མི་གསུམ་རྐྱེན་ལམ་དུ་ཤོར་བ་དང་མི་གཅིག་རྨས། མཚོ་སྔོན་གཞོང་ཐང་རྫོང་དུ་ཆར་པ་དྲག་པོ་བབས་ནས་རི་ཉིལ་བ་དང་། དམངས་ཀྱི་ཁང་པ་གཅིག་ཆུས་འཁུར།

  སྒྲིག་སྒྱུར། སངས་རྒྱས་སྐྱིད། ཡོང་ཁུངས། ཀྲུང་དབྱང་བརྙན་འཕྲིན་གསར་འགྱུར། བཤེར་འབེབས། རིན་ཆེན་ཚེ་རིང་།

མཚོ་སྔོན་གཞོང་ཐང་ཧོས་རིགས་ཧོར་རིགས་རང་སྐྱོང་རྫོང་གི་འབྲེལ་ཡོད་སྡེ་ཚན་ནས་གནས་ཚུལ་སྤེལ་བར་གཞིགས་ན།    ཟླ9པའི་ཚེས4ཉིན་གྱི་ཐོ་རེངས་ཆུ་ཚོད4ཡས་མས་སུ་ཆར་ཆུ་དྲག་པོ་བསྟུད་མར་བབས་པས་རྫོང་དེའི་ཀྲོན་ཏོ་ཡུལ་ཚོའི་རི་ཉིལ་བ་དང་། དམངས་ཀྱི་ཁང་པ་གཅིག་ཆུས་འཁུར། མིག་སྔར་མི3རྐྱེན་ལམ་དུ་ཤོར་བ་དང་མི1ལ་རྨས་སྐྱོན་ཕོག་ཡོད།   དེ་མིན་གྱི་གནོད་སྐྱོན་ཐེབས་པའི་མི་མེད། ཡུལ་དངོས་ཀྱི་འདམ་ཆུ་གཙང་སེལ་ལས་དོན་སྤེལ་བཞིན་ཡོད་པ་དང་རྨས་སྐྱོན་ཕོག་མཁན་སྨན་ཁང་དུ་བསྐྱལ་ནས་སྨན་བཅོས་བྱེད་བཞིན་ཡོད། རྗེས་མཐུད་ཀྱི་གནས་ཚུལ་ལ་རྒྱུས་ལོན་བྱེད་མུས་ཡོད།