ལས་འཁྱུར་ངལ་གསོའི་ལོ་ཚོད་ཕྱིར་འགྱངས་བྱ་རྒྱུ་རེད།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར། བཤེར་འབེབས། རིན་ཆེན་ཚེ་རིང་།

ཟླ9པའི་ཚེས13ཉིན། རྒྱལ་ཡོངས་དམངས་ཆེན་རྒྱུན་ལས་ཨུ་ལྷན་གྱི་གྲོས་ཚོགས་སུ་རིམ་བགྲོད་རྣམ་པའི་སྒོ་ནས་ཁྲིམས་བཀོད་ཀྱི་ལས་འཁྱུར་ངལ་གསོའི་ལོ་ཚོད་ཕྱིར་འགྱངས་བྱ་རྒྱུའི་སྐོར་གྱི་གཏན་འབེབས་ལ་བརྡས་ཐག་བཅད་དེ་སྤྱི་བསྒྲགས་བྱས་པ་རེད། འོ་ན་ལས་འཁྱུར་ངལ་གསོའི་ལོ་ཚོད་ཅི་ལྟར་ཕྱིར་འགྱངས་བྱ་རྒྱུ་དང་། དུས་ནམ་ལ་ལག་བསྟར་བྱ་རྒྱུ་ཡིན་པ། དེ་མིན་རང་མོས་སྒོས་གདམ་ག་བྱ་ཆོག་གམ་ཞེ་ན།

གཏན་འབེབས་ལྟར་ན། 2025ལོའི་ཟླ1པོའི་ཚེས1ཉིན་ནས་དུས་ཡུན་ལོ15ཚུན། སྐྱེས་པ་ལས་བཟོ་པའི་ཁྲིམས་བཀོད་གཏན་འབེབས་བྱས་པའི་ལས་འཁྱུར་ངལ་གསོའི་ལོ་ཚོད་དེ་སྔར་གྱི་ལོ60ནས་ལོ63བར་ཕྱིར་འགྱངས་བྱ་རྒྱུ་དང་། བུད་མེད་ལས་བཟོ་པའི་ཁྲིམས་བཀོད་གཏན་འབེབས་བྱས་པའི་ལས་འཁྱུར་ངལ་གསོའི་ལོ་ཚོད་དེ་སྔར་གྱི་ལོ50དང་ལོ55ནས་སོ་སོ་ལོ55དང་ལོ58བར་ཕྱིར་འགྱངས་བྱ་རྒྱུ་རེད།