མཚོ་སྔོན་ཞིང་ཆེན་མི་རིགས་ཆོས་ལུགས་ལས་དོན་ཨུ་ལྷན་གྱི་ཨུ་ཡོན་ལས་ཁུངས་ཀྱིས་ཀྲུང་ཧྭ་མི་རིགས་ཐུན་མོང་ཚོགས་པའི་འདུ་ཤེས་ཇེ་ཟབ་ཏུ་གཏོང་བའི་གསོ་སྦྱོང་འཛིན་གྲྭ་པེ་ཅིང་དུ་གཉེར་བ།

རྩོམ་སྒྲིག སངས་རྒྱས་སྐྱིད། ཡོང་ཁུངས། མཚོ་སྔོན་ཞིང་ཆེན་སྲིད་གཞུང་དྲ་བ། བཤེར་འབེབས། རིན་ཆེན་ཚེ་རིང་།

མཚོ་སྔོན་གསར་འགྱུར་དྲ་བའི་འཕྲིན། ཟླ9པའི་ཚེས1ཉིན་ནས་ཚེས6ཉིན་བར། ཞིང་ཆེན་མི་རིགས་ཆོས་ལུགས་ལས་དོན་ཨུ་ལྷན་གྱིས་ཀྲུང་དབྱང་མི་རིགས་ལས་བྱེད་པའི་སློབ་གླིང་དུ་ཞིང་ཆེན་མི་རིགས་ཆོས་ལུགས་ལས་དོན་ཨུ་ལྷན་གྱི་ཨུ་ཡོན་ལས་ཁུངས་ཀྱི་ཀྲུང་ཧྭ་མི་རིགས་ཐུན་མོང་ཚོགས་པའི་འདུ་ཤེས་ཇེ་ཟབ་ཏུ་གཏོང་བའི་གསོ་སྦྱོང་འཛིན་གྲྭ་གཉེར་བ་རེད། ཞིང་ཆེན་མི་རིགས་ལས་དོན་ཨུ་ལྷན་གྱི་ཨུ་ཡོན་ལས་ཁུངས་ཀྱི་ལས་འགན་གཅིག་ལྕོགས་ཀྱི་ཨུ་ཡོན་དང་འབྲེལ་གཏུག་པ། ཞིང་ཆེན་དམངས་འཐུས་ཚོགས་ཆེན་མི་རིགས་ཕྱིར་སྡོད་རང་མིའི་ཕྱི་འབྲེལ་ཨུ་ཡོན་ལྷན་ཁང་དང་ཞིང་ཆེན་སྲིད་གྲོས་མི་རིགས་ཆོས་ལུགས་ལས་དོན་ཨུ་ལྷན་གྱི་འབྲེལ་ཡོད་ལས་བྱེད་པ། གྲོང་ཁྱེར་དང་ཁུལ་མི་རིགས་ཆོས་ལུགས་ལས་དོན་ཨུ་ལྷན་ཁག་གི་འགན་འཁུར་བློ་མཐུན་བཅས་གསོ་སྦྱོང་ནང་ཞུགས་ཡོད་པ་རེད།

