མཚོ་སྔོན་ཞིང་ཆེན་གྱི2024ལོའི་ལོ་སྨད་ཀྱི་སློབ་གྲྭ་ཆུང་འབྲིང་གི་དགེ་རྒན་གྱི་ཡིག་རྒྱུགས་ལེན་པའི་གསལ་འདེབས།

རྩོམ་སྒྲིག སངས་རྒྱས་སྐྱིད། ཡོང་ཁུངས། མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ། བཤེར་འབེབས། རིན་ཆེན་ཚེ་རིང་།

རྒྱུགས་སྤྲོད་སློབ་མ་རྣམས་ལ།

2024ལོའི་ལོ་སྨད་ཀྱི་སློབ་གྲྭ་ཆུང་འབྲིང་གི་དགེ་རྒན་གྱི་ཡིག་རྒྱུགས་དེ་ཟླ9པའི་ཚེས15ཉིན་ལེན་རྒྱུ་ཡིན་པས། རྒྱུགས་སྤྲོད་སློབ་མ་རྣམས་བདེ་བླག་ངང་རྒྱུགས་སྤྲོད་ནང་ཞུགས་ཐུབ་པར་འགན་ལེན་བྱ་ཆེད། ད་ལྟ་འབྲེལ་ཡོད་དོན་ཚན་དྲན་སྐུལ་བྱས་པ་གཤམ་གསལ།

གཅིག ཟླ9པའི་ཚེས9ཉིན་ནས་བཟུང་། རྒྱུགས་སྤྲོད་སློབ་མ་རྣམས་ཀྱིས་སློབ་གྲྭ་ཆུང་འབྲིང་གི་དགེ་རྒན་གྱི་ཐོབ་ཐང་རྒྱུགས་ལེན་དྲ་ཚིགས(//ntce.neea.edu.cn/)སྟེང《རྒྱུགས་སྤྲོད་འཛིན་ཡིག》དཔར་དགོས་པ་དང་། དཔར་པའི་དུས་ཚོད་ནི། ཟླ9པའི་ཚེས9ཉིན་ནས་ཚེས15ཉིན་བར་རེད། རྒྱུགས་སྤྲོད་སློབ་མ་རྣམས་ཀྱིས་ངེས་པར་དུ་རྒྱུགས་སྤྲོད་འཛིན་ཡིག་སྟེང་ངེས་པར་དུ་ཤེས་དགོས་པའི་ནང་དོན་ནན་ཏན་ངང་ལྟ་ཀློག་བྱས་ནས། རྒྱུགས་སྤྲོད་ཀྱི་བླང་བྱ་ཤེས་རྟོགས་བྱས་ནས་རྒྱུགས་སྤྲོད་གོང་གི་གྲ་སྒྲིག་ཡག་པོ་བྱེད་དགོས།

གཉིས། རྒྱལ་ཁབ་དང་མཚོ་སྔོན་ཞིང་ཆེན་གྱི་འབྲེལ་ཡོད་གཏན་འབེབས་གཞིར་བཟུང་། རྒྱུགས་རར་མ་སོང་གོང་རྒྱུགས་རར་བཀག་སྡོམ་ལས་འགལ་བའི་དངོས་པོར་ཞིབ་བཤེར་བྱེད་དགོས་པ་དང་། རྒྱུགས་སྤྲོད་སློབ་མ་རྣམས་ཀྱིས་ལག་ཁྱེར་ཁ་པར་སོགས་སྒྲིག་འགལ་དངོས་པོ་ཁྱེར་ནས་རྒྱུགས་རར་འཛུལ་མི་ཆོག

གསུམ། རྒྱུགས་མ་བླངས་གོང་གི་ཉིན་གཅིག་ལ་རྒྱུགས་སྤྲོད་ས་གནས་དང་རྒྱུགས་རའི་བཀོད་སྒྲིག་སོགས་ལ་རྒྱུས་ལོན་བྱས་ཏེ། སྔ་མོ་ནས་རྒྱུགས་རའི་་ཉེ་འཁོར་གྱི་ཁོར་ཡུག་ལ་རྒྱུས་ལོན་ཐོག ཟ་སྡོད་དང་ལམ་ཐིག་སོགས་བཀོད་སྒྲིག་བྱས་ཏེ། གནམ་གཤིས་དང་གཞུང་ལམ་འགྲིམ་འགྲུལ། ཡང་ན་ཚོད་དཔག་བྱེད་དཀའ་བའི་རྒྱུ་རྐྱེན་གྱིས་རྒྱུན་ལྡན་གྱི་རྒྱུགས་ལ་ཤན་ཤུགས་ཐེབས་པར་སྔོན་འགོག་བྱེད་དགོས། རྒྱུགས་ལེན་པའི་ཉིན་དེར་སྔ་མོ་ནས་རྒྱུགས་ལེན་སར་སོང་ནས་དུས་ཚོད་འདང་ངེས་ཤིག་འཇོག་དགོས།

བཞི། རྒྱུགས་ལེན་སྐོར་གྱི་འབྲེལ་ཡོད་སྒྲིག་སྲོལ་ལ་བརྩི་སྲུང་ནན་པོ་བྱས་ནས་ཁ་དན་ཚིག་གནས་ཀྱིས་རྒྱུགས་ལེན་དགོས། གལ་ཏེ་སྒྲིག་འགལ་བྱ་སྤྱོད་ཡོད་ཚེ《རྒྱལ་ཁབ་ཀྱི་སློབ་གསོའི་ཡིག་རྒྱུགས་ཀྱི་སྒྲིག་འགལ་ཐག་གཅོད་བྱེད་ཐབས》སོགས་ཀྱི་གཏན་འབེབས་གཞིར་བཟུང་ནས་ཐག་གཅོད་བྱ་རྒྱུ་རེད། གཡོ་ལས་ཀྱི་གནས་ཚུལ་ཡོད་པའི་རིགས《དགེ་རྒན་གྱི་ཐོབ་ཐང་སྲོལ་ཡིག》གི་འབྲེལ་ཡོད་གཏན་འབེབས་གཞིར་བཟུང་ནས་ལོ3ནང་དགེ་རྒན་གྱི་ཐོབ་ཐང་རྒྱུགས་ལེན་ནང་ཞུགས་མི་ཆོག་པ་རེད། དཔེར་ན། གནས་ཚུལ་ཚབས་ཆེ་ཞིང་ཉེས་ཁྲིམས་དང་འགལ་ཚེ་སྤྱི་བདེ་སྡེ་ཁག་ལ་ཡར་ཞུ་བྱས་ནས་ཁྲིམས་ལྟར་ཐག་གཅོད་བྱེད་དགོས།

མཚོ་སྔོན་ཞིང་ཆེན་སློབ་གསོ་སློབ་བསྡུ་རྒྱུགས་ལེན་ཁང་།

2024ལོའི་ཟླ9པའི་ཚེས9ཉིན།