མཚོ་སྔོན་པོའི་མཛེས་སྡུག་རོལ་མྱོང་བྱེད་སའི་གནས་མཆོག་སྟེ་མཐོན་པོ་སྒང་།

སྒྲིག་སྒྱུར། སངས་དོན།    ཡོང་ཁུངས།  མཚོ་སྔོན་མཚོ་བྱང་འགྲིམ་འགྲུལ་གནས་སྐོར་མཉམ་འདྲེས་གསར་སྤེལ་ཀུང་སི།    བཤེར་འབེབས།   རིན་ཆེན་ཚེ་རིང་། 

 ནམ་མཁའ་སྔོ་ཞིང་དྭངས། སྤྲིན་དཀར་ལང་ལོང་གཡོ། རྩྭ་ཐང་གོས་ལྟར་འཇམ། ནོར་ལུག་སྐར་ཚོགས་ལྟར་ཁྱབ། ཟླ་མཆོད་གུང་གསེང་གི་སྐབས་སུ། མཚོ་བྱང་ཁུལ་མདའ་བཞི་རྫོང་དུ་ཡོད་པའི་མཐོན་པོ་སྒང་ནི་ཁྱེད་ཀྱི་གུང་གསེང་གནས་སྐོར་གྱི་འཆར་གཞི་ལས་ཅིས་ཀྱང་འགྲོ་དགོས་པའི་གནས་ཤིག་ཏུ་འཁུམས། འདིར་མཚོ་མོ་ལག་མཐུལ་ལེན་ས། མཐོན་པོ་སྒང་ལས་མེད་དོ་ཅེས་པའི་མཚན་སྙན་ཡོད་ཅིང་། ཁྱེད་ཀྱི་མི་ཚེའི་འགྲུལ་བཞུད་ཁྲོད་བརྗེད་ཐབས་མེད་པའི་དྲན་འཛིན་ཞིག་ཏུ་འགྱུར་བར་གདོན་མི་ཟ། 

གོང་དུ་བཀོད་པའི་འདྲ་པར་ནི་མཚོ་སྔོན་པོའི་མཛེས་སྡུག་གི་ཆ་ཤས་ཙམ་ཡིན་པས། དངོས་སུ་གནས་འདིར་སོང་ཚེ་ད་གཟོད་མཛེས་པ་ཡོད་ཚད་མིག་གི་དགའ་སྟོན་དང་བསམ་པའི་ལོངས་སྤྱོད་དུ་འགྱུར་ཐུབ་པ་ཡིན།

མཚོ་སྔོན་པོ་མཐོན་པོ་སྒང་སྒར་སའི་སྡོད་ཤག་ནི་དེང་སྐབས་དར་ཁྱབ་ཆེ་བའི་བར་སྣང་ཁག་མིག་ཡིན་པས་ན་གཞོན་མང་པོ་ཞིག་གིས་དགའ་པོ་བྱེད་ཀྱི་ཡོད། ཁང་པའི་ནང་ཁྲུས་བྱེད་ས་དང་རིག་ནུས་ཚོད་འཛིན། མཚན་ལྗོངས་སྐར་ཁུང་། མཁའ་རླུང་སྙོམས་ཆས་སོགས་དེང་རབས་མགྲོན་ཁང་གི་སྒྲིག་ཆས་ཁ་ཚང་སྒྲིག་སྦྱོར་བྱས་ཡོད་པར་ཟད། གྲོང་ཁྱེར་ནང་མཐོང་དཀོན་པའི་ཟས་མངར་མོ་སྣ་ཚོགས་ཀྱང་ཡོད་པས། མཛེས་སྡུག་ལྡན་པའི་དུས་ཚིགས་འདིར། མཚོ་ཆེན་ཁྲི་ཤོར་རྒྱལ་མོའི་འགྲམ་ནས་ཁྱེད་དང་འཕྲད་པར་རེ་སྒུག་བྱས་ཡོད།