“གསའ་གྲོང”ཟི་ལིང་གི་གཟུགས་བརྙན་མཚོན་རྟགས（logo）དང་གྲོང་ཁྱེར་གྱིipགཟུགས་བརྙན་ཁྱབ་སྒྲོག་བྱས།

རྩོམ་སྒྲིག སངས་རྒྱས་སྐྱིད། ཡོང་ཁུངས། མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ། བཤེར་འབེབས། རིན་ཆེན་ཚེ་རིང་།

“གསའ་གྲོང་”གི་གཟུགས་བརྙན་མཚོན་རྟགས(LOGO)

“གསའ་གྲོང་”གིIPགཟུགས་བརྙན——ཉིང་མེང་།

ཟླ9པའི་ཚེས2ཉིན།  ཟི་ལིང་གྲོང་ཁྱེར“གསའ་གྲོང”གཟུགས་བརྙན་མཚོན་རྟགས(LOGO)དང་“གསའ་གྲོང་”གིIPགཟུགས་བརྙན་དངོས་སུ་ཁྱབ་སྒྲོག་བྱས།  ཟླ6པའི་ཚེས12ཉིན་ནས་བཟུང་། ཟི་ལིང་རིག་གནས་གནས་སྐོར་སྤྱི་གཉེར་གྱིས“གསའ་གྲོང་”གི་གཟུགས་བརྙན ་མཚོན་རྟགས(LOGO)160ལྷག་བསྡུས་ཤིང་། མཐར་གཏན་འཁེལ་བྱས་པའི“གསའ་གྲོང་”གི་གཟུགས་བརྙན་མཚོན་རྟགས(LOGO)ནི། ཟི་ལིང་གི་དབྱིན་ཡིག་མིང་གི་ཐོག་མའི་ཡི་གེ“X”དང་རྒྱ་ཡིག་གི་མིང་གི་ཐོག་མའི་ཡི་གེ“西”རྨང་གཞི་བྱས་ཏེ་ཇུས་འགོད་བྱས་བ་དང་།   གསའ་དང་མཚོ་བོད་མཐོ་སྒང་། སྐྱེ་ཁམས་འཆམ་མཐུན།  ཆུ་གསུམ་མགོ་ཁུངས་ལ་སོགས་གྲུབ་ཆ་བསྲེས་ནས་ཇུས་འགོད་བྱས་ཡོད་པ་ཞིག་རེད་ལ།  “གསའ་གྲོང”ཞེས་ཟི་ལིང་གི་སྤུས་རྟགས་ཀྱི་གཞི་རྩའི་ནང་དོན་དང་།  དཔེ་མཚོན་ཁྱད་ཆོས།  རིག་གནས་ཉིང་བཅུད་བཅས་གང་ལེགས་མངོན་ཡོད།   “གསའ་གྲོང་”ཞེས་ཟི་ལིང་གིIPགཟུགས་བརྙན་ཇུས་འགོད་ཀྱི་ཐོག་མའི་འཆར་སྣང་ནི་གསའ་ཡི་གཟུགས་བྱད་དང་གཤིས་རྒྱུད་ལས་བྱུང་བ་ཡིན་ཞིང་།  ཇུས་འགོད་ཀྱི་རྣམ་པའི་སྟེང་ནས་ལག་པ་གཅིག་ཡར་བཀྱགས་ཏེ་རྒྱལ་ཡོངས་ཀྱི་ས་གནས་ཁག་གི་གྲོགས་པོ་རྣམས་ལ་མགྲོན་འབོད་བྱེད་བཞིན་པ་དང་མཚུངས།  དེས་ཟི་ལིང་གི་སྒོ་འབྱེད་དང་དཀྱེལ་ཡངས་མཚོན་པ་མ་ཟད། ཟི་ལིང་མི་དམངས་ཡར་བརྩོན་ལ་དགའ་ཞིང་བདེ་སྐྱིད་ཀྱི་འཚོ་བར་སྙེག་པའི་རྣམ་པ་ལེགས་པོ་མཚོན་ནོ། །