གསོ་སྦྱོང་འཛིན་གྲྭས་ཆེད་དོན་འཆད་ཁྲིད་དང་ཡུལ་དངོས་སློབ་ཁྲིད་སོགས་ཀྱི་རྣམ་པའི་སྟེང་ནས་རྒྱལ་ཁབ་མི་རིགས་ལས་དོན་ཨུ་ལྷན་དང་། རྒྱལ་སྲུང་སློབ་ཆེན། ཀྲུང་དབྱང་མི་རིགས་སློབ་ཆེན། ཀྲེ་ཅང་སློབ་ཆེན། ཀྲུང་དབྱང་མི་རིགས་ལས་བྱེད་སློབ་གླིང་བཅས་ཀྱི་ཆེད་མཁས་པ་དང་དགེ་རྒན་ཆེན་མོ་གདན་དྲངས་ཏེ། མི་རིགས་ལས་དོན་ལ་ཤུགས་སྣོན་དང་ཇེ་ལེགས་སུ་གཏོང་བའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་པ་གལ་ཆེན་སློབ་སྦྱོང་ལག་བསྟར་གཏིང་ཟབ་དང་། རང་རྒྱལ་གྱི་ཆོས་ལུགས་ཀྲུང་གོ་ཅན་དུ་འགྱུར་བའི་ཁ་ཕྱོགས་མཐའ་འཁྱོངས། ཀྲུང་ཧྭ་མི་རིགས་ཐུན་མོང་ཚོགས་པའི་འདུ་ཤེས་ཇེ་བརྟན་དུ་གཏོང་བའི་ཐད་གཙོ་གནད་ཐོག་གནད་དོན་འགའ་ཞིག་གསལ་བོར་བཤད་ནས། ཏང་གིས་མི་རིགས་ལས་དོན་ལ་ཁྱོན་ཡོངས་ནས་མགོ་ཁྲིད་བྱ་བར་ཤུགས་སྣོན་པ་དང་འཐུས་ཚང་དུ་གཏོང་བ། ཀྲུང་ཧྭ་མི་རིགས་ཐུན་མོང་ཚོགས་པའི་འདུ་ཤེས་ཇེ་ཟབ་ཏུ་གཏོང་རྒྱུ་གཙོ་རྐང་དུ་བྱས་ནས་མི་རིགས་སོ་སོའི་འགྲོ་འོང་དང་། བརྗེ་རེས། མཉམ་འདྲེས་བཅས་བྱ་རྒྱུར་སྐུལ་འདེད་གཏོང་བ། ཀྲུང་ཧྭ་མི་རིགས་ཐུན་མོང་ཚོགས་པའི་འདུ་ཤེས་ཇེ་ཟབ་ཏུ་གཏོང་རྒྱུ་གཙོ་རྐང་དུ་བྱེད་པ་སོགས་ཀྱི་ནང་དོན་ལ་དམིགས་ནས་ཡུལ་དངོས་སུ་སློབ་ཁྲིད་གཏིང་ཟབ་བྱས་པ་རེད། དེའི་རིང་། སློབ་མས་ད་དུང་ཀྲུང་ཧྭ་མི་རིགས་ཐུན་མོང་ཚོགས་པའི་འདུ་ཤེས་ཇེ་ཟབ་ཏུ་གཏོང་བའི་རིག་དངོས་གནའ་གཞུང་འགྲེམས་སྟོན་དང་། ཀྲུང་ཧྭ་མི་རིགས་ཐུན་མོང་ཚོགས་པའི་ཉམས་ལེན་ཁང་གི་དུས་ཐེངས་གསུམ་པའི་ཀྲུང་ཧྭའི་ཕུལ་བྱུང་རིག་གནས་ཉམས་ལེན་རྣམ་གྲངས་མཚོ་སྔོན་རྣམ་གྲངས་སོགས་ལ་ལྟ་སྐོར་བྱས་པ་རེད།

གསོ་སྦྱོང་ནང་ཞུགས་མཁན་སློབ་མ་ཚོས་མི་རིགས་ལས་དོན་ཡག་པོ་བསྒྲུབ་རྒྱུ་ནི་ཨུ་ཡོན་ལས་ཁུངས་ཀྱི་ཆབ་སྲིད་ཀྱི་འགན་འཁྲི་གལ་ཆེན་ཞིག་ཡིན་པས། ཆབ་སྲིད་ཀྱི་གནས་བབ་སྔར་ལས་མཐོ་རུ་གཏོང་བ་དང་། གཙོ་རྐང་ཇེ་བརྟན་དུ་གཏོང་རྒྱུར་དམིགས་པ། མི་རིགས་ལས་དོན་ཡག་པོ་སྒྲུབ་པའི་རང་རྟོགས་རང་བཞིན་ཆེ་རུ་གཏོང་བ། ཨུ་ཡོན་ལས་ཁུངས་ཀྱི་ལས་ཀའི་འགན་འཁྲི་ནན་ཏན་སྒྲུབ་པ། གཅིག་ལྕོགས་ཨུ་ཡོན་གྱི་ནུས་པ་འདོན་སྤེལ་དང་། རང་འགུལ་ངང་མཐུན་སྦྱོར་གཞོགས་འདེགས་བྱེད་པ། མི་རིགས་ལས་དོན་ཡག་པོ་སྒྲུབ་པའི་ནུས་པ་དང་ཆུ་ཚད་རྒྱུན་ཆད་མེད་པར་མཐོ་རུ་གཏོང་བ། གཙོ་རྐང་གི་བླང་བྱ་དེ་ལས་དོན་ཁག་ནང་དོན་འཁྱོལ་ཏན་ཏིག་བྱེད་པ། ཀྲུང་ཧྭ་མི་རིགས་ཐུན་མོང་ཚོགས་པའི་འདུ་ཤེས་ཇེ་ཟབ་ཏུ་གཏོང་བ་དང་ལས་སྒོའི་ལས་དོན་མཉམ་འདྲེས་གཏིང་ཟབ་དང་གཅིག་གྱུར་སྐུལ་འདེད་བཏང་ནས། ཕྱར་བ་གྲུ་འདེགས་ཀྱིས་དུས་རབས་གསར་པའི་མཚོ་སྔོན་གྱི་མི་རིགས་ལས་དོན་སྤུས་ཚད་མཐོན་པོའི་སྒོ་ནས་འཕེལ་རྒྱས་འགྲོ་བར་སྐུལ་འདེད་གཏོང་དགོས་ཞེས་གཅིག་རྗེས་གཉིས་མཐུད་ངང་བཤད་པ་རེད།