་དང་འཚོལ་ཞིབ་བྱེད་དགོས་པར་གྱུར།སྤྱིན་ཤོག་ཆུང་ཆུང་འདི་དག་ནི་གཞི་གྲངས་ཀྱི་ཡོང་ཁུངས་ཁོ་ན་དང་། རྡུལ་ཕྲན་འབར་མདེལ་བཟོ་སྐྲུན་པ་རྣམས་ཀྱིས་གས་གཏོར་ཚོད་ལྟ་ལ་ལྟ་ཞིབ་ཚད་ལེན་བྱེད་པའི་མིག་ཟུང་གཅིག་པུ་ཡིན། 1964ལོའི་ཟླ6པའི་ཚེས20ཉིན། ཀྲུང་གོའི་རྡུལ་ཕྲན་འབར་མདེལ་ཐོག་མའི1བསྡུར1ཅན་གྱི་གས་གཏོར་ལད་ཟློས་ཚོད་ལྟ་གནས་འདིའི་བཟོ་རྟགས656ནང་ལེགས་འགྲུབ་བྱུང་ཞིང་། 1964ལོའི་ཟླ10པའི་ཚེས16ཉིན། རང་རྒྱལ་གྱི་རྡུལ་ཕྲན་འབར་མདེལ་ཐོག་མ་དེ་ཞིན་ཅང་གི་ལའོ་པུའུ་ཕའོ་རུ་གས་གཏོར་ལེགས་འགྲུབ་བྱུང་བ་རེད། ཀྲུང་གོས་འགྲོས་མྱུར་འཁོར་ཤེལ་བཤེར་འབེབས་པར་ཆས་སོགས་ཀྱི་ལྟ་ཞིབ་ཚད་ལེན་འོག  རྒྱལ་ཁའི་ངང་གཞི་གྲངས་ཆ་ཚང་གི་ཚོད་ལྟ་ལེགས་འགྲུབ་བླངས་ནས་བྱས་རྗེས་བླ་མེད་བཞག  ད་ལྟ་གསེར་དངུལ་རྩ་ཐང་ནས་གྲགས་པའི་འབར་གས་ཀྱི་སྒྲ་དེ་ང་ཚོ་དང་རྒྱང་ཐག་རིང་པོར་གྱུར་ནའང་།  སྟོབས་ལྡན་རྒྱལ་ཁབ་འཛུགས་སྐྲུན་གྱི་ཕུགས་འདུན་མངོན་འགྱུར་བྱེད་པའི་ཐོག་མའི་སྒུལ་ཤུགས་ནི་སྔར་བཞིན་ང་ཚོའི་སེམས་ཁོང་དུ་འཕྱུར་བཞིན་ཡོད།  །