ཀྲུང་གོ་མི་དམངས་དངུལ་ཁང་གིས་བཅོལ་དངུལ་གྱི་གྲ་སྒྲིག་དངུལ་ཚད་དང་དངུལ་བུན་གྱི་སྐྱེད་ཀ་ཇེ་དམའ་རུ་གཏོང་རྒྱུ་རེད།

སྒྲིག་སྒྱུར།  སངས་དོན།    ཡོང་ཁུངས།  མི་དམངས་ཉིན་རེའི་ཚགས་པར་འཕྲིན་སྟེགས།   བཤེར་འབེབས།  རིན་ཆེན་ཚེ་རིང་།

 ཟླ9ཚེས27ཉིན།  ཀྲུང་གོ་མི་དམངས་དངུལ་ཁང་གིས2024ལོའི་ཟླ9པའི་ཚེས27ཉིན་ནས་བཟུང་དངུལ་རྩའི་སྒྲིག་གཞིའི་བཅོལ་དངུལ་གྱི་གྲ་སྒྲིག་དངུལ་ཚད་བརྒྱ་ཆའི་གྲངས0.5（ལག་བསྟར་གྱི5%ཟིན་པའི་དངུལ་རྩའི་སྒྲིག་གཞི་ཚུད་མེད་པ）དམའ་རུ་གཏོང་རྒྱུའི་ཁྱབ་བསྒྲགས་བྱས་པ་རེད།    ཐེངས་འདིའི་ཇེ་དམའ་རུ་བཏང་རྗེས།    དངུལ་རྩའི་སྒྲིག་གཞིའི་དབང་སྣོན་ཆ་སྙོམས་བཅོལ་དངུལ་གྲ་སྒྲིག་མ་དངུལ་གཏོང་ཚད6.6%ཙམ་ཟིན་ཡོད་པ་རེད།     

ཀྲུང་གོ་མི་དམངས་དངུལ་ཁང་གིས་རྒྱབ་སྐྱོར་རང་བཞིན་གྱི་དངུལ་ལོར་སྲིད་ཇུས་ཀྱི་ལངས་ཕྱོགས་མཐའ་འཁྱོངས་བྱས་ནས་དངུལ་ལོར་སྲིད་ཇུས་ཀྱི་སྙོམས་སྒྲིག་བྱེད་ཤུགས་ཆེ་རུ་གཏོང་བ་དང་། དངུལ་ལོར་སྲིད་ཇུས་ཀྱི་སྙོམས་སྒྲིག་སྟངས་འཛིན་གྱི་གནད་སྨིན་རང་བཞིན་ཆེ་རུ་བཏང་སྟེ། ཀྲུང་གོའི་དཔལ་འབྱོར་བརྟན་པོའི་ངང་འཕར་བ་དང་སྤུས་ཚད་མཐོ་བའི་ངང་འཕེལ་རྒྱས་འགྲོ་ཆེད་དངུལ་ལོར་དང་དངུལ་རྩའི་ཁོར་ཡུག་བཟང་པོ་གཏོད་རྒྱུ་ཡིན་ཞེས་བཤད་པ་རེད།